Blasi Sturka 17:16 - DAWAN BÎLA AISKA

¹⁶ Witin ra sin yamni munamna, bara witin wina luhpiam waitna kum maikamna, âu, yang bui witin ra yamni munamna, bara witin ba nisan nani ailal yaptika takbia. Ai kiamka nani tila wina king nani sin bal takbia.

Blasi Sturka 17:16 ပူးပေါင်းရင်းမြစ်များ

Blasi Sturka 1:28

bara Gâd bui witin nani ra ai yamnika yabi, win: “Man nani luhpa ailal, ailal sahwi, bara tasba ba banhki dauki, witin nani purara karnika alks; tasba na banhki dauki, baha nani tâura aimaki bas; inska nani bara tnawira nani ba, bara daiwan nani tasba purara raswi tauki nani ba sin karnikam mununhtara taibi bri bas.”

Blasi Sturka 12:2

Bara man kiamkam wina yang nisan tara kum daukamni, yamni mai munamni, ninam tara daukamna, man ba yamnika kum kama upla wala nani dukiara.

Blasi Sturka 15:4

Dawan pana witin ra win: —Man prapatikam nani dawanka ba man luhpiam pali kabia, bara tringsar lika man dukiam dawanka aimakbia apia.

Blasi Sturka 17:15

Bara Gâd kau ban aisi, Ebraham ra win: —Man mayam Sarai nina ba sin kau ban Sarai mâki kabia apia, sakuna nanara wina ai nina ba Sara mâki kabia.

Blasi Sturka 17:19

Gâd pana witin ra win: —Yang mai wîri ba lika, man mayam Sara luhpiam waitna kum baiki maikbia, bara man bui witin ai nina ba Aisak mâkma. Bara witin wal yang lâika ban kaia ba daukamni, ai kiamka nani ai ninara aula ba aikuki sin lâ daukamni.

Blasi Sturka 17:6

Man kiamkam ba ailal pali daukamni, man wina nisan nani ailal pali bal takbia, king nani sin man wina bal takbia.

Blasi Sturka 21:1

Dawan ai bîla win ba baku, witin Sara ra bal kaikan, bara witin ai bîla aisin ba kat sin Sara ra daukan.

Blasi Sturka 24:60

Bara witin nani naha bîla nani aisi Rebeca ra yamni win: “Âu, wan lakra mairin, ¡man milian ailal nani yaptika takma! ¡Man kiamkam nani ba, waihlam nani tawanka tara nani ba pura lubia!”

Blasi Sturka 25:23

Bara Dawan pana witin ra win: “Biamra bilara nisan wâl bâra brisma, upla sâtka wâl bâra sa, bara nanara wina witin wal pana pana unsabi aiklabisa. Kumi ba kau kanra kabia wala ba wal, almukka ba mita ai ningkara bawi kabia.”

Blasi Sturka 35:11

witin ra kli naku win: “Yang na Gâd karnika aiska pali bri ba Gâdka sna. Man luhpiam bara kiamkam nani sin ailal pali brima. Man wina sin, nisan kum bal takbia bara upla sâtka nani sin bal takbia. Kiamkam nani takbia tilara, king nani sin bâra kabia.

Blasi Sturka 36:31

Naha waitnika nani ba, Edom tasbaya ra king aimaki kan, Israel luhpia nani kau ai kingka mangki briras kan ba kainara.

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Roman 9:9

Gâd mita Ebraham ra pramis munan ba lika naha sa: “Naha piua na praiska kat yang balamna, bara Sara lika luhpa waitna kum bribia.”

Galesha 4:23

Alba mairin wina ba lika wan wîna lâka kat tuktan wala nani baiki ba tânka kat aisubi takan; sakuna mairin pri wina baikan ba lika, Gâd bui Ebraham ra pramis munan ba aimakan.

1 Pita 3:6

Sara ba baku kan; witin Ebraham bîla kat wali dauki kan, bara witin ra sin “yang dawanki” win. Bara man nani ba witin luhpia mairin sma, diara yamni ba daukma kaka bara diara kumi ra sin sîa âpu kama.