Aiseya 9:17 - DAWAN BÎLA AISKA

¹⁷ Baha ba mita sika, Dawan ba wahma, tiara, rau bara sin piarka nani ra umpira kaikras kan ba. Witin nani sut ba, kuninkira, saura dadaukra, bîla tanis nani baman aisi uplika kan. Baha sut daukan, sakuna Dawan kupia baiwanka ba dasras kan; ai mihta bukan ba ban sa.

Aiseya 9:17 ပူးပေါင်းရင်းမြစ်များ

Job 15:34

Upla watawikira nani ai kiamka nani bribia apia, bara ai watla nani ba upla dukia dakbi brin nani dukia ni auhbi banhkan ba, pauta ra sin angkan kabia.

Lawana Nani 109:12

Upla kumi sin witin ra umpira kaikras kabia, ai luhpia waitna rau takan nani ba ra sin apia.

Aiseya 1:4

¡Alai, upla saura dadaukra nani, watawi lâka man twilki banhwisa ba, saura dadaukra kiamka nani, watawi lâka luhpia nani! Dawan wina laihura takan nani, Israel Gâdka Holikira ba wina sin laihura takan, Gâd ba lulki swin.

Aiseya 10:2

umpira nani lâka ba wapni kat daukras, upliki nani kupia kriwan, sari nani ba raitka yabras, piarka nani ra taiban lâka ra brisma, rau nani dukia sin mihta dakbi implikisma ba!

Aiseya 10:4

Witin nani bahki mai kulkbia bara silak ra mai mangkaia mai brih wabia, pruan ba nani tilara ikan kabia. Baha sut daukan kabia, ban sakuna, Dawan ai kupia baiwanka ba takaskbia apia; ai mihta bukan ba ban sa.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 13:18

Wahma, tiara nani ra pantamangka ni sabia, tuktan sirpi nani ra umpira kaikras, baku sin tuktan tara nani ra.

Aiseya 14:20

King wala nani bikan ba baku mai kulkan kabia apia; kan man tasbayam ba man mita sauhkram, uplikam nani ra sin ikram. Watawikira nani kiamka ba, piua wihka ban kabia apia.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Aiseya 27:11

Dus kum tnawa nani ba lâwan bara kriwisa; bara mairin nani aula baha nani ba angkaia. Kan baha uplika nani ba diara tânka bri uplika nani apia sa. Baha mita, witin ra papaskra ba mita umpira kaikras, ai kupia sin swapni takbia apia.

Aiseya 3:8

Jerusalem ba sut aisawan sa, Juda sin kauhan; witin nani aisi ba ai warkka nani daukan ba sin Dawan mapara sa, ai kingka kupia sauhki ba dukia daukisa

Aiseya 31:2

Sakuna witin sin sinskira sa, bara klala saura nani bri balbia, bara ai bîla nani aisin ba kli lakbia apia. Witin saurakira nani ba mapara aisabia, baha nani watawika lâka dauki nani bara hilp muni nani ba mapara sin.

Aiseya 31:3

Idsip uplika nani ba upla sa, gâd apia, ai araska nani ba spirit apia, wîna nani sa; baku bamna Dawan ai mihta sakbia klala yabaia, bara kan kakahbra nani baku sin ai kan kahbi uplika nani sin kauhbia; sim piua ra sut prui tiwbia, sut dring prubia kumi baku.

Aiseya 33:11

Man nani diara daukaia lukram ba, wark nani sin daukaia lukram ba, dus wahia lâwan baku sa, dipasta baku; wingki puhbra kumi mita, pauta ami baku klakbia.

Aiseya 33:12

Bara upla nani ba yamhpus aman baku kabia; kiaya nani klakan pauta ra angkan ba baku kabia.

Aiseya 40:30

Wahma bara tiara nani ba swapisa bara bahkia sin takisa, kau karna nani ba sin swapni taki kauhisa,

Aiseya 5:24

Baha ba mita, dipasta lâwan pauta mita angki ba baku, pauta klauhan mita wahia lâwan nani angki ba baku, man nani sin baku tanis tiwma, dus wakia nani sukwi ba baku tangnika yamhpus taki ba baku. Kan witin karnika sut bri Dawanka lâka ba lulkram bamna, Israel Gâdka holikira ba.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Aiseya 62:5

Wahma kum tiara kum wal ai maya taki ba baku, Dawan sin baku man ai maya mai bribia, bara kli mai paski bara man wal lilia kabia, maya waitna ai maya mairin wal lilia ba baku.

Aiseya 65:19

Bara yang pali sin, Jerusalem wal lilia takamni, yang upliki nani wal sin âiyapah kamni. Witin nani ai inanka bîla baikra ba kli walan kabia apia, ai winanka bîla baikra sin apia.

Aiseya 9:12

Lalma wina Siria uplika nani, muna wina filisteo nani balbia Israel luhpia nani ba ai bîla banhki langki pibia. Baha sut daukan kabia ba wal sin Dawan ai kupia baiwanka ba kau takaskras; witin kau ban baha nani tayahki kabia.

Aiseya 9:21

Manasés mita Efraín ra sauhki tikisa, Efraín mita Manasés ra, bara wâlsut Juda mapara buisa. Ban sakuna baha sut ba mita Dawan kupia baiwanka ba takaskbia apia, ai mihta bukan ba ban sa.

Jirimaya 18:21

¡Sakuna nanara, dauks ai luhpia nani plun bla, apia kaka sord malka ra prubia; ai maya ba piarka takbia bara sin luhpias kabia! ¡Siknis mita ai waitnika nani ba ikbia bara wahmika nani ba war ra aiklabi prubia!

Jirimaya 5:1

Dawan ba naku aisisa: “Man nani Jerusalem yabalka aiska plapi taws, pulaia pliska nani ba ra pliki pain laki kaiks, upla kasakka lâka kat dauki ba kum man nani wal prawma sapa, witin kunin luha kaia luki ba. Man nani ba witin wal prawma kaka, yang bui Jerusalem pâtka ban swih tikamna.

Isikiel 20:33

Yang, Dawan Gâd, rayaki wal pramis takisni karnika tara bliki ni, bara klala yabamna kupi baiwanka aiska wal; bara sin man nani puramra king aimakamna.

Emus 4:10

“Idsip uplika nani purara siknis saura nani blikri kan ba baku, man nani puramra sin blikri; wahma nani ba war aiklabi prui tiwaia ba yang daukri, swiri aras nani ba waihla nani dawanka takan; kiamp nani ra yang mita yâri upla pruan bisbaika ba kiawalaia. Baha sut daukri, sakuna man nani lika yang ra kli tawi balras.” Dawan baku kasak aisisa.

Emus 8:13

Baha yua ra tiara painkira nani bara wahma karnakira nani ba sin, Dawan bîla walaia diranka mita, dring prui kabia.

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Sakaraya 9:17

¡Baha kuntrika ba nahki yamni, nahki pranakira kabia! Plawar, wain ailal bri ba mita, ai luhpia waitna bara ai luhpia mairin nani ba pranakira pain pâwi kabia.

Matiu 12:34

¡Piuta kiamka nani! ¿Nahki sip sma ki diara pain nani aisaia, kan man nani pali saurakira sma ba? Kan wan bîla ni aisi ba lika wan kupia aibanhwan ba wina aula.

Matiu 16:3

bara titan piua, man nani wisma: ‘Naiwa piu saura kabia, kan kasbrika ba pauni bara tihmu bri bamna.’ Man nani ba kasbrika nani wina tânka laki kaiki wiaia sip sma kaka, ¿nahki kan naha piua sainka nani ba tânka pliki saki wiras sma ba?