Blasi Sturka 15:18 - DAWAN BÎLA AISKA

¹⁸ Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 15:18 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 13:15

Tasbaya aiska man kaikisma na, man dukiam bara kiamkam nani dukia maikisna ban kaia ra.

Blasi Sturka 2:14

Bara awalka yumhpika ba nina Tigris, baha sika Asiria lalmika tani ra auya ba. Bara awalka walhwalka ba nina lika Éufrates.

Blasi Sturka 24:7

Dawan, kasbrika pura Gâdka ba, yang aisiki watla bara taiya nani tasbaya wina sin witin mita ai saki bara witin aisi yang ra pramis ai munan ba, naha tasbaya na yang luhpi nani ra yabaia wisi, witin ai insalka man kainamra blîkbia, bara man baha wina yang luhpi waitna maya kum bri balma.

Blasi Sturka 26:4

Man kiamkam nani ba ailal daukamna, purara slilma nani ailal bâra ba baku, bara naha tasbaya nani sut kiamkam nani ra yabamna. Baha purkara, tasba aiska ra nisan nani sut ba witin nani ra praki yamniki yabamni,

Blasi Sturka 28:4

Bara Ebraham ra yamnika yabaia win yamnika ba, man ra bara kiamkam nani sut ra maikbia. Naha tasbaya nanara man nâra iwisma na, nanara lika tringsar baku iwisma na, man nani tasbaya na dawanka nani kama. Kan witin Ebraham ra baku yabaia pramis win bamna.”

Blasi Sturka 35:12

Ebraham ra, Aisak ra tasba yabri tasbaya ba, man ra sin maikisni, bara man ninamra kiamkam nani ra sin tasbaya ba yabamna.”

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

2 Samuil 23:5

Baha mita yang kiamki ba kitras Gâd wal bâra sa, witin ba yang wal lâ kum ban kaia lâka ba daukan sa, lâka aiska daukaia pat ulban sa, sip luras. Pura luaia lâka aiska ba witin bui yang ra aikisa bara yang brinki ba sin sut aikisa.

2 Samuil 8:3

Hadad-ézer, Rehob luhpia, Sobá kingka ra sin, Debit bui pura luan, witin auya kan ba ra Éufrates awala tasbaya lamara, ai tasbaya piarkika kulki briaia.

1 King Nani 4:21

Bara Salaman lika baha king tasbaya aiska kingka aimaki kata, Éufrates awala ba wina filisteo tasbaya kat bara ban Idsip tasbaya lainka kat. Ai lal mana sin aibapi kata, dukia sin dauki kan Salaman raya kan yua nani sut ra.

1 King Nani 5:1

Tiro kingka Hiram bui sin ai albika nani Salaman ra blikan. Witin walan Salaman ba Dawan lâka ra yamni munan bara ai papika Debit watlika ra king aimakata, kan Hiram bui piua bani Debit ra latwan kaiki kan.

1 Kronikas 16:16

Ebraham wal lâ daukan ba, Aisak wal aisi daukan ba,

1 Kronikas 5:9

Lalma tani bâk upla iwras tasbaya Éufrates awalka wina wih unyukwika kangbi ba kat ai putka bapan, kan ai daiwra nani ba ailal pali sahwan Galaad tasbaya pîska ba ra.

2 Kronikas 7:8

Baha piua ra, Salaman bara Israel luhpia nani sut aikuki Utla Papakni liliaka ba dauki kan, bara witin lika Israel ailal ba aikuki daknika ba tara kan Hamat dimaika ba wina, Idsip awalka ba kat balan.

2 Kronikas 8:7

bara upla nani sut naha tawanka ra kau takaskan nani ba, hitita nani, amorreo nani, heveo nani, ferezeo nani bara Jebús uplika nani ba, witin nani Israel luhpia nani apia kan ba,

2 Kronikas 9:26

King tasbaya nani sut bâra kan ba, Éufrates awala wina, filisteo nani kuntrika kat, Idsip tasbaya piarkika sut purara Salaman ba king kan.

Esdras 4:20

Baku sin wisa, Jerusalem ra king karnakira nani bâra kan, bara Éufrates awala muna tani tasbaya nani ba ra sin baha nani ra taibi bri kan, bara witin nani ra diara nani sut ba lal mana kulkan aibapi kan.

Nihimaya 9:8

Kaikram witin ba waitna kum man ra kasak luki kan, bara man bui witin wal aisi lâ daukram: Kenan uplika nani, hitita nani, amorreo nani, ferezeo nani, Jebús uplika nani bara gergeseo nani tasbaya ba, witin ra bara ai kiamka nani ra sin yabaia wiram; bara man lâ aisi daukram ba bîlam kat daukram, ¡kan man kasakkira sma ba mita aisisma ba kat daukisma!

Lawana Nani 105:11

witin wisata ba ra: “Kenan tasbaya ba man ra maikamni, man prapatikam baku.”

Impakan Sturka 13:11

“Dawan bui man nani Kenan uplika nani tasbaya ra mai brih wabia, bara tasbaya ba man nani mihtam ra mangkbia, witin ai pramiska man nani ra mai win ba baku, damikam nani ra sin win kan ba baku.

Impakan Sturka 2:24

Bara witin ai kupia krawan Ebraham, Aisak bara Jekob aikuki lâ daukan lâka ba dukiara.

Impakan Sturka 23:23

Yang insalki ba man nani kainamra impakbia bara mai brih wabia amorreo nani, hitita nani, ferezeo nani, Kenan uplika nani, heveo nani bara Jebús uplika nani tasbaya kat, baha nani ba yang mita ai wakia kira daikamna.

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Impakan Sturka 32:13

Albikam nani, Ebraham, Aisak bara Israel luhpia nani ba kupiam krauks, man mita swer taki witin nani ra aisi wisatma ba: ‘Yang bui man nani kiamkam ba, slilma ailalka kasbrika purara ba baku ailal daukamna; bara naha tasbaya aiska man nani ra maikaia mai wisna na, witin nani ai tasbaya yabamna ban kaia ra.’

Impakan Sturka 34:11

“Naiwa lâ nani mai wimna ba alki bris, bara yang lika man nani mamwan wina amorreo nani, Kenan uplika nani, hitita nani, ferezeo nani, heveo nani bara Jebús uplika nani sin sut sakamna.

Impakan Sturka 34:24

Nisan wala nani ba, man nani mamwan wina kangbi sakamna. Bara man nani tasbayam lainka ba kau kitbamna, baku mika upla kumi sin tasbayam ba ai dukia wisi bribia apia. Man nani mani bani aima yumhpa, Dawan Gâdkam mawanra wih buaia sma bamna.

Impakan Sturka 6:4

Baha purkara sin, witin nani wal lâ kum daukri, pramis munri Kenan tasbaya ba witin nani ra yabaia, baha tasbaya ra witin nani tringsar baku pat piua wiria lupia iwi kata ba.

Impakan Sturka 6:8

Ebraham ra, Aisak ra bara Jekob ra yaia pramis munri ba tasbaya ra mai brih wamna, bara tasbaya ba man nani dukiam maikamni. Yang sika Dawan.

Aiseya 27:12

Baha yua ra Dawan ai warkka daukbia Éufrates wina Idsip awala kat plawar mâ kriki baku; sakuna man nani, Israel luhpia nani, asla mai kukan kabia kumi mai wahbi.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Jirimaya 32:22

Bîp tialka laya nasma lî baku laiwi tasbaya na man bui Israel ra yabram, man baku daukaia ai damika nani ra wiram ba baku daukram.

Jirimaya 32:40

Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Libait Lâka 26:42

Bara yang kupi kraukamni, Jekob, Aisak bara Ebraham sin aikuki lâ daukri ba, baku sin kupi kraukamni tasba ba dukiara.

Libait Lâka 26:45

Ban sakuna, kupi krauki kamni lâ nani witin nani aikuki daukri ba, Idsip wina sakri piua ra nisan nani mawanra witin nani Gâdka kaia. Yang sika Dawan.”

Kulki Kaikanka 34:5

bara Asmón wina ban piarkika ba Idsip piarkika ra tingni bâra ba kat auya, bara Mediterráneo kat prakuya.

Apastil Nani Sturka 7:5

Sakuna Gâd mita naha tasbaya ra witin ai dukia pali lika kau yaras kan, ai mina kahbaia pliska kum sin apia. Ban sakuna, Gâd pramis munan tasbaya na witin ra yaia, bara prubia ningkara ai kiamka nani dukia kabia. Baha piua ra Ebraham luhpa nani kau âpu pali kan.

Kli Smalkanka 11:24

Man nani anira minam taima ba, bahara man nani takaskma. Tasbayam piarkika ba, upla iwras tasbaya wina Líbano kat kabia, kli Éufrates awala wina Mediterráneo kabuka ba kat kabia.

Kli Smalkanka 12:20

“Dawan Gâdkam man nani ra tasbayam kau tara maikaia win ba maikbia ba piua ra, dîa wîna pin mai daukbia ba, man nani ani ani piua ra piaia sip kama.

Kli Smalkanka 19:8

bara Dawan Gâdkam mita man nani tasbayam ba kau tara kulki, tasbaya pîska aiska ba, man nani damikam nani ra pramis munan kan ba baku maikbia kaka,

Kli Smalkanka 34:4

Bara Dawan bui witin ra win: “Naha kuntrika sika yang bui Ebraham ra, Aisak ra bara Jekob kiamka nani ra sin yabaia swer takri ba. Man lika dimma apia, sakuna laih wina kaikma.”

Kli Smalkanka 7:1

“Dawan man nani Gâdkam bui maikka dimi kuntrika ba ra pliskam brima, bara nisan 7 kau tara karnakira ba man nani taima bara mamwan wina saki lulkma: hitita nani, gergeseo nani, amorreo nani, Kenan uplika nani, ferezeo nani, heveo nani bara Jebús uplika nani.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

Jasua 13:3

baha sika Sihor awala wina auya ba, Idsip lalma ra, Ecrón piarkika kat baha yahbra tani ra, baha lika Kena uplika nani tasbaya kulkisa, bahara wihta nani matsip bâra sa, baha nani sika Gaza, Asdod, Ascalón, Gat bara Ecrón wihtka nani. Aveo nani tasbaya pîska nani sin takaskan

Jasua 15:4

baha wina kli taki wan Asmón kat, Idsip tingnika ra taki muni Mediterráneo kabuka kat takaski kan. Naha na waupasa tani piarkika kata.

Param Marikanka 9:14

Bara bîla baikra ba insal 6 trumpit bri kan ba ra win: “Éufrates awalka tara ra insal walhwal priskan ba, lanhks.”