Blasi Sturka 14:7 - DAWAN BÎLA AISKA

⁷ Baha wina Quedorlaómer ai uplika nani wal aikuki kli tawi balan, bara En-Mispat ra wan, nina wala ba Cadés; bara Amalec uplika nani tawanka nani sut ai yabalka ra kan ba sauhki lui wan. Amorreo nani tawanka nani wal sin baku daukan, witin nani Hasesón-tamar tasbaya ra iwi banhwi kan.

Blasi Sturka 14:7 ပူးပေါင်းရင်းမြစ်များ

Blasi Sturka 16:14

Baha mita baha layawanhta ba nina sin naku mâkan: “Witin raya ban ba, ai kaiki ba layawanhta.” Baha layawanhta ba Cadés bara Béred wal lilapas ra bâra sa.

Blasi Sturka 20:1

Baha tasbaya ra bâra kan ba wina, Ebraham witin Négueb tani ra impaki wan, bara Cadés wihki Sur wal bilka ra takaskan, baha wina tisku Guerar ra wih iwan.

Blasi Sturka 36:12

Elifaz ai lila mairin kumi bri kan nina Timná; bara witin sin Elifaz luhpia kum baikan bara nina ba Amalec mâkan, naha nani na, Adá Isau maya kumika ba kiamka nani ba.

Blasi Sturka 36:16

Coré, Gatam bara Amalec, baha nani sut ba Edom tasbaya ra, Elifaz lainka ra ai kiamka nani ba pura wihta aimaki kan.

2 Kronikas 20:2

Bara upla nani kum kum wan bara wisata: “¡Edom wina, Kabu Pruan baila wala wina sin, suldiar kwâra tara nani aula mampara! ¡Bara pat Hasesón-tamar ra banhwisa!” (Hasesón-tamar nina ba lika En-gadi wal kumi sa.)

Isikiel 47:10

En-gadi ba wina En-eglaim kat inska âialkra nani bâra kabia, bara bahara sip kabia ai iliska nani lâkaia. Bara inska ailal pali bara sât sât bâra kabia Mediterráneo kabuka ra baku.

Isikiel 48:28

“Gad tasbaya waupasa tani ra, piarkika ba Tamar wina kabia, lui wabia Meribá-cadés bara Idsip laya kârma bâk, Mediterráneo kabuka kat.

Kulki Kaikanka 13:26

Cadés kat, Parán upla iwras ba tasbaya ra. Moses, Eran bara Israel luhpia nani sut bâra kan. Witin nani ra bara dakni aiska ra sturi ba sut maisa pakan, bara tasbaya dusa mâ nani ba sin marikan.

Kulki Kaikanka 14:43

Bahara Amalec uplika nani bara Kenan uplika nani ba sin, man nani wal aiklabaia kainamra bîlam kaikisa bara mai iki âpu mai daukbia. Man nani mita Dawan ra lulkram piua ba kat auma, witin lika man nani wal apia sa.

Kulki Kaikanka 14:45

Bamna baha tasbaya ra iwi kan nani ba bal takan, Amalec uplika nani bara Kenan uplika nani sin. Bara Israel luhpia nani ra nina blikan ban Hormá kat, iki âpu daukan.

Kulki Kaikanka 20:1

Mani tâ kriki katka ra, Israel luhpia nani sin upla iwras tasbaya ra wan. Cadés ra piua wiria takaskan, bara bahara Meri pruan, bamna bahara bikan.

Kulki Kaikanka 24:20

Bara Balaam bui Amalec lilka kaiki, naha dahra na aisin: “Amalec ba nisan kum yamni kulkan sa, ban sakuna sauhki âpu pali tikan kabia.”

Kli Smalkanka 1:19

“Yawan Horeb wina takan ba wina amorreo nani ilka nani ra impakan, Dawan Gâd adar wankan ba bîla wali dauki. Baha upla iwras tasbaya tara, sibrinkira pali man nani kaikram yaba, yawan sut bâk wataukan, Cadés-barnea ra balan ba kat.

Kli Smalkanka 1:46

Baha tâka mita man nani piua wihka Cadés tasbaya ra iwi kapram.

Jasua 15:62

Nibsán, Sâl Tawanka Tara ba, bara En-gadi, wibia kaka tawan tara 6 ai tawanka sirpi nani kira.