Blasi Sturka 12:6 - DAWAN BÎLA AISKA

⁶ Ebram baha tasbaya nani bâk lui wan ban Siquem tasbaya bâk, Moré kat wan. Baha piua ra Kenan uplika nani baha tasbaya ra iwi kan.

Blasi Sturka 12:6 ပူးပေါင်းရင်းမြစ်များ

Blasi Sturka 10:15

Kenan luhpia nani: Sidón ba ai tawahkia kan, muihnika Het sin.

Blasi Sturka 13:7

unsaban bâra kan: Ebram daiwra main kakaira nani ba bara Lot daiwra main kakaira nani ba wal. Bara baha purkara Kenan uplika nani bara ferezeo nani sin pliska ba ra iwi kan.

Blasi Sturka 33:18

Jekob Padán-aram wina takan yua ba siknis âpu yamni baman, pât nani wal sin yabal ra prawras, ban Kenan ra diman ba kat. Bara Siquem tawanka lama ba kat ai watla mâki iwan.

Blasi Sturka 34:2

Siquem, Hamor luhpia waitna ba, baha tasbaya wihtka aimaki kan, witin heveo ba, bara Dina bahara tauki kan ba kaikan, bara alki taibi munan lâka ra, witin wal yapan bara swira daukan.

Blasi Sturka 34:30

Bamna Jekob bui Simian bara Libai wal ra aisi, win: —Nanara man nani mita yang na pât ra ai mangkram sa. Nanara naha tasbaya dawanka, Kenan uplika nani bara ferezeo nani ba mita yang ra misbara ai kaikbia. Witin nani asla taki yang maipara bal aiklabia. Upla maura man brisna bamna sut wan ikbia, baku sin wan taya nani ba sin sut ikbia.

Blasi Sturka 35:4

Bara witin nani gâd bahki nani bri kan ba sut, Jekob ra yaban, ai kiama lula nani sin; bara Jekob baha dukia nani ba sut brin, bara Siquem lamara usupum playa ra tasba ra biki swin.

1 King Nani 12:1

Roboam Siquem ra wan, Israel luhpia nani sut bahara aidruban kan ba mita, king mangkaia dukiara.

1 King Nani 12:25

Bamna Jeroboam Siquem tawanka ba kli paskan, baha lika Efraín ilka nani ra, bara witin bahara iwan. Bara Penuel ba sin kli paskan.

Lawana Nani 60:6

Dawan aisin, holikira aisaia watla ra: “Ani liliaka ni Siquem baiki sakamna bara Sucot ilka bîla ba yui yabamni.

Oseas 6:9

Prîs nani ba âimplikra daknika kum takan, Siquem ra waia yabalka ra, upla nani bîla aihwakisa; upla nani ba iki, witin nani ai nina sauhkisa.

Jan 4:5

Bamna witin Sameria tawanka kumi ra balan, nina ba Sicar; baha ba lika Jekob mita ai luhpia Josep ra tasba kum yabata ba wal baila kan.

Apastil Nani Sturka 7:16

Ai wîna tara nani ba Siquem ra bri si bikan, baha raitika Ebraham mita Hamor luhpia nani wina atkan ba Siquem tasbaya ra.

Kli Smalkanka 11:30

Naha ilka nani na Kenan uplika nani il âpu tasbaya ra sa, Jordan baila wala muna tani ba sait ra sa, Guilgal mawan kat bara Moré wal lamara sa.

Hibru Nani 11:9

Kasak lukan mita, Ebraham ba Gâd mita witin ra pramis munan tasbaya ba ra wih iwi kan, witin ba upla tringsar kum baku. Witin ba kiamp watla nani ra dimi kan, bara Aisak bara Jekob wal sin baku iwi kan, witinka nani sin baha pramiska brin kan ba.

Jasua 20:7

Bara Israel luhpia nani yukuwaika pliska nani bâk saki brin ba, Quedes, Galili ra, Neftalí ilka nani ra, Siquem ba Efraín ilka nani ra, bara Quiriat-arbá, tawanka na nina Hebrón mâki kata, Juda ilka nani ra.

Jasua 24:32

Josep wîna tara ba, Israel luhpia nani Idsip wina bri balata ba, Siquem ra bikan. baha sika Jekob silbar mâ handat mana atkata ba Hamor luhpia nani wina, witin ba Siquem aisika kata, bara baha ningkara tasbaya ba Josep taika nani ba dawanka takan.

Wihta Nani 7:1

Gedeón, nanara Jerubaal nina mâki kan ba, ai uplika nani witin wal bâra kan nani ba aikuki, titan kau puk pali kan pat buan, bara Harod tingnika ra wih, bahara ai kiampka ba bapan. Baha tingnika yahbra tani ra Madián uplika nani sin ai kiampka bapi bri kan, Moré ilka bîla ra.

Wihta Nani 9:1

Abimélec, Jerubaal luhpia waitna ba, Siquem tawanka ra witin taki wan, ai yaptika taika inmanka nani wal aisaia. Bara witin nani ra win: