Blasi Sturka 12:7 - DAWAN BÎLA AISKA

⁷ Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 12:7 ပူးပေါင်းရင်းမြစ်များ

Blasi Sturka 12:8

Baha wina bahara wiria takaski si kli impakan, Betel ilka untika lalmika tani ra wan; bahara ai tintka watla bapan. Betel ba muna tani ra tawan, Ai tawanka ba lalma tani ra. Baha wal lila kat altar wala kum paskan, bahara witin Dawan nina mâki ai pura sunan.

Blasi Sturka 13:15

Tasbaya aiska man kaikisma na, man dukiam bara kiamkam nani dukia maikisna ban kaia ra.

Blasi Sturka 13:17

¡Nanara, bus bara tasbaya aiska yarika bara bîla yahpika nani ba sut wapi kaiks, kan yang bui man ra maikaisna bamna!”

Blasi Sturka 13:18

Bamna Ebram, ai tintka watla kum bukan, bara Hebrón tawanka tara lamara usupum dusa manis pâwi kan ba tasbaya ra waitna kum nina Mamré mâki kan ba bâra iwi kan, bara baha lamara wih iwan. Bahara Ebram altar kum paskan Dawan dukia.

Blasi Sturka 13:4

Baha tasbaya ra witin altar kum paskan kan ya ba ra, bahara Ebram Dawan ra ai pura suni mayunan.

Blasi Sturka 15:18

Baha pali yua ra Dawan Ebram wal lâ daukan, bara win: —Naha tasbaya na man kiamkam ra yabamni, Idsip awalka ba wina Éufrates awalka tara ba kat.

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

Blasi Sturka 17:3

Bara Ebram ai mawan ra tasba kat prawan, bara Dawan bui witin ra kau ban aisi, win:

Blasi Sturka 17:8

Kenan tasbaya ba man ra maikamna bara witin nani ra sin yabamna. Nanara man bâra iwisma tasbaya ba man prapatikam ban kabia; bara yang lika witin nani ai Gâdka kamna.

Blasi Sturka 18:1

Mamré usupumka nani tilara, Dawan Ebraham ra param takan, yu wan lal kat lapta pali kan ba piua ra. Witin ai tintka watla durka bilara iwi kan,

Blasi Sturka 22:9

Bara Gâd mita marikaia win yaba tasbaya kat wan ba ra, Ebraham altar kum paskan bara pauta nani ba baha purara kahban. Baha ningkara ai luhpia Aisak ba priskan, bara altar ra pauta ba purara sunan.

Blasi Sturka 24:7

Dawan, kasbrika pura Gâdka ba, yang aisiki watla bara taiya nani tasbaya wina sin witin mita ai saki bara witin aisi yang ra pramis ai munan ba, naha tasbaya na yang luhpi nani ra yabaia wisi, witin ai insalka man kainamra blîkbia, bara man baha wina yang luhpi waitna maya kum bri balma.

Blasi Sturka 26:25

Bahara Aisak altar kum paski, Dawan nina bahara mayunan. Bahara ai tintka watla bapan, bara Aisak albika nani bahara liwanhta kum salhkan.

Blasi Sturka 26:3

Nanara man ban tasbayam iwisma ba ra ban iwi bas; yang lika man wal kamna, yamniki maikamna, man kiamkam nani ra bara baku sin naha tasbaya nani sut ra yabamna; man aisikam ra pramis munatna ba pramiska kat daukamni.

Blasi Sturka 28:13

Bara Jekob kaikan Dawan ai lamara bûi kan bara witin ra aisi kan: “Yang sika Dawan, damikam Ebraham Gâdka ba, Aisak Gâdka sin. Naha tasbaya man nâra yapisma na tasbaya man ra maikamni, man kiamkam nani ra sin.

Blasi Sturka 28:4

Bara Ebraham ra yamnika yabaia win yamnika ba, man ra bara kiamkam nani sut ra maikbia. Naha tasbaya nanara man nâra iwisma na, nanara lika tringsar baku iwisma na, man nani tasbaya na dawanka nani kama. Kan witin Ebraham ra baku yabaia pramis win bamna.”

Blasi Sturka 32:30

Bara Jekob baha tasbaya nina ba Penuel mâkan. Witin win: “Yang lika Gâd mawan ba laima kat kaikri, ban sakuna, yang kan pruras kau raya sna.”

Blasi Sturka 33:20

Baha ningkara witin bahara altar kum sin paskan, altarka nina ba “Gâd ba Israel Gâdka” mâkan.

Blasi Sturka 35:12

Ebraham ra, Aisak ra tasba yabri tasbaya ba, man ra sin maikisni, bara man ninamra kiamkam nani ra sin tasbaya ba yabamna.”

Blasi Sturka 35:7

Bahara witin altar kumi paskan, bara tasbaya nina ba Betel Gâdka mâkan. Witin ai muihni wina sîa plapi kan bara bahara sika Gâd bui witin ra param takan ba.

Blasi Sturka 50:24

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

Blasi Sturka 8:20

Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan.

2 Samuil 24:25

bara bahara altar kum paskan Dawan dukiara, bahara wîna aiska angkan bara kli wal wan uplika takaia sakripaiska sin daukan. Baha daukan kat Dawan kli baha kuntrika uplika nani makabanka nani ba yamni walan, bara siknis saura nani ba sut Israel luhpia nani tila wina sakan.

1 King Nani 18:32

Walpa nani ba wal Dawan nina ra altar kumi paskan, baha ningkara altar tnaya kir ba lî plapaika salhkan, batil kwarika ba sât yawanaiska kumi pura matawalsip alkaia pitka praiska kat.

1 Kronikas 16:16

Ebraham wal lâ daukan ba, Aisak wal aisi daukan ba,

1 Kronikas 16:18

witin aisi win ba ra: ‘Kenan tasbaya ba maikamna man pali dukiam baku.’

2 Kronikas 20:11

Naha mana nanara wan aiklabisa, ai tasbaya wina kangbi wan sakisa, man tasba wankram kata wan dukia baku.

2 Kronikas 20:7

Wan Dawan, man mihtam kahbi sakram Israel luhpia nani mawanra, naha tasbaya luhpia nani ra yaram, ban kaia ra ban kabia, Ebraham kiamka man uplikam nani ba dukiara.

Esdras 3:2

Bara Jasua, Josadac luhpia ba, ai pânika prîs nani ba aikuki, baku sin Zorobabel, Salatiel luhpia ba, ai muihni aikuki, witin nani buan Israel Gâdka altarka ba paskaia, daiwan iki baha purara aiska angki Gâd ra yabaia dukiara, Moses, Gâd waitnika, ai wauhkataya ra ulban ba baku, witin nani daukan.

Impakan Sturka 17:15

Bara Moses altar kum paskan bara nina ba mâkan “Dawan ba yang plakinki”,

Impakan Sturka 24:4

Bamna Moses diara sut ulban Dawan mita witin ra wisata ba, bara yu wala titan pali ra buan, altar kum paskan il ba mâyara; bara walpa nani 12 ba ra bri sal swin, Israel kiamka kumi bani dukiara walpa kum.

Impakan Sturka 32:13

Albikam nani, Ebraham, Aisak bara Israel luhpia nani ba kupiam krauks, man mita swer taki witin nani ra aisi wisatma ba: ‘Yang bui man nani kiamkam ba, slilma ailalka kasbrika purara ba baku ailal daukamna; bara naha tasbaya aiska man nani ra maikaia mai wisna na, witin nani ai tasbaya yabamna ban kaia ra.’

Impakan Sturka 33:1

Bara Dawan mita Moses ra win: —Man mahka impaks, naha wina taki was upla nani Idsip wina sakram ba aikuki. Man nani was baha tasbaya ra yang Ebraham, Aisak bara Jekob ra yaia wîri ba, yang baha tasbaya ba man kiamkam nani ra yabamna.

Impakan Sturka 6:3

Ebraham ra, Aisak ra bara Jekob ra latan takri bara witin nani ra wîri, yang nini ba Gâd karnika sut pali bri ba, sakuna nini pali ‘DAWAN’ ba lika wiras kapri.

Impakan Sturka 6:4

Baha purkara sin, witin nani wal lâ kum daukri, pramis munri Kenan tasbaya ba witin nani ra yabaia, baha tasbaya ra witin nani tringsar baku pat piua wiria lupia iwi kata ba.

Jirimaya 3:18

“Baha yua ba bal aimakbia ba ra, Juda Israel wal kli asla takbia, bara witin nani aikuki asla aidrubi banhbia yahbra tani kuntri ba wina, witin nani ai damika nani ra yâri tasbaya ba ra waia.

Kulki Kaikanka 26:53

“Baha uplika nani nina wauhtaya ra ulban bani ba ra, tasbaya ba kulki yama witin numbika kulkan ba kat.

Kulki Kaikanka 32:11

Idsip wina takan uplika nani, mani 20 alkan ba wina ai purara bri ba, kumi sin baha tasbaya ba kaikbia apia, baha sika Ebraham, Aisak bara Jekob ra yaia win yaba, witin nani kasak wapi banhras kan ba mita.

Apastil Nani Sturka 7:5

Sakuna Gâd mita naha tasbaya ra witin ai dukia pali lika kau yaras kan, ai mina kahbaia pliska kum sin apia. Ban sakuna, Gâd pramis munan tasbaya na witin ra yaia, bara prubia ningkara ai kiamka nani dukia kabia. Baha piua ra Ebraham luhpa nani kau âpu pali kan.

Roman 9:8

Naha tânka wan marikisa upla kiamka tilara kaia baman ba mita kau Gâd luhpia wan daukras sa; sakuna Gâd mita pramis daukan ba kulki nani ba baman lika rait kiamka pali kulkisa.

Galesha 3:16

Bamna nanara, Gâd mita Ebraham ra bara ai kiamka ra sin pramis daukan. Ulbanka ra wiras sa: “Kiamka nani ra”, upla ailal dukiara aisaras, kuna naku wisa: “man kiamkam ra”; bara naha wiaia want sa upla kumi ra baman aisisa, baha ba Kraist.

Galesha 4:28

Muihki nani, man nani lika Aisak wal baku sma: Gâd pramis daukan ba luhpia nani.

Kli Smalkanka 1:8

Yang bui tasba ba man nani mihtam ra mangkri sa; man nani was bara tasbaya ba brih iws. Kan yang bui Dawan ra swer taki yabaia aisari, man nani damikam Ebraham, Aisak, Jekob bara ai kiamka nani ra sin.’

Kli Smalkanka 30:20

Dawan Gâdkam ra man nani latwan kaiki bas, bîla wali dauki kasak bas, kan man nani rayakam ba witin wina sa bamna. Bara mani ailal baha kuntrika ra iwma, damikam nani ra Dawan Ebraham ra, Aisak ra bara Jekob ra yabaia win ba.”

Kli Smalkanka 34:4

Bara Dawan bui witin ra win: “Naha kuntrika sika yang bui Ebraham ra, Aisak ra bara Jekob kiamka nani ra sin yabaia swer takri ba. Man lika dimma apia, sakuna laih wina kaikma.”

Kli Smalkanka 6:10

“Man nani Dawan Gâdkam mita almukkam nani, Ebraham, Aisak bara Jekob ra pramis muni yabaia win ba kuntrika ra dimma. Kuntri kum tawan tara pranakira nani brisa, man nani paskras kapram ba;

Kli Smalkanka 9:5

Prisant nani ba dukiara apia man nani ra umpira mai kaikan, ai kuntrika ra man nani pliskam brisma ba. Dawan bui man nani mamwan wina saki lulkisa, witin nani ai saurka tâwan. Bara Ebraham ra, Aisak ra bara Jekob ra, man nani damikam nani ra pramis daukan ba daukbia.

Hibru Nani 11:13

Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.

Hibru Nani 11:8

Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.

Jasua 1:6

Kupiam karna bri bapi bûi bas, naha uplika nani tasbaya ba man kulki kaiki kiamka kumi bani ra dukia yabaia sma bamna, tasbaya ba witin nani prapatika sika, ai damika nani ra yabaia yang pramis munri ba.

Jasua 22:10

Ruben bara Gad kiamka nani bara Manasés kiamka nani ba sin, Kena tasbaya ra Jordan awala muna tani ra balan ba ra, witin nani bahara altar tara kum paskan.

Jasua 8:30

Ebal ilka ra, Jasua bui Dawan altarka kum paskan, Israel Gâdka altarka,

Wihta Nani 6:24

Bara Gedeón baha tasbaya ra altar kumi paskan, bara Dawan ra pain kulkan lâka yabaia bahara ai pura sunan, bara altar nina ba ‘‘Dawan ba kupia kumi lâka’’ mâkan. Naha altarka ba naiwa kat Ofrá ra kau ban bâra sa, baha lika Abiézer masraka nani tawanka tara ba.

1 Samuil 7:17

Ba sut taukan ba ningkara, witin kli ai watla Ramá ra bali kan, bahara sin Dawan altarka paski bri kan. Baha wina Israel luhpia nani sut lâka dauki kan.