Blasi Sturka 2:2 - DAWAN BÎLA AISKA

² Gâd ai warkka nani daukan ba yu 7 kat paski tnata alkan, bara ris brin.

Blasi Sturka 2:2 ပူးပေါင်းရင်းမြစ်များ

Blasi Sturka 1:31

bara Gâd kaikan diara nani witin paskan ba sut yamni pali kan. Bara baku natka ra yu matlalkahbika ba tnata alkan.

Blasi Sturka 2:3

Bara Gâd bui witin yu 7 wark daukan yua ba holikira kulkata, kan baha yua ba witin ris brin ai warkka aiska paskan ba wina.

Impakan Sturka 23:12

“Yu nani 6 ba bilara dîa warkka nani daukaia sma ba sut dauks, sakuna yua 7 ba aimakbia ba ra, ris bri bas, bîpkam wainhka nani, birikukam nani sin ris bribia, bara tringsar nani, albikam nani sin kli ai karnika briaia ba mata baku dauks.

Impakan Sturka 31:15

Yu matlalkahbi ba wark daukaia yua nani sa, sakuna yu 7 aimaki yua ba ris yua sa, Dawan mita ai yua kulkan ba. Bamna ani uplika baha yua wark daukbia kaka, pruaia pâtka ra lakan kabia.’

Impakan Sturka 31:17

Baha ba ban kaia ra tukinka kum, Israel luhpia nani yang wal lâ daukri tukinka kabia.” Kan Dawan ba kasbrika pura bara tasba na wal paskan yu matlalkahbi ra, sakuna yu 7 aimakan ba ra wark dauki kan ba takaski, ris brin.

Aiseya 58:13

“Ris yua kulki bas; baha yua man bisniskam daukpara, yang yui holi bamna. Man naha yua na lilia yua kum kulkma, Dawan yua holikira baku bara aitani witin ra aitani kulkaia; man bahara bisniskam nani daukras kira pain kulks, diara briaia dukiara apia.

Jan 5:17

Sakuna Jisas witin nani ra win: —Yang Aisiki piu sut wark takan, bara yang sin wark takisna.

Kli Smalkanka 5:14

Bara yu 7 yua ba lika ris yua, wark takaia apia yua ba, Dawan Gâdkam ra kulkanka yabaia ris yua ba. Baha yua ra wark sâtka kumi sin daukpara, luhpiam waitna, luhpiam mairin, albikam waitna, albikam mairin, bîpkam nani, birikukam nani, daiwram wala nani, upla wala tawankam ra takaski nani ba sin apia, albikam waitna, albikam mairin ba sin ris bribia.

Hibru Nani 4:10

kan ani uplika dimi Gâd wal ris bri ba, witin lika ai warkka ba wina ris brisa, sim Gâd ai warkka wina ris brin ba baku.

Hibru Nani 4:4

Kan Ulbanka nani wina pîs kumi ra, yu 7 dukiara naku wisa: “Gâd lika ai warkka sut wina, yu 7 ba kat ris brin.”