Blasi Sturka 17:17 - DAWAN BÎLA AISKA

¹⁷ Ebraham ai mawanra tasba kat prawi, kikan bara ai kupia ra lukan: “¿Waitna kum pat 100 mani alkan ba kau luhpa baikaia sip kabia ki? ¿Bara Sara sin pat 90 mani alkan ba, sip sa ki kwihra tiwaia?”

Blasi Sturka 17:17 ပူးပေါင်းရင်းမြစ်များ

Blasi Sturka 17:18

Bara Ebraham bui Gâd ra win: —¡Baku pan takaia si, bara Ismael man mamwanra yamnikam ba wal iwi kabia!

Blasi Sturka 17:3

Bara Ebram ai mawan ra tasba kat prawan, bara Dawan bui witin ra kau ban aisi, win:

Blasi Sturka 18:11

Ebraham pat dama pali kan bara Sara sin kuka pali. Sara ai katka sikniska sin briras pat takaskan kan.

Blasi Sturka 18:12

Baha mita Sara sip kasak lukras kiki kan, bara witin luki kaikan: “¿Nahki yang nani wâlsut pat karniki tiwan na kwihra tiwamna?”

Blasi Sturka 21:5

Aisak aisubi takan ba kat Ebraham pat mani 100 kum bri kan.

Blasi Sturka 21:6

Bara Sara win: “Gâd mita yang ra ai munan kikri, bamna nanara upla wala nani sut yang sturki walbia, yang naha luhpia baikri na, witin nani sin yang wal kiki kabia.

Blasi Sturka 21:7

¿Ya mita Ebraham ra wiaia kan, yang na witin ra ai luhpia baiki yabaia sip sna? Ban sakuna, witin almuk pali takan bara yang bui witin ra ai luhpia waitna kum baiki yabri.”

1 Kronikas 21:16

Debit ai nakra purara bukan ba ra, kaikan Gâd insalka ba kasbrika purara tasba ra wâl lila kat bûi kan, ai sordka ba ai mihta ra buki, Jerusalem pura kat mangki bri kan. Bamna Debit almuk nani aikuki, ai prâka almuk nani dimi ai lal tasba kat makupan.

Job 1:20

Bara Job ba ai kupia wirhika wal ai mina ra buan bara ai prâka kalkan, ai tâwa klakan, bara bawan mayunra lâka dauki natka ra.

Isikiel 1:28

sim kumadura kasbrika ra lî auhi piua ra taki baku. Naha natka ra, Dawan prana ba yang ra bal takan. Yang baha kaikri ba ra, laila bawri tasba kangbaia prais kat.

Daniel 8:17

“Bara witin ba laimara balan bara yang tâ iwan takri, bara yang bawri maiwan ba tasba kat bri si prakri, sakuna witin bui ai win: ‘Upla luhpia waitna, luki bas naha diara aihka kaikram ba lika tnata yua tânka sa.’

Libait Lâka 9:24

Dawan mawan wina pauta blikan tasba ra, altar purara daiwan angkaia bâra kata ba aman. Baha kaikan ba ra, Israel luhpia nani sut ba ai lilia wini kira ai mawan tasba kat makupan.

Kulki Kaikanka 14:5

Bamna Moses bara Eran wal, Israel luhpia nani sut kaiki kan tasba ra kauhi ai lula kriki banhwan.

Kulki Kaikanka 16:22

Sakuna Moses bara Eran wal bawan, ai mawan ba tasba kat bri si praki, bara win: —Ay, Gâd, man sika upla sut ra rayaka ba yabisma ba, ¿man kupiam sauhkaisma ki upla nani sut ra, upla kumi tâwan?

Kulki Kaikanka 16:45

—¡Naha uplika nani tila wina tnaya ra taki banhs, naiwa baha nani âpu daukaisna bamna! Bamna Moses bara Eran wal ai lal bawi ai mawan ba tasba kat prakan.

Matiu 2:11

Witin nani utla bilara diman ba ra, tukta ba ai yaptika Meri wal kan kaikan. Bara tukta ba mawanra ai lula kriki, mayunan. Bara ai lalahka watla nani ba bukutbi, gul, dus mâka bara sîka mâka kîa painkira sin tuktika lupia ra prisant yan.

Luk 1:18

Sakaraya mita insalka ra makabi walan: —¿Nahki kaikamna naha na kasak baku kabia sa? Kan yang mayi wal lika pat almuk pali takri sa.

Jan 8:56

Man nani damikam Ebraham ba, yang ra ai kaikaia kan ba ai kaikan baha mita lilia ni aibanhwan kata.

Kli Smalkanka 9:18

Baha ningkara Dawan mawanra luli krikri, piua wala dauki kapri ba baku, yu 40 bara tihmia 40 plun piras bara lî sin diras, man nani saura daukram tâwan, Dawan mapara bûi kupia sauhki banhram.

Kli Smalkanka 9:25

Dawan sauhki mai tikaia luki sirang mai ikan bamna, yang Dawan mawanra luli kriki makabri, yu 40 bara 40 tihmia

Jasua 5:14

—Kumi sin apia, wala ba sin apia —waitnika ba pana win—. Dawan aiklaklabra nani bri ba, baha nani pura wihtka baku yang balri. Bara Jasua lika witin mawanra ai mawan ai lal tasba kat bawan, bara makabi walan: —¿Dawan mita man nampakan ra dîa wiaia brin mai daukisa?

Jasua 7:6

Baha yua Jasua bara Israel almukka nani sut, ai prâka kalkan bara ai lal purara yamhpus yakabi sari bri tukinka ba daukan. Bara baha yua aiska witin nani Dawan lâka auhbaia watla ba lamara ai mawan tasba kat aimakupi bâra kan.

Param Marikanka 11:16

Bara almuk 24 nani ai king iwaika nani ra iwi Gâd mawanra nani kan ba, ai mawan nani ra tasba kat kauhi, Gâd ra ai pura suni mayuni kan,

Param Marikanka 5:8

witin baha wauhkataya ba prak brin ba ra, diara rayakira walhwal ba bara almuk 24 ba, Sîp Luhpia ba mawan kat ai lula krikan. Witin nani sut arp kum bri kan, gul ni daukan kapka sin dus mâka kîa pain banhki bri kan, bara baha nani ba lika Gâd uplika nani pura sunra nani sa.

Wihta Nani 13:20

Pauta klauhan ba altar wina purara ulan ba ra, Manoa kaikan Dawan insalka ba pauta klauhan ba bîla wina taki kasbrika purara uli wan. Bara witin nani ai mawan tasba kat kauhan.