Blasi Sturka 10:19 - DAWAN BÎLA AISKA

¹⁹ Witin nani ai tasbaya piarkika ba, Sidón wina waupasa tani ra Guerar kat, baha lika Gaza lamara, baha wina lalma tani ra Sodoma, Gomora, Adma ban Seboím bâk lui Lesa lama kat.

Blasi Sturka 10:19 ပူးပေါင်းရင်းမြစ်များ

Blasi Sturka 10:18

Arvad uplika nani, semareo nani bara Hamat uplika nani sut sin, baha nani wina Kenan kiamka nani sahwi ailal takan ba. Ningkara, witin nani turwi aihka aihka dakwi taki iwan.

Blasi Sturka 10:20

Naha nani sika Cam luhpia nani, kiamka kumi wina takan ba, ai tasbaya nani kat iwan, ai nisanka bîla kat aisin.

Blasi Sturka 14:2

Naha kingka nani mita Sodoma kingka Bera, Gomora kingka Birsá, Adma kingka Sinab, Seboím kingka Seméber, Bela Sóar kingka nani sut mapara war daukan.

Blasi Sturka 14:3

Bara baha kingka nani matsip ba sut ai suldiarka nani ba Sidim ilka bîla ra asla daukan, Kabu Pruan ba baha ilka bîla lamara sa.

Blasi Sturka 18:20

Bara Dawan bui witin ra naku win: —Sodoma bara Gomora wal uplika nani sturka ba tara pali sa, watawika lâka ba sin tara pali sa.

Blasi Sturka 20:1

Baha tasbaya ra bâra kan ba wina, Ebraham witin Négueb tani ra impaki wan, bara Cadés wihki Sur wal bilka ra takaskan, baha wina tisku Guerar ra wih iwan.

Blasi Sturka 26:1

Baha yua nani ra baha tasbaya aiska ra plun tiwan tara kan, Ebraham yua nani ra plun wahwan kata ba purkara. Baha mita Aisak filisteo kingka Abimélec ra wan Guerar ra.

2 Kronikas 14:12

Bara Dawan bui Asá bara Juda wal ra pura luanka lâka yaban Etiopía uplika nani mapara, baha mita naha nani mahka plapan.

2 Kronikas 14:13

Sakuna Asá ai uplika nani wal nina blikan Guerar kat, bara Etiopía uplika nani ba kumi sin raya swiras kan, sut ba sauhki tikan Dawan mawanra, ai suldiar nani ba sut sin, ningkara ai waihla nani dukia diara ailal brin.

Job 38:20

¿Sip sa tnata pali kat yarka waia, bara ningkara kli yarka ai watla ra waia?

Aiseya 23:11

Dawan ai mihta ba kabu purara sakban, king tasbaya nani ba yan tatatwan, Dawan adar win Kenan dukiara, witin karnika nani ba slingban kabia.

Aiseya 23:4

Sidón, swiram tara bris, kabu karnika tara sma ba, kan man wiaia sma: “Luhpa baikaia latwanka yang briras sna, yang luhpa kau baikras sna. Luhpa waitna pakaia âpu sna, luhpa mairin smalkaia sin âpu.”

Jirimaya 25:20

bara upla wala nani masraka sât sât nani bâra ba nani ra sin; Us tasbaya kingka nani sut ra, filisteo nani tasbaya aiska ra: Ascalón, Gaza, Ecrón, Asdod ra takaski nani ba sin;

Jirimaya 47:1

Naha bîla nani na sika Dawan Jirimaya ra aisin filisteo nani dukiara, king fero, Gaza ra aiklabaia kau waras kau ba kainara:

Isikiel 28:21

“Man, upla luhpia, Sidón tani ra taws bara yang nini ra witin mapara aisas.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Apastil Nani Sturka 8:26

Naha ningkara, Dawan insalka kumi Pilip ra win: “Man bus bara waupasa tani ra was, baha yabalka Jerusalem wina Gaza ra iwi auya bâk.” Naha yabalka na lika upla iwras tasbaya ra sa.

Kli Smalkanka 2:23

Heveo nani ra sin baku takan, witin nani Gaza tawanka lupia nani ra iwi kan ba, bara filisteo nani, Creta wina bal âpu dauki, bara witin nani baha tasbaya ra iwan.)

Kli Smalkanka 32:8

Yu kum Laih Purara iwi ba nisan nani tasbaya yabaia kan ba ra, tawan piarkika ba wapni kulki kaikan, kuna Israel luhpia nani dukira luki kan,

Jasua 19:28

baku ba ra Abdón wal prakan, Rehob, Hamón bara Caná kat, ban Sidón tawanka tara pali ba kat.

Wihta Nani 16:1

Yu kumi Samson kirhbi filisteo nani tawanka Gaza ra wan. Bahara rug mairin kum wal prawan, bara baha tihmika ba mairka ba watla ra yapaia wan.

Wihta Nani 6:4

Witin nani Israel luhpia nani tasbaya aiska ra ban Gaza kat takaski, baha nani tilara ai watla nani mâki, bara baha wina Israel luhpia nani pata mâ nani ba, sîpka nani ba, bîpka wainhka nani bara birikuka nani sut dakbi bri kan, Israel luhpia nani piaika diara kumi sin swiras kan.

1 Samuil 13:18

daknika wala ba Bet-horón tani ra wan, bara daknika yumhpika ba Seboím ilka bîla upla iwras tasbaya tani ra tawan.