Blasi Sturka 18:23 - DAWAN BÎLA AISKA

²³ Witin Dawan lamara kau itwi dimi wan, bara witin ra makabi walan: —¿Upla pâtkas nani ba sin, pâtkira nani ba wal aikuki baku iki tikma ki?

Blasi Sturka 18:23 ပူးပေါင်းရင်းမြစ်များ

Blasi Sturka 18:24

Ban kra tawan tara ba ra upla pâtkas nani 50 bâra sa kaka, ¿baha nani 50 ba swaki sakaia dukiara wala nani ba pâtka ban swih tikras sut pali iki tikma ki?

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Blasi Sturka 20:4

Ban sakuna, Abimélec ba kau mairin ba lamara waras kan, bamna witin Dawan ra win: “Dawanki, ¿upla kum kau saura daukras ba sin man ban ikaia lukisma ki?

2 Samuil 24:17

Debit kaikan insal ba upla nani ra siknis yabi kan ba, bara witin Dawan ra winan: —¡Yang sika saura yâri! ¡Yang sika pâtkira sna! ¿Sakuna pâtkas nani na dîa daukan? ¡Man ra mamkabisna klalkam ba yang purira kauhbia bara taiya nani purara sin!

Job 34:17

Gâd mita kasakka lâka ra misbara kaikbia kaka, witin tasba na wihtka aimakaia sip apia kabia. ¿Nahki man pât ra lakma, upla kum kasak sa kaka?

Job 8:3

Gâd karnika sut bri ba, aima kumi sin kasakka lâka ba bara wapni lâka ba wal warbi laki aisaras.

Lawana Nani 73:28

Sakuna yang lika Dawan lamara wamna, kan baha ba kau pain sa yang maipa ra. Man, Dawan Gâd, man sika yang yukuwaiki aihwa sma ba, bara yang bui man bui diara tara daukram ba aisi kamni.

Impakan Sturka 23:7

“Kunin aisi upla dahra kwahki ba wina laihura bas. Upla kum pâtkas kaka, lâka dauki ikpara, kan baha pâtkira ba yang mita pâtkas kulkamna apia bamna.

Jirimaya 30:21

Witin nani ai tila wina wihta sâkbia: wihta tara kum witin nani tila wina bal takbia. Yang laima kat balaia daukamni, bamna, ¿ya kupias taki laimara balaia sip sa? Witin nani ba yang upliki nani kabia, yang sin witin nani ai Gâdka kamna. Yang, Dawan, kasak aisisna.”

Kulki Kaikanka 16:22

Sakuna Moses bara Eran wal bawan, ai mawan ba tasba kat bri si praki, bara win: —Ay, Gâd, man sika upla sut ra rayaka ba yabisma ba, ¿man kupiam sauhkaisma ki upla nani sut ra, upla kumi tâwan?

Hibru Nani 10:22

Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.

Jems 5:17

Prapit Ilayas ba yawan baku upla kum kan; witin lî auhbia apia wisi ai pura sunan ba ra, mani yumhpa pura bakriki naha tasba ra lî auhras kan.