Aiseya 8:9 - DAWAN BÎLA AISKA

⁹ Nisan nani, aidrubi asla taks, man nani tamyahkan sa; wals, man nani tasba wala wina nani sma ba sut: âu, man nani kau ridi taki balma sakuna, sirang mai ikan kabia.

Aiseya 8:9 ပူးပေါင်းရင်းမြစ်များ

1 King Nani 20:11

Bara Israel kingka bui pana naku wibia win: ‘‘War kau aiklabi pura luras ba ra, baku pali aimayunaia lika sip apia sa.”

Sins Lâka 11:21

Kasak pali watawikira ba, klala briras takaskbia apia, sakuna kasakkira nani ba pain pri takbia.

Aiseya 28:13

Baha mita Dawan bui witin nani ra aisabia tuktan sirpi nani ra baku, namika ra aisi kaikaia lan taki ba; witin nani wapbia bara kauhbia ba ra, insauhkan kabia, mina alkaika ra dimbia, bara bahara takaskbia.

Aiseya 37:36

Bara Dawan insalka ba taki wan bara upla 185,000 ikan Asiria nani kiampka ra; witin nani titan buan ba ra, kaikan witin nani wîna tara sut ba, upla pruan man kan.

Aiseya 54:15

Upla kum man mampara bubia kaka, witin yakan daukbia, yang lika witin tilara âpu sna; ya man mampara bubia ba, witin ba man mamwanra kauhbia.

Jirimaya 42:11

Man Babilon kingka ra luki sibrin pali mai dauki ba, si bripara. Man nani lika witin sîa bripara. Kan yang lika man nani wal sna witin karnika ba wina swaki mai sakaia pri mai sakaia. Yang, Dawan, kasak aisisna.

Jirimaya 46:3

“¡Kainam kahbaika nani ba ridi dauks! ¡Man nani aiklabaia taki was!

Jirimaya 46:4

¡Aras nani satilka ba mangks! ¡Âiulra nani, uls! ¡Lamla prakaika nani praks bara man nani lainkam ra bus! ¡Langsa nani ba mala dauks! ¡Man nani lamam prakaika ba dims!

Jirimaya 51:20

“¡Babilon, yang war aiklabaiki amarka ba man, aiklabaia dukia! Man ni nisan nani ba krikamna, king nani tasbaya ba sin slingbamna.

Isikiel 38:7

Ridi taks, bara aiklabaia dukia bris, man bara suldiar nani man wal nani ba sut; man karnikam munhtara brima.

Isikiel 38:8

Mani ailal lubia ningkara adar brima, kuntri kum piua luan war ra kan ba purara kauhaia, kuna pat ai plamaika brin kabia ba; kuntri kum yakabrira kan ba nisan ailal tilara bara danh tikan kan ba, ban kaia ra, kuna pat kli asla takan ba Israel ilka nani ra. Baha piua ra, witin pat kuntri ailal wina tawi balan kabia, bara sut lamni ra iwi kabia.

Jasua 11:5

Naha kingka nani sut asla takan, bara Merom awala ra ai kiampka sut dauki asla bâra takaskan, Israel luhpia nani mapara aiklabaia dukiara.