Blasi Sturka 18:1 - DAWAN BÎLA AISKA

¹ Mamré usupumka nani tilara, Dawan Ebraham ra param takan, yu wan lal kat lapta pali kan ba piua ra. Witin ai tintka watla durka bilara iwi kan,

Blasi Sturka 18:1 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 13:18

Bamna Ebram, ai tintka watla kum bukan, bara Hebrón tawanka tara lamara usupum dusa manis pâwi kan ba tasbaya ra waitna kum nina Mamré mâki kan ba bâra iwi kan, bara baha lamara wih iwan. Bahara Ebram altar kum paskan Dawan dukia.

Blasi Sturka 14:13

Sakuna waitna kumi baman tila ba wina plapi swak takan. Bara witin balan bara Ebram Hibru waitnika ra sturka ba sut win. Witin amorreo usupum untika ra ai uplika nani Mamré, amorreo ba, Escol muihnika wala Aner nani aikuki bahara iwi kan.

Blasi Sturka 15:1

Naha diara nani sut ba ningkara Dawan bîla ba Ebram ra balan, bara diara aihka kaikan ra witin ra win: —Ebram, man si bripara, kan yang sika pât tara nani wina man kainam kakahbra sna ba. Man mamna ba sin tara pali kabia.

Blasi Sturka 17:22

Bara Gâd lika Ebraham wal aisi swin ba ra, witin baha wina mahka wan.

Blasi Sturka 18:22

Waitnika nani wina wâl ba baha wina Sodoma ra wan, sakuna Ebraham kau ban Dawan mawanra bâra takaskan.

Blasi Sturka 20:1

Baha tasbaya ra bâra kan ba wina, Ebraham witin Négueb tani ra impaki wan, bara Cadés wihki Sur wal bilka ra takaskan, baha wina tisku Guerar ra wih iwan.

Blasi Sturka 26:2

Baha yabalka ra Dawan bui witin ra latan takan, bara win: “Man Idsip ra wapara, sakuna yang mai wimna man anira takaskaia sma ba, bara man bahara takaski kama.

Blasi Sturka 35:27

Jekob ai aisika Aisak kaikaia Mamré ra wan. Baha tawanka nina ba sin Arbá, apia kaka Hebrón mâki kan. Baha tawanka ra Ebraham bara Aisak sin iwi kan.

Blasi Sturka 48:3

Bara witin Josep ra win: —Gâd karnika sut bri ba, Luz tawanka tara Kenan tasbaya ra bahara yang ra latan takan bara ai yamnika aikan,

2 Kronikas 1:7

Bara baha tihmika Dawan Salaman ra latan takan bara naku aisi, win: “Man dîa brin mai dauki ba makas, bara yang bui man ra maikamna.”

Impakan Sturka 4:1

Moses kli pana aisin: —Ban sakuna, Israel luhpia nani ba yang ra kasak lukras ai walras kabia kaka, kli maipara aisabia: ‘Dawan lika man ra latan takras ai wibia kaka.’

Apastil Nani Sturka 7:2

Bara witin pana aisin: —Muihni nani bara aisa nani, ai wals. Wan Gâdka pranakira ba mita wan damika Ebraham ra param takan, witin Mesopotamia ra iwi kan piua, kau Eran ra wih iwras kan ba ra.

Hibru Nani 11:9

Kasak lukan mita, Ebraham ba Gâd mita witin ra pramis munan tasbaya ba ra wih iwi kan, witin ba upla tringsar kum baku. Witin ba kiamp watla nani ra dimi kan, bara Aisak bara Jekob wal sin baku iwi kan, witinka nani sin baha pramiska brin kan ba.

Hibru Nani 13:2

Upla tringsar nani wamtla ra dingki briaia ba kupiam krauki bas. Upla tila nani naku dauki, ai dara walras pali insal nani ai watla ra dingki brisata.

Jasua 5:13

Yu kumi, Jasua Jeriko tawanka lamara bûi kan, witin ai lamara kaikan waitna kum sord kum ai mihta ra alki bri ai mawanra bûi kan. Jasua kau witin ai lamara dimi wan, bara waitnika ra makabi walan: —¿Man ba yawan uplika nani kum sma, apia kaka wan waihla nani wina kumika sma?