Blasi Sturka 1:1 - DAWAN BÎLA AISKA

¹ Kau diara wala nani sut paskras kan ba tâura, Gâd bui kasbrika pura ba bara tasba ba wal pas paskan.

Blasi Sturka 1:1 ပူးပေါင်းရင်းမြစ်များ

2 King Nani 19:15

bara naku ai pura suni, win: “Dawan, Israel Gâdka, kirubin nani tilara man iwisma ba, man baman sika king tasbaika nani bani tasba ra ba Gâd sma; man sika tasba bara kasbrika purara pali ba sin daukram.

1 Kronikas 16:26

Upla wala nani gâdka nani ba lika bahki yus âpu nani sa, sakuna Dawan bui lika kasbrika pura ba paskan sa.

2 Kronikas 2:11

Bara Hiram Tiro kingka ba pana wauhkataya kum ulbi, Salaman ra naku win: “Dawan ba ai uplika nani ra latwan kaikisa, bahamna man ra king mai mangkan, ai uplika Israel luhpia nani tilara.”

Nihimaya 9:6

Bara Esdras aisin: “Man lika Dawan sma, bara kau wala âpu. Man kasbrika pura ba daukram, bara kasbrika nani kau purkara ba sin, slilma nani ba, tasba ba, baha bilara dîa dîa bâra ba sin man daukram, bara kabu nani ba, kabu bilara dîa dîa bri ba sin man daukram. Baha mita sika, slilma nani ba kasbrika pura wina mamyuni ba.

Job 26:13

Ai wingka puhbra ba ni, kasbrika purara ba kiasma âpu daukan, ai mihta ni piuta plaplapra ba ikan.

Job 38:4

¿Man anira kapram, naha tasba yang paski kapri piua ra? ¡Bamna ai wis, man sins tânka aitani brisma ba!

Job 9:8

Witin lika upla kumi wina hilpka briras kasbrika ba paskan, kabu daiwra saura ba sin ai mina ra taibi ikan.

Lawana Nani 102:25

Patitara wina wan tasba playka nani bapi swiram, man pali bui kasbrika pura ba paskram.

Lawana Nani 104:24

¡Dawan, man nahki diara nani ailal daukram sa! Baha nani sut daukram ba, sins lâka wal; ¡tasba ba man paskram dukia nani baman banhki sa!

Lawana Nani 104:30

Man wingka puhbra rayaka blikisma, bara witin nani paskram sa; bara man naha tasba mawanka kli raya daukisma.

Lawana Nani 115:15

¡Dawan kasbrika purara bâra ba, tasba sin Papaskra ba, man nani ra ai yamnika ba maikbia!

Lawana Nani 121:2

Yang hilpki ba Dawan wina aula, witinka kasbrika pura bara tasba na sin Papaskra ba.

Lawana Nani 124:8

Yang nani hilpki ba Dawan wina aula, witin kasbrika pura tasba wal papaskra ba.

Lawana Nani 134:3

¡Dawan kasbrika purara ba Papaskra pali ba, Saion ilka ba wina yamni mai munisa!

Lawana Nani 136:5

Witin sika kasbrika purara ba paskan sins lâka ni, ai latwanka lâka ba ban kaia ra ban sa bamna.

Lawana Nani 146:6

Witin kasbrika pura, tasba, bara kabu sin paskan ba, diara nani sut bâra ba, witin ai bîla ba alki brisa.

Lawana Nani 33:6

Dawan ai bîla aisin ba mita, kasbrika purara diara bâra ba paskan bara sin ai bîla wingka puhbra ba mita paskan.

Lawana Nani 33:9

Kan witin aisin bara diara sut daukan kan; witin adar yan bara diara bal takan.

Lawana Nani 8:3

Kasbrika pura man paskram ba kaikisna ba ra, baku sin man bui kati, slilma nani bahara paski mangkram ba,

Lawana Nani 8:4

luki kaikisna: ¿Waitna ba dîa sa? ¿Upla paskram ba dîa sa? ¿Dîa muni witin dukiara kupiam kraukisma bara sin lukisma?

Lawana Nani 90:2

Il nani ba kau paskras kan wina, tasba na bara tasba aiska sin kau daukras kan ba ra, piua nani sut wan kanra aula ba ra, man ban wan Gâdka sma.

Lawana Nani 96:5

Upla sât wala nani Gâdka sut ba bahki sa, sakuna Dawan sika kasbrika pura ba paskan.

Impakan Sturka 20:11

Kan yu matlalkahbi yua ra, Dawan kasbrika pura ba, tasba, kabu bara diara nani sut ba baha bilka ra paskan bamna, bara yua 7 ba, witin ris brin. Bahamna Dawan bui sabat ba yamni munan, bara aihka saki holikira kulkan sa.

Impakan Sturka 31:18

Dawan ba Sainai ilka ra Moses wal aisi swin ba ra, Dawan bui witin ai mihta tâ ni baha lâka nani ulban walpaya tanhta wâl ba, Moses ra yan.

Sins Lâka 16:4

Dawan diara kumi bani daukan ba witin ai warkka dukiara sa, âu, upla watawikira ba sin daukan, trabil yua ra klala yaia ba.

Sins Lâka 3:19

Dawan sins lâka bara diara daukaia smatka ni, kasbrika bara tasba ba sin paskan;

Smasmalkra 12:1

Man kau wahma bara tiara sma ba yua nani ra, Papaskrikam ra kupiam krauki bas, kau piua saura mai alkras ba ra; mankam nani balbia bara wima: “Baha wal liliaka kumi sin briras kapri.”

Aiseya 37:16

“Dawan karnika sut brisma ba, Israel Gâdka, kirubin nani tilara man iwisma ba, man baman sika king tasbaika nani tasba ra ba, Laih Purara Gâd pali sma; man sika tasba bara kasbrika purara pali ba sin daukram.

Aiseya 40:21

¿Dîa man nani nu âpu katma ki? ¿Man nani sip walras katma ki? ¿Blasi pali wina man nani ra mai wiras kata ki? ¿Tasba paskan ba piua wina, man nani ra pat mai smalki mai wiras kata ki?

Aiseya 40:26

Man nani namkra nani purara buki kaiks; bara kaiks ya naha diara nani na paskan ba. Baha nani sut ba witin kumi saki kulkisa; baha nani sut ba witin nina nani kat mâki winisa, sut ba bâra sa. Baku sika witin tara sa, ai karnika ba sin, ai kingka lâka karnika ba sin.

Aiseya 40:28

¿Man kaikras sma ki? ¿Man walras sma ki? Dawan sika Gâd ban kaia ba, tasba lui waia piua sin witin mita paskan ba. Witin dring swapras, swapan bara bahkia takras, witin diara tânka kaiki ba sut alkaia ba upla kumi sin âpu sa.

Aiseya 42:5

Dawan Gâd ba, kasbrika pura nani papaskra sa, witin sin baha nani slihbi saki ba; witin sika tasba ba paskan bara witinka ra sin pâwi ba, rayaka yabi bara wingka puhbra sin yabisa, upla nani iwi nani ra, ai dukia dadaukra ra wisa:

Aiseya 44:24

Naku Dawan aisisa, man sasakra, witin pat mai paskan kan, kau mai baikras kan ba ra: “Yang sika Dawan, diara sut ba paskisna, yang yakan kasbrika pura nani ba yakabisna, tasba ba sin drabisna, wala hilpka briras kira.

Aiseya 45:18

Kasbrika pura Papaskra ba, witin sika Gâd bara Dawan ba, tasba ba dauki bara paskan ba, witin watlika ra bapi mangkan ba, witin baha paskan ba, bilara diara âpu kaia dukiara paskras kan, sakuna upla nani bâra iwi kaia, witin aisisa: “Yang sika Dawan, bara wala âpu.

Aiseya 51:13

¿Dawan mai papaskra ba, pat âmya tikaisma, witin kasbrika pura nani ba bri sal saki bapan ba? ¿Bara man yu aiska ban sibrin tatatwi ban kaisma, baha nani ai kupia baikanka ra sarkam paski ba dukiara, witin nani mai slingbi tikaia ridi taki buan ba sîa? ¿Sakuna kupia baiwanka ra sarkam paski nani ba anira sa?

Aiseya 51:16

kasbrika pura bara tasba sin paskri. Twisam ra bîli nani mangkri aisaia, mihti distika ra kainam kahbri. Yang Saion ra wîri: ‘Man ba yang upliki nani sma.’ ”

Aiseya 65:17

“Man nani kaiks, yang kasbrika raya nani bara tasba sin raya paskamni, bara almuk kata ba dukiara kli wan kupia kraukbia apia, ba dukiara wan lukanka ra sin kli bal dimbia apia.

Jirimaya 10:12

Dawan, ai karnika ni tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Jirimaya 51:15

Dawan, ai karnika ni, tasba paskan; ai sinska lâka ni tasba aiska karnika bapan; sins bri ba lâka ni kasbrika pura aiska ba paskan.

Sakaraya 12:1

Naha bîla nani sika Dawan, Israel dukiara aisisa. Kasbrika purara paskan ba, tasba playka tara bapan ba, upla ra sin rayaka yan Dawanka ba, kasak aisisa:

Matiu 11:25

Baha piua ra, Jisas naku win: “Aisa, kasbrika purara ba bara tasba Dawanka, yang tingki mai wisna, kan sinskira nani ra bara diara lan nani ra naha dukia nani na yukukram, sakuna tuktan nani ra latan marikram.

Mark 13:19

kan baha yua nani ra lika pât wahwanka tara kabia, bahmuna kau patitara piua ra âpu kan, Gâd mita tasba paskan wina, naika piua ra sin bahmuna yua âpu kabia.

Apastil Nani Sturka 14:15

—Upliki nani, ¿dîa kan man nani naku dauki banhwisma ki? Yang nani na sin man nani wal baku upla sna. Sakuna nâra yang nani balri na, man nani ra sturi yamni ba mai smalkaia, naha diara bahki nani na swi si Gâd rayakira ba nina blîkma, witinka mita kasbrika pura, tasba, kabu nani ra dîa dîa baha nani bilara ba sut paskan bamna.

Apastil Nani Sturka 17:24

‘‘Gâd bui tasba paskan ba bara dîa dîa baha bilara ba, witin sika kasbrika pura bara tasba Dawanka. Witin lika upla bui paskan tempelka sâtka nani ra iwras sa,

Apastil Nani Sturka 4:24

Baha diara nani walan ba ra, witin nani sut Gâd ra ai pura suni, win: “Dawan, man sika kasbrika pura, tasba, kabu, dîa dîa baha bilara ba sut paskram.

Roman 11:36

Kan diara nani sut ba Gâd wina aula, witin paskan bara witin dukiara baman sa. ¡Prana kabia Gâd ra, ban kaia ra! Baku kabia.

1 Korint 8:6

ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.

Epesus 3:9

Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba.

Hibru Nani 1:10

Gâd bila sin: “Man, Dawan, kaina pali ra tasba na paskram, bara mihtam nani wal kasbrika pura nani ba sin daukram.

Hibru Nani 1:2

bara nanara naha tnata yua nani na ra lika, witin mita ai Luhpia bâk wan aisin sa. Naha Luhpia na bâk Gâd mita tasba nani na paskan, bara diara nani sut ba witin mihta ra swin sa.

Hibru Nani 11:3

Kasak lukan lâka mita yawan kaikisa, Gâd mita tasba nani na ai bîla aisin ni paskan, bara baku mika nanara yawan diara kaiki na, diara nani yawan sip kaikras ba ni paskan kata.

Hibru Nani 3:4

Utla bani ba upla kum mâkan kaia sa; sakuna Gâd sika diara nani sut paskan ba.

2 Pita 3:5

Witin nani kaikaia want apia sa, kasbrika pura ba lika patitara piua wina ban bâra sa. Gâd aisin bara tasba na lî wina bal takan, bamna tasba na lî ba tâka mita nâra sa.

1 Jan 1:1

Diara nani sut mahka tâ krikan piua ra pat paskan bâra kan ba dukiara man nani ra ulbisna, yang nani kiaima ni dîa walri ba bara naikra ni dîa kaikri ba. Kan yang nani naikra pali ni kaikri bara mihti pali ni sin alki banhri. Baha sika Raya kaia Bîla ba.

Param Marikanka 10:6

bara Gâd nina mâki swer taki, witinka ban kaia ra raya iwi ba, bara kasbrika purara, tasba, kabu bara diara nani sut bahara banhwi ba paskan ba, bahara naku wisata: “Kau piua âpu kabia.

Param Marikanka 14:7

Bara witin ai bîla baikra tara ni aisi kan: “Man nani bui Gâd ra sibrin luks bara mayunra sin yas, witin ba lâ daukaia awarka ba pat aimakan sa bamna. Gâd ra puram suni mayuni bas, witinka ba kasbrika purara, tasba, kabu, bara lî kârma nani sin paskan ba.”

Param Marikanka 21:6

Baha ningkara ai win: “Pat daukan sa. Yang sika A ba bara Y ba. Ya diran dauki ba, yang raya kaia laya kârma ba wina yârika dibia, baha ba mana âpu pri pali.

Param Marikanka 22:13

Yang sika A yang sika Y, pas, lâs, tâ ba bara lâs ba.”

Param Marikanka 3:14

“Leodisia sertska insalka ra sin ulbi wis: ‘Naku wisa witinka Kasakkira ba, witnis kasak bara diara kasak kat aisi ba, Gâd diara sut paskan ba tâ wina:

Param Marikanka 4:11

“Dawan wan Gâdka, man lika mayunra ba, prana ba bara karnika ba briaia aitani sma; kan man sika diara sut paskram ba, bara man kupiam lâka mita sika baha nani ba ban sa bara paskan kata.”