Aiseya 9:3 - DAWAN BÎLA AISKA

³ Dawan, man lilia tara kum bri balram; liliaka ba sin tara pali pura prakram. Witin nani sut man mamwanra lilia takbia insla dâki liliaka ba baku, upla ai dukia nani ailal bri ai yuyaka yui yabi liliaka tara dauki ba baku.

Aiseya 9:3 ပူးပေါင်းရင်းမြစ်များ

Nihimaya 9:23

Yaram ai luhpia nani sin ailal, kasbrika ra slilma nani ba baku sahwan, baku sin yaia wiram ba tasbaya ra brih waram, bahara ai tasbaya bribia, ai aisika nani ra yaia wiram tasbaya ba.

Job 12:23

Witin nisan nani ba tara daukisa, bara âpu sin daukisa; yakabrira daukisa bara kli sin asla daukisa.

Lawana Nani 107:38

Dawan sin witin nani ra yamni munisa, bara witin nani manis sahwisa bara ai daiwra nani ailal pâwisa.

Lawana Nani 119:162

Yang lika lilia daira walisna pramiskam nani ba wal, upla kum diara kukan tara kum sakan ba baku.

Lawana Nani 4:7

Man bui yang kupi ra mangkram, kau lilia kaia lâka ba; baha nani plawar mâ bara wain ailal bri ba wal.

Aiseya 10:26

Dawan, karnika sut ba mita witin nani ra klala yabia Oreb ra walpa tara bara Madián uplika nani ra bataki pura luan ba baku, Asiria mapara ai karnika ba marikbia. Idsip ra ai karnika marikan ba baku.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 14:5

Dawan mita saurakira nani karnika ba bâk krikan, tataibra kingka dusa ba pîs ra man krikan,

Aiseya 25:9

Bara baha yua ra witin nani wibia: “Kaiks, naha sika yawan wan Gâdka, yawan lika witin ai bîla kaiki kan, nanara witin swaki wan sakan, yawan lilia kap witin swaki wan saki ba mita, yawan lilia daukpi.”

Aiseya 26:15

upla nani ba man mita ailal daukram, Dawan, man upla nani ba ailal daukram, witin nani man pramna dukiara, tasba aiska lainka nani kat man bui upla nani ba yakabi lakram.

Aiseya 35:10

Dawan mita atki sakan nani ba kli tawi balbia, liliakira witin nani Saion ra kli balbia; lilia baman witin nani iwi kabia. Bara witin nani lilia tara bribia, sari lâka bara mamna lulkanka nani ba âpu tiwbia.

Aiseya 35:2

Tangnika ailal baiwbia, bara sin witin lilia aiwanbia, liliakira pali. Líbano mayunra ba witin ra yan kabia, Carmelo, Sarón prana ba sin tasba maura ra. Upla sut Dawan prana ba kaikbia, wan kingka Gâd prana ba.

Aiseya 54:1

Liliam bas, biarapara mairka nani, luhpa baikras sma ba; lawana aiwans bara lilia tara binka dauks, luhpa baikaia latwanka briras katma ba, kan Dawan naku aisisa: “Lulki swin mairka ba kau luhpa bri kabia, ai maya bri mairka nani ba wal.”

Aiseya 55:12

“Man nani lilia pali baha wina taki wama, bara kupia kumi lâka wal, man nani tasbayam ra kli tawi balma. Il nani bara kiuhsi nani sin, man nani mamwanra lawana aiwanbia, bara twi ra dus nani ba sin sut ai mihta pruki lilia daukbia.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Aiseya 61:7

Baku yang upliki nani pât wahwaia kan, aima wâl praiska kulkan kan bara saura win, baha mita ai kuntrika ra ai dukia kukan nani, aima wâl praiska bribia bara ban kaia ra lilia bri kabia.

Aiseya 65:14

Witin nani lika lilia mita aiwanan kabia, ai kupia lilika mita, sakuna man nani lika, wini bara ini kama sari bara kupia sarkira ini kama.

Aiseya 65:18

Man nani lilia, kupiam lilia man ban bas yang dîa paskaisna ba dukiara, kan Jerusalem ba lilia yang paskaisna, bara upla nani sin bahara ai âuyapah iwaia.

Aiseya 66:10

“Man nani Jerusalem wal liliam bas, liliam pali bas, man nani sut witin ra latwan kaikisma ba; ai liliaka ra asla taks, man nani sut witin sarka brih inram ba;

Jirimaya 31:7

Dawan ba wisa: “Lilia ni aiwans bara Juda tawanka dukiara liliakira bas, kau pali ba nisan nani sut dukiara. Pain wals mayunanka ba, bara wis: ‘Dawan bui ai uplika nani swaki sakan, Israel ra kau takaskan kan ba.’

Oseas 4:7

“Prîs nani kau ailal takan ba ra, saurka lâka sin kau ailal maipara daukan; baha mita witin nani ra yamni kulkaia lâka ba, swira daukaia lâka ra lakamna.

Libait Lâka 26:13

Yang sika man nani Dawan Gâdkam, Idsip wina mai sakri ba. Witin nani albika kaia apia, man nani wirha tara twilki kapram ba puram wina yang kalki sakri bara pri mai daukri kainam kat wapi kaia.

Sakaraya 10:8

“Yang bui witin nani ba paiwi asla kukamni, kan swaki sakri bamna. Witin nani kli ailal pali sauhbia patitara kata baku.

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Sakaraya 8:23

Bara baha yua ra, Ju apia nisanka nani ba tila wina, upla matawalsip bal Ju uplika kum prâka ra alki bara wibia: ‘¡Yang nani sin man wal wan ai daukisa, kan yang nani walri, Dawan ba man nani wal sa!’ ”

Luk 11:22

Sakuna witin wal kau karnakira kum ba mita pura lubia kaka, baha aiklabaia dukia nani kasak kulki bri kata ba sut mihta dakbia, bara upla wala nani ra sin yabia.

Apastil Nani Sturka 8:8

Baha tâka mita baha tawanka ba lilia kan.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

Wihta Nani 5:3

¡Man nani, king nani, yang ra ai wali banhs! ¡Man nani wihta tara nani, yang ra wali banhs! ¡Dawan ra aiwanaisna!, ¡Israel Gâdka ra aiwanaisna!

Wihta Nani 7:22

bara 300 waitna nani ba kli sîpka aringka nani ba ban puhbi kan. Dawan bui baku daukan, Madián uplika nani ai tila kat klauna aiklabi prui kaia, bara ai kiampka nani wina sin taki plapi kaia, Bet-sitá tawanka ra, Sererá yabalka ra, Abel-meholá tasbaya piarkika kat, Tabat tawanka ba lamara.

Wihta Nani 8:12

Madián kingka nani Zébah bara Salmuná wal lika plapan, sakuna Gedeón witin nani ai nina blikan bara alkan; baha kaiki suldiar nani sut ba sirang tara iwan.

1 Samuil 30:16

Bara âimplikra nani bâra kan ba kat brih wan, witin nani twi mawan âpu yakabrira plun pi bara di banhwi kan, filisteo bara Juda tasbaya wina diara nani implikan ba ai lilia bri banhwi kan.