Blasi Sturka 1:12 - DAWAN BÎLA AISKA

¹² Tasba ba inta wahia sangni nani sâtka bani ba sakan: inma bani ai saumukka sâtka saki ba bara dus nani ai mâ bri ba sin. Bara Gâd kaikan baha sut ba yamni kan.

Blasi Sturka 1:12 ပူးပေါင်းရင်းမြစ်များ

Blasi Sturka 1:11

naku win: “Tasba ba yaka inta wahia sangni nani sâtka sut sâkbia: inma bani ai saumukka sâtka nani sâkbia ba bara dus nani sin ai mâ bri kabia ba.” Bara baku takan.

Blasi Sturka 1:13

Bara naku natka ra yu yumhpika ba tnata alkan.

Lawana Nani 104:14

Witin twi nani yan pâwisa, daiwan nani pata, inma nani sin yaram pâwisa, upla ba plun mangki mâ sakisa, tasba ba wina ai pata sakaia dukiara sin.

Aiseya 61:11

Âu, tasba wina inma nani urhwi taki pâwi ba baku, giadin ba sin, mâ nani yan urhwi taki ba baku, Dawan ba sin baku daukbia kasak lâka ba, mayunra lâka ba sin yaka urhwi takbia nisan nani sut mawanra, bara lawana kum aiwanbia.

Mark 4:28

Kan tasba ba yakan mâ sakisa; pas dusa sirpi ba takbia, ba wina mâ briaia wahia ba, ningkara mâ ailal takisa,

Luk 6:44

Bamna dus bani ai mâ ba wina tânka kaikaia sip sa: kiaya wina upla kwah damni mâ wahbras, rahra kiaika wina sin wain mâ wahbras.

2 Korint 9:10

Bara Gâd, witinka mita saumuk mangkaia bara plun saki piaia sin yabi ba, witin sin namsla ra dîa dîa mangkaia luha sma ba maikbia, bara sip sa yaka pain pâwaia, bara mâ sin manis maikaia warkkam yamni ba dukiara.

Galesha 6:7

Man nani lukankam ra kunin munpara: upla âpu sa Gâd ra lawaska kikaia. Upla mita dîa mangki ba baha sika krikbia.

Hibru Nani 6:7

Tasba purara lî auhaia bani tasbaya mita laya ba di ba baku, witin nani sin baku sa: tasbaya ba witin purara wark taki nani ba ra, mâ yamni nani saki yabisa kaka, Gâd mita yamnika yabisa.