Blasi Sturka 16:13 - DAWAN BÎLA AISKA

¹³ Agar Dawan wal aisin bamna, witin ai nina ba naku mâkan “Dawan diara kaiki ba”, kan witin naku aisin bamna: “Dawan bui yang ra ai kaikan bara yang kau raya sni.”

Blasi Sturka 16:13 ပူးပေါင်းရင်းမြစ်များ

Blasi Sturka 16:7

Sakuna Dawan insalka witin wal prawan upla iwras tasbaya ra, Sur ra waia yabalka ra lî kârma kum lama kat,

Blasi Sturka 22:14

Bara Ebraham baha ilka ba nina ba “Brin wan dauki ba, Dawan wina wankisa” mâkan. Baha mita baha yua wina naiwa kat kau ban baha ilka nina baku mâkisa: “Diara brin wan dauki ba, Dawan wina wankisa.”

Blasi Sturka 28:17

Witin sibrin daukan bara lukan: “Naha tasbaya na holi pali sa Gâd watla ba nâra sa; ¡naha na lika kasbrika pura durka!”

Blasi Sturka 31:42

Yang aisiki nani Ebraham Aisak wal Gâdka ba, yang wal apia kan kata kaka, kasak pali man kupiam wina lika yang na mihti bîla baman diara luha, naha wina ai swirka waia kapri. Sakuna Dawan lika yang kupi sarka lâka ba kaiki kan bamna, yang mihti warkka nani daukri ba sin, bahamna tihmia luan ra man ra lawi mai daukan.

Blasi Sturka 32:30

Bara Jekob baha tasbaya nina ba Penuel mâkan. Witin win: “Yang lika Gâd mawan ba laima kat kaikri, ban sakuna, yang kan pruras kau raya sna.”

Blasi Sturka 32:31

Yu kalwi ulan ba ra, Jekob Penuel wina taki wan; sakuna ai kilka dusa latwan bri kan bamna, prutwi wan.

Impakan Sturka 24:11

Gâd lika Israel tâ uplika nani ra saura munras kan, witin nani bui Gâd kaikan, bara aikuki plun pin, diara sin din.

Sins Lâka 15:3

Tasba bani ra, Dawan nakra bâra sa; saura nani, yamni nani sut purara aihwaki kaikisa.

Sins Lâka 5:21

Dawan ba kaikisa upla daukanka ba; witin ai nakra wina, mina lulkanka kum sni tiwras.

Wihta Nani 6:24

Bara Gedeón baha tasbaya ra altar kumi paskan, bara Dawan ra pain kulkan lâka yabaia bahara ai pura sunan, bara altar nina ba ‘‘Dawan ba kupia kumi lâka’’ mâkan. Naha altarka ba naiwa kat Ofrá ra kau ban bâra sa, baha lika Abiézer masraka nani tawanka tara ba.