Blasi Sturka 17:7 - DAWAN BÎLA AISKA

⁷ Man wal lâika daukisna na, man kiamkam nani wal sin yang lâ daukamni. Yang lika man Gâdkam ban kamna, witin nani ai Gâdka sin.

Blasi Sturka 17:7 ပူးပေါင်းရင်းမြစ်များ

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 17:13

Wamtla bilara aisubi takan ba, lalah mana atkram ba sut, aikuki baku yang lâika ba wîna ra klaki mangkram kaia sa; baku yang lâika ba man nani wînam ra mark daukan bri kama, lâ daukanka kum rayakam aiska ra.

Blasi Sturka 17:19

Gâd pana witin ra win: —Yang mai wîri ba lika, man mayam Sara luhpiam waitna kum baiki maikbia, bara man bui witin ai nina ba Aisak mâkma. Bara witin wal yang lâika ban kaia ba daukamni, ai kiamka nani ai ninara aula ba aikuki sin lâ daukamni.

Blasi Sturka 26:24

Bahara tihmia ra Dawan ba witin ra latan takan, bara win: “Yang sika man aisikam Ebraham Gâdka, man si bripara, kan yang lika man wal sna, yang naipakan Ebraham dukiara luki yamniki maikamni bara kiamkam sin ailal daukamni.”

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 6:18

Ban sakuna, man wal lâika ba bapamni, bara ark watla ra man dimma, man luhpiam nani, mayam, bara luhpiam nani maya sin sut man wal dimbia.

Blasi Sturka 9:16

Kasbrika nani ra kumadura ba bâra kabia baha kaikamna ba ra kupi krawbia, lâika ban kaia ra daukri ba upla sut wal bara daiwan nani sut tasba ra ba wal sin.”

2 Samuil 7:24

Man ban baku lukram, Israel ba man uplikam ban kabia, bara man, Dawan, witin ai Gâdka kama.

1 Kronikas 16:13

man nani lika Israel kiamka albika nani sma, man nani Jekob luhpia bâk sakan nani.

1 Kronikas 16:14

“Witin sika Dawan wan Gâdka ba. ¡Witin sika tasba aiska na wihtka aimaki ba!

Lawana Nani 81:10

Yang sni man Dawan Gâdkam, yang sika Idsip tasbaya wina mai sakri ba, bîlam ba kwâks, bara âuyapah mai daukamni.

Impakan Sturka 3:15

Baha purkara, Gâd sin Moses ra win: —Israel luhpia nani ra wis: ‘Dawan ba man nani damikam nani sut Gâdka ba, Ebraham, Aisak bara Jekob Gâdka ba mita ai blikan sa man nani ra.’ Naha sika yang nini ban kaia ra ba. Naha nina ba wal upla kiamka nani taki ba tilara yang ra luki kabia.

Impakan Sturka 3:6

Baha purkara win: —Yang na damikam nani Gâdka sni, Ebraham, Aisak bara Jekob Gâdka ba. Moses Gâd bîla baikra walan ba ra, Gâd mawan ingnika kat kaikaia sibrin daukan, bara witin ai mawan yukukan.

Impakan Sturka 6:4

Baha purkara sin, witin nani wal lâ kum daukri, pramis munri Kenan tasbaya ba witin nani ra yabaia, baha tasbaya ra witin nani tringsar baku pat piua wiria lupia iwi kata ba.

Impakan Sturka 6:7

bara man nani ba yang upliki nani mai brimni, bara yang na man nani Gâdkam kamni. Baku mika man nani kaikma yang sika Dawan Gâdkam sna ba, Idsip uplika nani mita wark karna mai dingki kan ba wina pri mai sakri ba.

Aiseya 61:8

Kan Dawan ba wapni lâka ra latwan kaikisa, bara impliki upla iki ba misbara kaikisa. Witin mita baha nani ra kasak lâka ra mana yabia bara witin nani wal lâ kum daukbia ban kaia ra.

Jirimaya 31:1

Gâd aisisa: “Baha piua ra yang kamna Israel kiamka nani sut Dawanka, bara witin nani ba yang upliki.”

Isikiel 28:26

Bahara iwbia lamni bara trabil âpu kira. Bara utla nani paskbia bara wain nasla nani dauki mangkbia. Yang lâka daukamna baha lamara iwi nani ba, Israel ra misbara kaiki nani sut ra. Baku mika ai tânka bribia, yang sika Dawan sna ba, Israel Dawanka sni.”

Libait Lâka 11:45

Yang sika Dawan Gâdkam, Idsip wina mai saki mai bri balri Gâdkam kaia, baku bamna man nani holikira kaia sma, kan yang holi sna.”

Libait Lâka 25:38

Yang sika man nani Dawan Gâdkam, Idsip wina mai sakatna ba, Kenan tasbaya maikaia bara man Gâdkam kaia.

Libait Lâka 26:12

aima bani man nani tilamra watauki ban kamna, yang lika man Gâdkam sna, man nani lika yang upliki nani kama.

Libait Lâka 26:44

“Baha mai wîri ba sut tilara, waihlam nani tasbaya ra kama ba ra, aiska pali saura mai kaiki, ban pali mai kulki swimna apia. Âpu pali mai daukamna apia, damikam nani wal lâ daukri, Jekob wal lâ daukri ba luki kamna, kan yang sika ai Dawan Gâdka.

Libait Lâka 26:45

Ban sakuna, kupi krauki kamni lâ nani witin nani aikuki daukri ba, Idsip wina sakri piua ra nisan nani mawanra witin nani Gâdka kaia. Yang sika Dawan.”

Libait Lâka 26:9

Yang bui man nani ra pain mai kaikamni, ailal sahwaia mai daukamna, man wal lâika ba ban alki bri kamna.

Miqueas 7:20

¡Jekob kiamka wal man kasak tânka aiska sut daukma, Ebraham kiamka ra sin umpira kaikma; baku yang nani damiki nani ra blasi pali piua wina daukaia wisatma ba, man bîlam kat daukma!

Matiu 22:32

‘Yang sika Ebraham, Aisak bara Jekob Gâdka.’ ¡Bara Gâd ba pruan nani Gâdka apia sa, sakuna raya nani Gâdka sa!

Mark 10:14

Jisas baha kaiki baha nani ra lawi daukan, bara naku win: —Swis tuktan nani ba yang ra balbia, witin nani takaskpara, kan Gâd kingka lâka ba witin nani sâtka uplika nani dukia sa.

Apastil Nani Sturka 2:39

Naha pramiska na lika man nani bara luhpiam nani sut dukiam sa, bara upla nani laihura banhwi ba sut dukia sin; wibia kaka Dawan wan Gâdka paiwaia luki uplika nani ba dukia sin.

Roman 9:4

Ju nani sut ba lika Israel kiamka sa, bara Gâd mita baha nani ba ai luhpia nani baku saki brin. Bamna Gâd ai mawan pranakira ba wal witin nani tilara kan, bara wal lâ daukan lâka nani ba yan, Moses lâka ba, tempel priaska bara pramiska nani sin.

Epesus 2:2

Bamna baha piua luan ra, man nani naha tasba daukanka saura nani ba nina bliki banhwi katma, bara pirit pâsa purara karnika bri ba bîla wali dauki katma, baha piritka sika Gâd bîla wali daukras nani tâ bri ba.

Kli Smalkanka 29:13

Naiwa baha lâka bapisa man nani ba witin ai uplika nani, witin bui man nani Gâdkam, damikam nani Ebraham, Aisak bara Jekob ra pat pramis daukan kan ba baku.

Hibru Nani 11:16

Sakuna witin nani kuntri kau pain kum brin dauki kan, baha tânka ba lika, kasbrika purara kuntrika ba. Baha mita, baha nani mita witin nani Gâdka mâki ba ra, Gâd ba ai swira lukras, kan witin ba baha nani tawanka kum ridi dauki brisa.

Hibru Nani 8:10

Baha yua nani ningkara Israel nisanka wal lâ daukamna ba naku kabia wisa, Dawan bila: Yang lâika nani ba witin nani lukanka ra mangkamna, bara ai kupia nani bilara baha nani ba ulbamni. Bamna yang lika witin nani Gâdka takamna, bara witin nani ba upliki nani kabia.

Wihta Nani 2:1

Dawan insalka ba Guilgal wina Boquim ra wan, bara Israel luhpia nani ra win: “Yang lika Idsip wina man nani mai sakri, bara naha tasbaya kat mai bri balri, man nani damikam nani ra yabaia pramis munri ba. Bara witin nani ra wîri: ‘Man nani wal yang lâika daukri ba, yang kli bîli wala lakamna apia,