Blasi Sturka 2:8 - DAWAN BÎLA AISKA

⁸ Bara Dawan Gâd bui dus mâ nani giadinka kumi mangkan Eden lalma tani ra, bara witin bui upla paskata ba bahara swin.

Blasi Sturka 2:8 ပူးပေါင်းရင်းမြစ်များ

Blasi Sturka 13:10

Bara Lot Jordan twiya aiska ba tawi kaikan, ban Sóar tawanka sirpi ba kat. Awalka un ba lî ailal bâra sa, giadin tara kum baku. Idsip tasbaya talia kan. (Sodoma Gomora wal Dawan mita kau sauhkras kan ba piua ra kan baku kan.)

Blasi Sturka 3:23

Dawan Gâd bui upla ba Eden giadin wina sakan, bara tasba ra insla dauki kaia swin, kan witin ba tasba wina brih sakan bamna.

Blasi Sturka 3:24

Witin mita upla ba kangbi sakan, bara giadin lalma tani ra kirubin nani tnawa bri ba ra swin. Pauta klauhi isparka kum, tnaya bani ra namhpa namhpa tawi ba sin bâra swin, raya kaia dusa ra waia yabalka ba aihwaki kaiki kaia, upla kli bâra wih dimbia apia dukiara.

Blasi Sturka 4:16

Bamna baku, Ken Dawan mawan wina taki wan, bara witin Nod tasbaya ra wih iwan, Eden lalmika ra.

2 King Nani 19:12

¿Yang damiki nani tawan sauhki tikan piua ra, gâdkam nani mita swaki sakan ki, naha ba Gozán, Harán, Résef, Bet-edén uplika nani Telasar ra iwi kan nani ba?

Aiseya 51:3

Saion ra yamniki marikamna, baha tawanka tara sauhkan bâra kata ba. Tasba lâwan upla iwras tasbaya ba wina giadin daukamna, Dawan mita Eden giadinka ra mangkan ba baku. Bahara lilia bâra kabia, kikaia sin, mayuni aiwananka nani miusik binka dauki.

Isikiel 27:23

Harán, Cané, Eden bara Sabá, Asiria diara âiatkra nani ba, bara Media uplika aiska ba, man wina âiatkra kata;

Isikiel 28:13

Eden ra katma, Gâd giadinka ra, mai sakahkan kan walpa pranakira sât sât wal: rubi walpaya, krisulait, jadi walpaya, topas walpaya, karnilian walpaya, jasper walpaya, sapair walpaya, garnit walpaya, esmeralt walpaya; bangkilkam ba bara kiamam lula ba gul ni ridi daukan kan, mai paskan yua wina.

Isikiel 31:16

Yang yabrika prura kingka tasbaya ra iwbia pruan nani bâra ba wal asla prawaia; witin kauhan binka ba wali tasba ra nisan nani ba tatatbia bara baha tasbaika ra tasba munhtara Eden dusa nani ba maisa nihkra brin kabia; kau painkira bara kau pain lî ni laiki lâkan nani ba sin Líbano ilka ra.

Isikiel 31:18

Eden ra dus nani bâra ba kumi sin witin wal sip prakras kata kulkanka ba bara pâwanka yarika ba wal sin; bara ban sakuna, Eden dusa wala nani wal baku mâyara iwbia, tasbaya tasba munhtara bâra ba kat iwi wabia, idan nani tilara iwaia, upla nani war ra pruan nani ba tilara. ‘Baha dusa tara ba king fero sa ai uplika sut kira. Yang, Dawan, kasak aisisna.’ ”

Joel 2:3

Witin nani ba pauta klauhan baku sa, diara sut angki âpu daukisa; kau bal lui waras ba ra, kainara diara sut angkisa, bal lui wan ba ningkara, kau ban angkisa. Witin kau balras ba ra, tasba ba insla disang painkira kum baku sa, witin nani bal lui wan ba ra, tasba kum bîla man ba baku dauki swin sa. ¡Bahara diara kumi sin swak takras, sut âpu daukan!