Blasi Sturka 13:16 - DAWAN BÎLA AISKA

¹⁶ Man kiamkam ba tasba puknika ba baku ailal daukamni. Tasba puknika lupia bani upla sip kulki sakras ba baku, man kiamkam sin upla sip kulki sâkbia apia.

Blasi Sturka 13:16 ပူးပေါင်းရင်းမြစ်များ

Blasi Sturka 15:5

Bara Dawan bui witin ra latak saki brih wan, bara win: —Nanara kasbrika pura ba pain kaiks, bara slilma nani ba kulki kaiks, kulkaia sip sma sapa. Man kiamkam ba slilma ailalka ba baku ailal kabia.

Blasi Sturka 16:10

Baha purkara Dawan insalka sin witin ra win: “Kiamkam ba sin ailal pali daukamni, ailal pali upla sip kulki sâkbia apia.

Blasi Sturka 17:16

Witin ra sin yamni munamna, bara witin wina luhpiam waitna kum maikamna, âu, yang bui witin ra yamni munamna, bara witin ba nisan nani ailal yaptika takbia. Ai kiamka nani tila wina king nani sin bal takbia.

Blasi Sturka 17:2

Bara yang lika man wal lâ kum daukamni: maikrika kiamkam ailal pali bri kama.

Blasi Sturka 17:20

Ismael dukiara aisaram ba sin yang walri, witin ra sin yamni munamna; ai luhpia nani ailal bara ai kiamka sin tara takaia daukamna. Ismael ba wihta tara nani 12 aisika takbia, bara kiamka ba wina nisan tara daukamni.

Blasi Sturka 17:6

Man kiamkam ba ailal pali daukamni, man wina nisan nani ailal pali bal takbia, king nani sin man wina bal takbia.

Blasi Sturka 18:18

kan witin sika nisan tara karna kum aisika takaia sa, witin ra praki nisan nani sut tasba ra ba, yamniki yabaia wîri bamna.

Blasi Sturka 21:13

Man albikam mairin luhpia ba wina sin yang daukamna nisan tara kum bal takaia, kan witin sin man luhpiam sa bamna.”

Blasi Sturka 22:17

kasak pali yang yamni mai munamna, kiamkam ba slilma ailalka kasbrika purara bâra ba baku, ailal pali daukamna, kabu sin auhika ailal kabu un ra ba baku daukamna. Baha purkara, witin nani mita ai waihla nani sut pura lubia,

Blasi Sturka 26:4

Man kiamkam nani ba ailal daukamna, purara slilma nani ailal bâra ba baku, bara naha tasbaya nani sut kiamkam nani ra yabamna. Baha purkara, tasba aiska ra nisan nani sut ba witin nani ra praki yamniki yabamni,

Blasi Sturka 28:14

Man kiamkam nani ba auhya ailal ba baku ailal kabia. Bara yahbra ra, waupasa ra, lalma ra, muna ra sin kiamkam nani ba bâra kabia. Bara tasba aiska ba man kiamkam ra praki yamnika ailal yabamni.

Blasi Sturka 28:3

Bara Gâd karnakira ba yamni mai munbia, kiamkam nani uya sakaia maikbia, bara kiamkam wina nisan nani ailal bal takbia.

Blasi Sturka 32:12

Kan man param pali ai wiram bamna, man bui diara sut daukma ba yang dukira, yamni baman takbia; bara yang kiamki nani ba ailal pali aihwa takbia kabu un ra auhya ailalka nani sip kulki sakras ba baku.”

Blasi Sturka 32:13

Baha tihmika Jekob bahara yapan, bara ai mihta ra dîa bri kan ba wina ai muihni Isau ra prisantka nani yabaia daiwra nani bâk sakan nani ba naku kata:

Blasi Sturka 35:11

witin ra kli naku win: “Yang na Gâd karnika aiska pali bri ba Gâdka sna. Man luhpiam bara kiamkam nani sin ailal pali brima. Man wina sin, nisan kum bal takbia bara upla sâtka nani sin bal takbia. Kiamkam nani takbia tilara, king nani sin bâra kabia.

Blasi Sturka 46:3

Bamna Gâd bila: —Yang na Gâd, man aisikam Gâdka ba. Man Idsip ra waia si bripara, bahara man kiamkam ba nisan tara daukamni.

1 King Nani 3:8

Bamna man albikam na, uplikam nani wahbi sakram ba lila kat sna, upla daknika tara pali sa: upla ailal pali ba mita sip sin kulki sakaia tânka âpu sa.

1 King Nani 4:20

Juda bara Israel wal ba ailal pali kata, sip kulki sakras, sim kabu un ra auhya mâ ba baku, plun sin ailal bri kan. Witin nani pih bara dih ai lilia bri banhwi kata.

2 King Nani 13:23

Ban sakuna, Dawan ba witin nani dukiara ai kupia swapnikira, yamni pali kaiki kan, Ebraham, Aisak bara Jekob wal lâ aisi daukan kata mita, sauhki tikaia ai brinka apia kan, bara ai mawan wina sin kangbi sakaia lukras kan. Bara naiwa yua kat sin baku daukras sa.

1 Kronikas 21:5

Bara Joab upla nina nani mangkata ba sut Debit ra yan, bara Israel uplika baman kulkan ba 1,100,000 war aiklabaia waitnika nani bâra kan, bara Juda ra 470,000.

1 Kronikas 27:23

Bamna Debit ba mani yawanaiska bri wina ai mâya tani ra nani kulkanka daukaia kan ba swin, kan Dawan bui win witin bui Israel luhpia nani ba kasbrika ra slilma ailalka ba baku daukbia.

2 Kronikas 1:9

Bamna nanara, Dawan Gâd, man bui aisiki Debit ra aisaram ba baku yang ra dauks, kan man bui sika yang ra upla ailal auhya mâ baku kan tilara king ai mangkram bamna.

Job 5:25

Kiamkam nani ailal brima twi ra inma nani ailal ba baku.

Impakan Sturka 1:7

Sakuna Israel luhpia nani ba, luhpa nani ailal brin bamna, sahwi ailal taki bara karnakira sin takan. Tasbaya ba witin nani ni banhwan.

Impakan Sturka 32:13

Albikam nani, Ebraham, Aisak bara Israel luhpia nani ba kupiam krauks, man mita swer taki witin nani ra aisi wisatma ba: ‘Yang bui man nani kiamkam ba, slilma ailalka kasbrika purara ba baku ailal daukamna; bara naha tasbaya aiska man nani ra maikaia mai wisna na, witin nani ai tasbaya yabamna ban kaia ra.’

Jirimaya 33:22

Duki dadaukra Debit kiamka nani ba, yang warkki dadaukra nani ba, Libai kiamka nani ba slilma ailalka kasbrika purara bâra ba baku, auhya ailalka kabu ra bâra ba baku ailal daukamni, baha nani numbika upla kumi sin sip kulki sâkbia apia.”

Kulki Kaikanka 23:10

Witin nani ba ailal tasba yuya baku sa; ¿ya ba sut kulkaia sip sa ki? ¿Ya sip sa baha numbika ba kulki sakaia? ¡Yamni kaia kan, baha waitnika kasakkira pat pruan ba baku pruri kata, yang pruamna bara witin nani wal baku kamna!”

Kli Smalkanka 1:10

Dawan Gâdkam, luhpa nani ailal pali maikan, nanara man nani upla ailal pali sma, slilma ailalka nani baku.

Hibru Nani 11:12

Baku bamna, Ebraham ba ai rayaka yua nani tnata pat alkaia man kan sakuna, ai kiamka ailal pali takan, kasbrika purara slilma nani bâra ba baku, kabu un ra auhya nani ailalka upla sip kulkras ba baku sin.

Param Marikanka 7:9

Baha ningkara yang kaikri, bara bahara upla ailal pali bâra kan, bara ailal kan bamna upla kum mita sin sip kulkras kata. Baha nani ba nisan sât sât wina, taika sât sât wina, bîla aisi sât wina, bara upla nani sât sât wina kan, bara king iwaika ba mawanra bara Sîp Luhpia ba mawanra sin bûi kan. Witin nani kwala pihni dimi kan, ai mihta nani ra sin dus wahia sâtka nani bri kata.

Wihta Nani 6:3

Piua bani Israel luhpia nani ai nasla dauki mangki bri kan ba, mâ nani ba Madián uplika nani bara Amalec uplika nani lalma tani ra iwi kan ba bal, pura lui bri kan.

Wihta Nani 6:5

Witin nani ai watla nani baha nani tilara mâki, ai daiwra nani sin baha nani daiwra nani tilara dingki, tasbaya dawanka nani ba sut sauhki kan. Kiamil daknika tara nani bri balan, kruhkru daknika tara baku.