Blasi Sturka 1:21 - DAWAN BÎLA AISKA

²¹ Bara Gâd bui kabu daiwra tarka tara nani ba paskan, bara lî wina taki daiwra nani bara liura ai rayaka bri nani ba sut, bara tnawira nani sut ba sin. Bara Gâd kaikan baha lika baku yamni kan,

Blasi Sturka 1:21 ပူးပေါင်းရင်းမြစ်များ

Blasi Sturka 1:18

kakna an tihmia, bara baku ingni ba tihmia tara ba wina aihka sakaia dukiara sin. Bara Gâd kaikan baha sut ba yamni kan.

Blasi Sturka 1:20

Bara Gâd bila win: “Lî nani ba mita yarka daiwan sâtka bani ba sâkbia, bara tnawira nani sin tasba purara pâsa ra pâli tauki kabia.” Bara baku takan.

Blasi Sturka 1:22

bara Gâd bui daiwan nani paskata ba ra yamni munan naha bîla nani wal: “Man nani sahwi ailal pali taki, kabu nani ba banhki dauks, bara tnawira nani sin sahwi ailal pali takan kabia tasba purara.”

Blasi Sturka 1:25

Gâd bui naha daiwra nani na paskan, bara kaikan baha sut ba yamni kan.

Blasi Sturka 1:31

bara Gâd kaikan diara nani witin paskan ba sut yamni pali kan. Bara baku natka ra yu matlalkahbika ba tnata alkan.

Blasi Sturka 2:19

Bamna Dawan Gâd bui daiwan nani sut bara tnawira nani sin tasba wina paskan, bara upla ra bri balan baha nani ra nina mangkbia dukiara. Bara upla ba mita daiwan tim nani sut ra nina mâkan, baku sin tnawira nani bara daiwan wail nani sut ra, bara baha nina ba wal takaski banhwan. Ban sakuna, upla ba wal baku pana pana ai hilpka dauki kaia ba lika baha nani wina kumi sin sakras kata.

Blasi Sturka 6:20

Tnawira nani sâtka bani ba sin, daiwan nani sâtka bani, ai biara purara kwasi tauki nani ba sâtka bani ba wina wâl wâl, man aikuki ark watla ra dimma, witin nani sin raya kaia ba mata.

Blasi Sturka 7:14

Witin nani wal diman daiwan wail nani sâtka bani, daiwan tim nani sâtka sut, ai biara purara kwasi tauki daiwra bani, tnawira nani bani sin aimakan.

Blasi Sturka 8:17

Daiwan nani sut man wal bâra ba: tnawira nani, ai biara purara tasba ra kwasi tauki nani ba, man sâks ark watla wina bara tasba pura bâk witin nani taki wabia; baku sahwi ailal taki tasba pura ba banhki dauki banhbia.”

Blasi Sturka 8:19

Daiwan nani sut, tasba purara kwasi tauki nani ba, tnawira nani sin, tasba purara aiawi tauki nani ba, ark watla ba wina bal takan.

Blasi Sturka 9:2

Bara daiwan nani sut tasba aiska ra bâra ba man nani mamwanra tatatwi sibri kabia, tnawira nani pâli tauki nani ba sin, tasba purara tauki daiwra nani sin sîam kabia, bara kabu ra inska nani ba sut sin man nani mihtam ra mangkan sa.

Blasi Sturka 9:7

Sakuna man nani lika sahwi ailal taki bas, tasba ra kiamkam ailal saki bas, bara upla ailal taki banhs.”

Job 12:7

Daiwan nani ra bara tnawira nani ra sin makabi wals, bara witin nani mita mai smalkbia.

Job 26:5

Kabu tihuka ra pruan nani bâra ba, sibrin mita tatatwisa kabu tihuka ra.

Job 7:12

¿Dîa yang na kabu daiwra tara saura pali baku namkra ra aihka sna, baha mita aihwaki ai kaikisma ki?

Lawana Nani 148:7

Dawan ra mayuns tasba ba wina, daiwan saura tara nani kabu ra ba, bara kabu tihuka tara nani ra ba sin.

Impakan Sturka 1:7

Sakuna Israel luhpia nani ba, luhpa nani ailal brin bamna, sahwi ailal taki bara karnakira sin takan. Tasbaya ba witin nani ni banhwan.

Impakan Sturka 8:3

Nilo awala laya ba lukwi, baha wina pikpik baman banhki takbia. Pikpik nani ba baha wina taki, king watla ra bal dimbia, rumkam nani ra sin dimbia, krikrikam nani ra ulbia, uplikam tara nani watla nani ra sin dimbia, upla wala nani watla ra, baku sin britkam angkaika nani ra dimbia.

Isikiel 32:2

“Naha prura lawana na, king fero Idsip kingka ba lawana aiwans: ‘Nisan nani layanka kum baku sma; kabu ra daiwan saura tara baku sma: awalkam ba buhutni daukisma, minam wal laya ba buhutni daukisma bara aubra ba blakisma.

Jona 1:17

Witin nani baha dauki kan ba ra, inska tarka tara kum Dawan mita blikan Jona langkaia. Bamna tihmia yumhpa bara kakna yumhpa, Jona ba inska tara ba klungka ra kan.

Jona 2:10

Bara Dawan mita ban baku daukan, inska tara ba Jona bri si ai bîlak aikabi sakaia kabu un ra.

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.