Blasi Sturka 14:14 - DAWAN BÎLA AISKA

¹⁴ Ebram walan ai luhpia diwra ba priski brih wan ba; bara witin ai dukia dadaukra nani, ai watla bilara aisubi taki pâwan nani sut ba paiwan balan baha lika waitna 318, baha nani mihta ra aiklabaia dukia nani ba mangki si, bara mahka kingka nani ba nina blikan Dan tawanka kat.

Blasi Sturka 14:14 ပူးပေါင်းရင်းမြစ်များ

Blasi Sturka 12:16

Bara Sarai tâka king fero, Ebram ra yamni pali munan: sîp, bîp, biriku wainhka nani, alba waitna bara alba mairin nani, biriku mairin nani, kiamil nani sut witin ra yaban.

Blasi Sturka 12:5

Bara Ebram ai maya Sarai brin, ai muihni luhpia Lot sin aikuki brin, ai dukia kukanka nani sut, ai uplika nani ai dukia dadaukra nani Harán wina ba sin sut kuki brih, bara impakan Kenan ra waia. Witin nani Kenan ra wan ba ra,

Blasi Sturka 13:8

Bamna yu kumi Ebram bila Lot ra win: “Man ba yawan wal wan taya sa, bara yamni apia sa wan tilara unsaban bri kaia, man daiwram main kakaira nani ba bara yang daiwri main kakaira nani ba wal.

Blasi Sturka 14:12

Bara Lot, Ebram luhpia diwra ba sin Sodoma ra iwi kan, bamna witin nani Lot sin brih wan ai dukia kukanka nani sut ba wal.

Blasi Sturka 14:16

Baha ningkara diara nani brih wan ba sut kli mihta dakbi brin, Lot dukia nani sut aikuki. Baha purkara mairin bara upla wala nani brih wan kan ba sut sin kli dakbi brin.

Blasi Sturka 17:12

Naiwa wina man nani naku dauki kama: luhpiam waitna kumi bani man nani wamtla bilara aisubi taki ba, man nani wal yang lâ daukisna ba ni ai wîna ra klaki kabia yu 8 alkbia ra, bara albikam man nani kiamkam apia, upla sât wala wina atki briram ba, baha nani sin lâ daukan na ba ai wîna ra klaki kaia sa.

Blasi Sturka 17:23

Bara baha yua pali Ebraham mahka buan, ai luhpia Ismael brin, ai albika nani ai watla bilara baikan nani ba sin, bara ai albika nani lalah ni atki brin nani ba, bara baku sin waitna wala nani ai watla ra iwi ai dukia dauki nani kan ba sut wîna ra, Gâd sainka ba baha nani wîna ra klakan, lâka ba nahki dauki mangkaia Gâd mita win ba baku daukan.

Blasi Sturka 17:27

Ai watla ra iwi kan nani ba sin sut baku daukan, albika nani luhpia nani bara alba nani atki brin nani ba sin sut wîna ra, baha yua Aisa sainka ba klakan.

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Blasi Sturka 23:6

—Âu, dawanki, yang nani ra pain ai wals. Man sika Gâd mita bâk mai sakan waitnika kum, yang nani tilira iwisma. Bamna yang nani lilia sna, raiti tasbaya kau pain ba maikaia man mayam bahara bikaia. Yang nani tili wina lika kumi sin tasba maikaia apia mai wimna apia, ani tasbaya ra bikaia brin mai dauki ba wina sin mai takaskamna apia.

1 King Nani 15:20

Bamna Ben-hadad, king Asá aisinka ba aitani lukan; bara war wihtka nani ba Israel luhpia nani mapara aiklabaia blikan wan. Bara Iión, Dan, Abel-bet-maacá bara Quinéret aiska bara Neftalí tasbaya aiska ba pura luan.

Lawana Nani 68:12

“¡King nani ba ai aiklaklabra aikuki plapisa!” Mairin nani ba, watla ba ra yui bri banhwisa, dîa ai waihla mihta wina dakban kata ba dukia nani ba.

Sins Lâka 17:17

Wan uplika piu bani ra latwan wan kaiki ba, wan kupia wirha bri piua ra, wan muihni wal baku sa.

Smasmalkra 2:7

Alba waitna bara alba mairin nani atkri purkara duki daukaika nani waitla ra aisubi takan nani briri, bara bîp ailal, sîp ailal sin briri, yang kainira Jerusalem ra iwi kan nani ba purkara.

Jirimaya 41:12

upla nani sut paiwi asla taki Ismael mapara aiklabaia wan, bara Gabaón ra lî ailal bâra kat wal prawan.

Kli Smalkanka 34:1

Moab upla iwras tasbaya wina, Moses Nebo ilka ra ulan, baha lika Pisgá ilka Jeriko mawan kat yaba. Bahara Dawan bui Galaad tasbaya ba ban Dan tasbaya kat marikan,

1 Jan 2:18

Luhpi lupia nani, piua tnata ba pat baila sa. Man nani walram upla kumi Kraist mapara ba dukiara, witin aula; nanara upla manis buan sa Kraist mapara, baha mita yawan kaikisa tnata yua ba baila sa.

Wihta Nani 18:29

Blasi tawanka nina ba Lais mâki kan, sakuna nanara witin nani mita nina ba Dan mâkan, ai damika tara Jekob luhpia waitna Dan nina ra luki.

Wihta Nani 20:1

Benjamín kiamka luhpia nani baha sturka ba walan ba ra, witin nani sin Dan tasbaya wina Beerseba tasbaya kat bara Galaad tasbaya sin sut Dawan mawanra, Mispá ra asla takan war aiklabaia.

1 Samuil 30:19

Diara sirpi kum, tuktan kum, almuk kum sin tiwras, diara an dakbi brih wan kan ba sut pali Debit bui kli dakbi brin.