Aiseya 8:16 - DAWAN BÎLA AISKA

¹⁶ Naha bîla blikan na man nani pain wals; naha bîla nani mai wisna na, upla wala ra aisapara, yang mai smalkisna bîla nani ba.

Aiseya 8:16 ပူးပေါင်းရင်းမြစ်များ

2 King Nani 11:12

Bara Joiadá king luhpia waitna ba sakan, bara kraun ba lal mangkan, bara king sainka ba sin mangkan, bara batana laya ba laiki muni king mangkan. Bara upla sut ai mihta pruki winan: “¡King ba raya sa!”

Lawana Nani 25:14

Dawan bui witin ra luki mayuni uplika nani ba, ai pânika pali kulkisa; witin ai lâka daukan ba marikisa.

Aiseya 50:4

Dawan mita ai smalkan swapan nani ba yang mita maisa nihkaia, tasapaia bîla nani aisi. Titan bani lukanki ra ai munisa witin aisi ba pain wali kaia, swapni bani kira baku walaia dukiara.

Aiseya 54:13

Bara luhpiam nani sut ba, Dawan mita ai bîla ba smalkbia; bara witin nani sut pâwanka tara pali bribia.

Aiseya 8:20

dîa daukaia bara dîa aisaia bîla kum wan wibia ba walaia?” Âu, witin nani baku aisabia sika, sakuna tanis lâka kabia.

Daniel 12:4

‘Sakuna, man Daniel, naha wauhkataya diara nani na yukuki bara sîl mangks, piua balbia ba kat. Upla ailal lika nahara bukra tauki kabia, ai sinska lâka kau briaia wisi.’

Daniel 9:24

‘Wik nani 70 ba, man uplikam nani bara tawankam holikira ba purak luaia sa, watawika lâka bara saurka lâka wal ba tnata alkan kabia dukiara, saurka ban swin tikaia lâka ba alkaia, bara kasakka lâka ba ban kaia ra bapan kaia, baku mika diara aihka kaikan lâka bara dahra aisinka ba sut tnata alkan kabia dukiara.

Matiu 13:11

Witin bila: “Man nani ra lika Gâd mita kasbrika purara ba Kingka Lâka dahra yukukan nani ba param mamrikisa; sakuna witin nani ra lika apia.

Mark 10:10

Witin nani utla bilara kan ba ra, disaipil nani kli baha dukiara makabi walan.

Mark 4:34

Maprika lilka âpu ni Jisas diara kum sin smalkras kan, sakuna ai disaipilka nani ra sut tânka ba smalkan.

1 Korint 2:14

Spirit âpu uplika ba, Gâd Spiritka prisantka nani ba sip briras sa, kan witin mapa ra baha dukia nani sins âpu baku atia sa. Witin sin sip tânka briras, baha tânka nani ba Spirit ni tânka pliki kaikaia sa bamna.

Kli Smalkanka 4:45

bara ai lâka bîla nani kan smalkan ba, Idsip wina takan piua ra,

Hibru Nani 3:5

Baku bamna, Moses lika napakan kum baku Gâd watla aiska ra kasak kan; ai warkka ba lika, diara nani Gâd naika aisaia kan ba, witin sin aisaia kan.

Param Marikanka 10:4

Alwani 7 ba aisi kan ningkara, yang mahka ulbaia kapri; sakuna kasbrika purara ba wina bîla baikra kum ai aisan walri: “Alwani 7 diara nani aisan ba, pain yukuki bris; baha nani ba ulpara.”

Param Marikanka 19:10

Yang insal ba mina kat kauhri, puri suni mayunaia wîri, sakuna witin mita ai win: “Man baku daukpara; kan yang na Gâd dukia dadaukra kum sna, sim man bara muihkam nani baku, Jisas sturka yamni kat kasak lukisma ba baku. Gâd ra puram suni mayuns.” Kan Gâd prapitka nani ba lika, Jisas sturka yamni witniska nani sika.

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’

Param Marikanka 5:1

King iwaika ra iwi ba mihta aihkika ra wauhtaya karban kum bri kan kaikri, bara baha bîla tani ra bara lata tani ra sin ulban kan, bara sîl 7 ni prakan kata.

Param Marikanka 5:5

Bara almuk nani ba wina kum mita ai win: “Kau inpara. Kaiks Juda taika Layanka ba, witinka king Debit kiamka ba, baha ba pura luan sa, bara sip sa sîl 7 ba kriki wauhkataya ba kwâkaia.”