Aiseya 8:7 - DAWAN BÎLA AISKA

⁷ Bara Dawan mita witin nani ba Éufrates awala lisamra tara dingkan karna aubi ba ra dingkbia (baha wibia kaka Asiria kingka ai karnika sut bri ba mihta ra). Witin nani tnaya bani ra lisamra ba mita pura lubia, ai lamara nani ba sut,

Aiseya 8:7 ပူးပေါင်းရင်းမြစ်များ

Blasi Sturka 6:17

Bara kaiks yang lisamrika tara kum tasba purara brih aulna, tasba aiska ra lî sunaia blikuna diara rayaka bri bani ba sut sauhki tikaia dukiara, bara tasba ra iwi banhwi ba sut prubia.

2 King Nani 19:32

‘‘Bahamna, Dawan mita naku wisa Asiria kingka ba dukiara: ‘Jerusalem ra sip dimbia apia, trisba kumi sin mangki lulkbia apia, witin ai mapara ai lama praki aiklabaia dukia ni aiklabia apia, ba purkara sin ai yukuwaika sip mangkbia apia.

Lawana Nani 46:4

Awala kum ba Dawan tawanka ba lilia daukisa baha Laih Purara iwi tawanka kau sunukira ba.

Lawana Nani 72:8

Kabu kum wina, kabu wala kat, bara Éufrates wina, tasba paski takaskan ba kat purara ai karnika bribia.

Aiseya 10:16

Baha baku, Dawan karnika sut bri ba mita wîna karnakira nani ba karnika âpu dauki swibia, rihka ba pauta klauhi baha wîna ba ami kaia.

Aiseya 10:5

“¡Asiria kingka ba! Witin ba sika, yang dus kum baku yus munisna kupi baiwi piua ra, witin ni klala yabisna, lawisna ba ra.

Aiseya 11:15

Dawan mita Kabu Pauni bâk yabal kum kwâkbia Éufrates awalka ra ai mihta sakbia bara yaka pâsa saura kum krawbia, bara yabal 7 kilwan kabia, bara sip kabia ai sûska daikras lui waia.

Aiseya 28:15

Man nani lika naku aisisma: “Yang nani prura wal lâ daukri, prura kingka tasbaya wal sin lâ daukri sari lâka klalka balbia ba ra, yang nani ra ai alkbia apia; kumi lâka ra yukuwaia plikisni, kunin ai muni bara yukuwaiki daukri.”

Aiseya 28:17

Baha watla mâkaia lâka ba ni kulki kaikaia kiwka daukamni, watla mâkaia ba wapni mâkaia sakaia dukiara.” Kunin aisaia lâka ra, man nani yukuwaika wantka briram ba baha slingbamni, lî klaswan awi ba bara lî aubra mita yukuwaika watla ba aubi brih wabia.

Aiseya 28:2

Kaiks Dawan nâra brisa, waitna kum karna pali, pâsa baku karnika brisa, lî diara sauhkaia auhi ba baku, kauhla pâsa krawi ba baku karna sa, lisamra dingkaia laya auhi ba baku sa, lisamra tara aubrika karna platukbi ba baku sa karnika ba wal tasba ba sauhkisa.

Aiseya 43:2

Man lî nani bâk lui wama ba ra, yang sin man wal bâra kamna, bara awala nani luma kaka, lî dih pruma apia. Pauta klauhan lama bâk luma sin, mai angkbia apia, pauta lakni ba sin mai ambia apia.

Aiseya 59:19

Tasba aiska ra, lalma wina muna kat, Dawan ra kulkanka yabia, ai kingka tara kaikbia ba ra, kan witin balbia sim lî aubra kum lisamra dingkan baku pâsa karnikira kum mita plis wala ra lakan kabia.

Aiseya 7:17

“Dawan mita daukbia man puramra balaia, uplikam nani purara, bara aisikam watla purara sin, Efraín, Juda wina dakwi takan yua sâtka nani takan ba baku ba.” (Naha sika Asiria kingka dukiara aisisa.)

Aiseya 7:20

Baha yua ra, Dawan Asiria kingka ba alki bribia, Éufrates awala baila wala ra risar ayar munan baku, bara Israel luhpia nani tâwa, krusam tamaya nani, bara tamaya bâra pîska wala nani sut ba, kusbi sâkbia.

Jirimaya 47:2

“Yang Dawan sna ba, naku wisni: Yahbra wina lisamra tara kum aula, awala purak laiwi ba baku; tasbaya aiska ra diara bâra ba sut lî dingkbia, tawan tara nani ba, bahara iwi nani ba sut, kuntri ra upla nani ba wini banhwisa, witin nani latwan bri alai inisa.

Jirimaya 51:42

Kabu laya Babilon ra ulan, ripka tara nani mita pura bikan.

Isikiel 26:19

“Kan yang, Dawan, baku aisisna: Yang mai sauhki mai swiaisna, tawan kum upla kumi iwras ba baku. Daukaisna kabu laya tihuka ba puramra prakaia,

Daniel 11:10

‘Sakuna yahbra tani kingka luhpia nani ba, war aiklabia bubia, bara aiklaklabra daknika tâ kum sin asla daukbia. Witin nani ai tila wina kumi waupasa tani ra aiklabaia pura lubia, bara sauhki tikbia lisamra dingki sauhki bal baku; ningkara kli balbia bara waupasa tani kingka kan kahbaika pliska ba sin dakbi bribia.

Daniel 11:22

Ai karnika dîa bri ba sut lika âpu daukan kabia, baha purkara wal lâ daukan lalka ba ikan kabia.

Daniel 9:26

Wik 62 lubia ningkara, wan wihtka yamni muni mangkan matawalsip ba ikan kabia, Jerusalem bara Gâd watla ba sauhki tikan kabia, king kum balaia uplika nani bui pat pali piua tnata ba aimakbia, lisamra tara aula ba baku, sakuna war ba lika ban aiklabi kabia, sauhki tikaia lâka ba sin, ban tnata alkbia ba kat.

Emus 8:8

¿Baha daukram ba tâka mita, tasba na tatatwan kabia apia ki? ¿Upla nani tasba purara iwi ba sut sin inbia apia ki? ¡Idsip ra Nilo awala lisamra tara uli kli rahwi ba baku, tasba na uli, lahwi kabia!

Emus 9:5

Dawan karnika sut pali bri ba, tasba na ai mihta ni kangbia bara slilwi kabia, upla nani bahara iwi ba sin ini banhwi kabia. Nilo awala lisamra tara suni kli rahwi ba baku, tasba na lisamra tara suni kli rahwi kabia.

Miqueas 1:9

Sameria wîna ba rakaia piua pât luan sa, Juda ra sin baha sikniska pat alkan sa; Jerusalem kat prukan sa, baha tawanka ra yang upliki nani iwi ba.

Miqueas 5:4

King ba tawan tâ briaia buan kabia, Dawan ai Gâdka king tara karnika bri ba wal, bara witin nani pri lâka ra iwan kabia, kan Dawan ba tara pâwan kabia tasba aiska ra.

Miqueas 5:5

Naha kingka sika, kupia kumi lâka ba dauki wankbia. Asiria uplika nani ba bal, wan tasbaya kutbi bribia, bara lâ watla tara nani ba ra dimbia taim, yawan bui witin nani mapara wihta nani 7 bara waitna karnakira nani 8 yawan bui blîkbia.

Nahum 1:8

Sakuna, witin ai mapara nani ra, lisamra tara suni diara sut aubi brih wi ba baku sauhki tikisa. Ai waihla nani ra tihmu tara ba mita bliki alkan kabia.

Luk 6:48

baha ba lika waitna kumi ai watla mâkan baku sa, witinka ai watla playa ba kasak pakni salhkan bara walpa purara bapan. Lisamra ba dingkan, lî ba baha watla ra karna prukan, sakuna sip batakras kan, ai watla playa ba walpa ra kasak bapan kata bamna.

Param Marikanka 17:15

Insal ba sin ai wisata: “Lî nani kaikram ba, baha nani purara mairin rugkira iwi ba lika upla nani atia, kwâra nani, bîla sât sât aisi nani, bara nisan sâtka nani sin.