Aiseya 8:21 - DAWAN BÎLA AISKA

²¹ Witin nani tasba kum wina tasba wala ra taiban lâka ra taki wabia, plun dauki kabia; plun dauki ba mita, ai kupia baiki kabia. Ai kingka ra, ai gâdka ra sin lahtubia. Witin ai mawan na purara tawi kaikbia

Aiseya 8:21 ပူးပေါင်းရင်းမြစ်များ

2 King Nani 25:3

Naha manka bilara yua 9 pura kati walhwal ra diman piua ra, naha tasbaya ra plun âpu takan, tawanka nani aiska sut ra sin.

2 King Nani 6:33

Bara kau witin baha nani wal aisi kan ba ra, baha sturi twatwilkra Ilaidsa ra balan bara win: —Kasak pali baha Dawan lawanka ba aula bika, ¿dîa kau yang bui witin wina bîla kaikaia sna ki?

Job 1:11

Sakuna diara nani sut bri ba ai mihta wina daks, bara man kaikma nahki mamwan kat saura mai wibia ba.

Job 18:12

Plun wahwan ba mita ai karnika ba âpu taki ba, pât wahwan lâka ba witin ai purara kauhaia ba ban sa.

Job 2:5

Sakuna uplika pali wîna ba kat kangbi kaiks, nahki man kaiki kaprika saura aisabia ba.

Job 2:9

Sakuna ai maya witin ra win: —¿Man kau ban wilin sma, tânka yamni ba alki kaia? ¡Dawan mapara saura aisi si, mahka prus!

Impakan Sturka 22:28

“Gâd mapara aisi kupia baiwaia lâka ra tuskpara, bara tasbayam ra pura wihta aimaki ba mapara sin lahtubi saura wipara.

Sins Lâka 19:3

Upla ai taniska lâka ba mita ai yabalka inipis ra lakisa; bara witin ai kupia ba Dawan mapara lawan baman sa.

Aiseya 14:30

Umpira nani ba naisla ra ai daiwra nani ba twi dakakan kabia, diara luha nani ba ai âuyapah prawi kabia; sakuna yang mita yabrika man uplikam nani ba plun wahwi prubia, bara man uplikam nani kau takaskan ba sin ikamni.

Aiseya 51:19

Naha saurka wâl na puramra balan sa: man kuntrikam sauhki tikan ba bara impliki âpu daukan, bara man uplikam nani prui tiwan plun bla, war takan mita. ¿Ya man ra umpira mai kaikbia? ¿Ya man ra maisam nihkbia?

Aiseya 59:9

Baha mita sika swak takan lâka ba yawan wina kitwi takan ba, bara pri lâka ba wan lamara balras sa; yawan ingni briaia bîla kaiki kan, sakuna kaiks tihmia tara baman sa; ingni briaia wisi bîla kaiki kan, bara yawan tihmia ra wataukisa.

Aiseya 65:13

Baha mita, Dawan ba naku aisin: “Kaiks yang duki dadaukra bri kabia ai pata piaia, sakuna man nani lika plun wauhma; witin nani bri kabia dîa diaia, sakuna man nani lika diran mai dauki kabia; witin nani ai lilia takbia, sakuna man nani lika swira lâka ra takaskma.

Aiseya 9:21

Manasés mita Efraín ra sauhki tikisa, Efraín mita Manasés ra, bara wâlsut Juda mapara buisa. Ban sakuna baha sut ba mita Dawan kupia baiwanka ba takaskbia apia, ai mihta bukan ba ban sa.

Jirimaya 14:18

Yabal ra taki auna ba ra, war ra upla pruan ba kaikisna; tawan ra bal dimuna ba ra, upla nani sanglang mita pruan nani ba kaikisna. Prapit nani bara prîs nani ba sin kaikisna witin nani kakaira apia ba kuntrika ra auya.’ ”

Jirimaya 52:6

Baha manka ra kati walhwal, yua 9 aimakan ba kat tawan ba plun âpu takan, upla nani plun piaia âpu kan.

1 Samuil 8:18

Baha yua ra kupiam kriwan takbia, man nani kupiam lâka kat kingkam mangki briram ba dukiara, sakuna Dawan lika man nani ra mai walbia apia.