Blasi Sturka 13:13 - DAWAN BÎLA AISKA

¹³ Ban sakuna, Sodoma uplika nani ba upla saura pali kan, saurka lâka tara nani Dawan mapara dauki kan.

Blasi Sturka 13:13 ပူးပေါင်းရင်းမြစ်များ

Blasi Sturka 10:9

Nimrod na Dawan kupia lâka ba mita daiwan âikra, antin waitnika aihwa pali takan. Bara baha wina aisinka kum takan: “Nimrod wal baku, Dawan kupia lâka mita antin tatakra tara kum kan ba.”

Blasi Sturka 15:16

Upla kiamka nani kau walhwal aimaki lubia ba kat, masrakam nani ba kli tawi naha tasbaya ra balbia. Kan amorreo nani ai saurka ba sut daukbia, bara klala yabamna ba piua ba kat.

Blasi Sturka 18:20

Bara Dawan bui witin ra naku win: —Sodoma bara Gomora wal uplika nani sturka ba tara pali sa, watawika lâka ba sin tara pali sa.

Blasi Sturka 19:13

Kan nanara naha tawanka na yang nani sauhki tikaisna. Naha uplika nani mapara dahra kwahkanka saura nani ba kasak sa, aitani Dawan mawanra uli wan sa, baha mita Dawan wan blikan tawanka na sauhki tikaia.

Blasi Sturka 38:7

Sakuna Er rayaka tânka ba Dawan mawanra saura kan. Dawan bui witin ra yamni kaikras kan, bamna ai rayaka ba tasba wina sakan.

Blasi Sturka 39:9

Naha watla bilara upla wala yang wal kau tara wala âpu sa, man baman lika yang mihti ra mai mangkras kan, man sika witin ai maya mairin sma bamna. ¿Yang nahki baha saurka tara ba daukamna bara Gâdki mapara saura daukaia?

Blasi Sturka 6:11

Bara tasba ra upla ba Gâd mawan ra aisawan pali kan; watawi lâka krikaia daukanka sâtka ni banhwan kan.

2 King Nani 21:6

Baha purkara, ai luhpia waitna nani pauta ra angkan sakripais daukaia wisi, bara pirit bahki nani ra, smaya kakaira nani ra, pirit saura warkka dauki bara sukia lâka nani sin bukan. Saura pali Dawan nakra ra daukan, baha sât saurka nani dauki kan ba mita Dawan kupia sauhki kan.

Aiseya 1:9

Karnika sut pali bri Dawanka ba mita, upla dakni sirpi nâra ban wan swiras kan kata, nanara yawan na pat Sodoma, Gomora baku takan kaia kan.

Jirimaya 23:14

Yang kaikri prapit nani Jerusalem ra bâra ba, diara saura pali daukisa: upla maya lâka krikisa bara upla ra taibisa, baha dauki ba mita watawikira nani ba kau tâ baikisa, upla kumi watawika lâka ba swi si tnaya ra tawras. Witin nani ba bara tawan uplika nani ba Sodoma bara Gomora uplika nani baku sa.

Jirimaya 23:24

¿Ya sip sa yang kaikisna ba wina yukuwaia? Kasbrika purara tasba ani anira ra sin yang bâra sna. Yang, Dawan, kasak aisisna.

Kulki Kaikanka 32:23

Sakuna man nani baku daukras kama kaka, luki bas, Dawan mapara saura daukuma ba. Bara yu kumi baha saurka mana klala brima.

Matiu 9:10

Bara baku takan, Jisas ai disaipilka nani aikuki utla kum ra tibil ra plun pi kan, bara Rom ra yaia lal mana wawahbra nani ba, kulkanka saura bri uplika nani ba sin ailal bahara balan. Bara witin nani sin Jisas lamara asla bahara iwan.

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.

Jan 9:31

Yang nani kaikisna Gâd lika saura dadaukra nani ra walras sa; sakuna ya witin ra ai pura suni mayuni bara ai kupia lâka sin dauki ba lika, witin walisa.

Roman 1:27

Baha sim natka ra waitna nani mairin nani wal prawaia lâka kata ba swi si, witin nani ai brinka saura laptika ba kat ni ai walka nani wal lihkan. Waitna wih waitna ai tahkia wal swira lâka tara daukan. Bara pât wahwisa klauna ai wîna tara kat ai saurka klalka ba brisa.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

2 Pita 2:10

Gâd mita kau pali klala yabia, baha nani ai brinka baman nina bliki bara Dawan karnika sin bahki kulki ba. Witin nani ba kiama karna bara ai bisniska apia ra ban dimisa; ai purara karnika bri nani ba swira paskisa sibrin sin âpu;

Judas 1:7

Baku sin Sodoma, Gomora bara baha lamara tawan nani kan ba, baha insalka nani kauhan ba baku witin wîna nani sîn tara brinka mita munan saurka ra diman; saurka uba dauki ba mita, paskanka ban bâra ba mapara takan. Baha mita pauta ami ban kaia pâtka ba wahwan bara upla sut ra kupia kraukanka kum baku takaskan sa.

1 Samuil 15:18

Nanara aitani, Dawan ba baku ai adarka karna wal mai blikan, Amalec saurakira nani ba kumi sin swiaia apia, sut âpu daukaia.

1 Samuil 2:17

Baha wahma nani saurka ba Dawan mawanra saura pali kata, kan Dawan ra prisantka yabi kan ba prisantka ba bahki kulkan.