Blasi Sturka 1:4 - DAWAN BÎLA AISKA

⁴ Bara Gâd kaikan ingni ba yamni kan, bamna witin ingni ba tihmia tara ba wina dakbi sakan,

Blasi Sturka 1:4 ပူးပေါင်းရင်းမြစ်များ

Blasi Sturka 1:10

Ningkara tasba lâwan ba nina “tasba” mâkan, bara lî nani asla takan ba nina “kabu” mâkan. Bara baha sut ba yamni kan Gâd kaiki,

Blasi Sturka 1:12

Tasba ba inta wahia sangni nani sâtka bani ba sakan: inma bani ai saumukka sâtka saki ba bara dus nani ai mâ bri ba sin. Bara Gâd kaikan baha sut ba yamni kan.

Blasi Sturka 1:18

kakna an tihmia, bara baku ingni ba tihmia tara ba wina aihka sakaia dukiara sin. Bara Gâd kaikan baha sut ba yamni kan.

Blasi Sturka 1:25

Gâd bui naha daiwra nani na paskan, bara kaikan baha sut ba yamni kan.

Blasi Sturka 1:31

bara Gâd kaikan diara nani witin paskan ba sut yamni pali kan. Bara baku natka ra yu matlalkahbika ba tnata alkan.

Lawana Nani 145:10

¡Dawan, man warkkam nani sut daukram ba mita mamyunbia! ¡Kasak lalukra nani mayunan kabia!

Lawana Nani 145:9

Dawan upla sut wal pain sa; bara ai kupia swapni wal ai warkka nani ba main kaikisa.

Smasmalkra 11:7

Yu ingnika ba pain pali sa, bara yamni sa wan nakra ba lapta ra kaikaia.

Smasmalkra 2:13

Bara yang kaikri sins lâka ba kau tara sa, tanis lâka ba wal, ingni ba kau yamni sa tihmia tara ba wal.

Aiseya 45:7

Ingni ba daukisna bara tihmia tara nani ba sin, kupia kumi lâka daukisna bara mapara buanka ba sin. Yang Dawan, yang naha diara nani sut ba daukisna ba.