Blasi Sturka 14:11 - DAWAN BÎLA AISKA

¹¹ Bamna king walhwal ba Sodoma bara Gomora ra wih diman ai pata nani bara diara pain mana tara dukia nani bri kan ba sin sut brih mahka wan.

Blasi Sturka 14:11 ပူးပေါင်းရင်းမြစ်များ

Blasi Sturka 12:5

Bara Ebram ai maya Sarai brin, ai muihni luhpia Lot sin aikuki brin, ai dukia kukanka nani sut, ai uplika nani ai dukia dadaukra nani Harán wina ba sin sut kuki brih, bara impakan Kenan ra waia. Witin nani Kenan ra wan ba ra,

Blasi Sturka 14:10

Sidim ilka bîla aiska ra târ layawanhta nani manis upla mita salhkras ba bâra kan, târ laya babatni baha bilara aibanhwi kan, Sodoma bara Gomora kingka wal, swak takaia wisi plapan bara baha layawanhta nani ra kauhan. King wala nani yumhpa ba lika il nani tilara plapi swak takan.

Blasi Sturka 14:12

Bara Lot, Ebram luhpia diwra ba sin Sodoma ra iwi kan, bamna witin nani Lot sin brih wan ai dukia kukanka nani sut ba wal.

Blasi Sturka 14:16

Baha ningkara diara nani brih wan ba sut kli mihta dakbi brin, Lot dukia nani sut aikuki. Baha purkara mairin bara upla wala nani brih wan kan ba sut sin kli dakbi brin.

Blasi Sturka 14:21

Bara Sodoma kingka ba bila Ebram ra win: —Upla nani ba baman yang ra aik, bara diara nani sut mihta dakbi balram ba lika, sut man bris.

Kli Smalkanka 28:31

Mamwan kat bîpkam bul nani nana dakbi kabia, kuna man nani pima apia; mihtam wina birikukam saki bri wabia, kuna kli bri bal maikbia apia; sîpkam nani waihlam nani mihta ra kauhbia, bara upla âpu kabia dakbi maikaia.

Kli Smalkanka 28:35

Dawan bui sukwan siknis saura maikbia lulam ra, kuhmam dusa ra bara wînam aiska ra sukbia, bara rawaia sin sip apia kama.

Kli Smalkanka 28:51

Daiwram luhpia nani sut pibia bara tasbayam wina patam mâ sâkma ba sin, sut prui tiwbia ba kat; plun saumukka, wain, batana, bîpkam, sîpkam luhpia sin swibia apia, bara plun bla pruma.