Aiseya 8:11 - DAWAN BÎLA AISKA

¹¹ Dawan ai karnika ra dutki ai alki bara ai win, naha uplika nani yabalka bâk wapamna apia. Sakuna ai win:

Aiseya 8:11 ပူးပေါင်းရင်းမြစ်များ

1 King Nani 18:46

Bara Dawan Ilayas ra karnika yan, witin ai maisa pain wilki Ahab kainara plapi Jezreel ra wan.

Lawana Nani 32:8

Dawan ba naku aisisa: “Man kat yang mai kaikisni. Yang mai smalki mai wimna, yabal ba mamrikamna man anik waia sma ba.

Sins Lâka 1:15

¡Sakuna man lika witin nani wal wapara, luhpi waitna! Laihura taks ai yabalka saura nani ba wina,

Aiseya 30:1

Dawan kasak aisisa: “¡Alai pali kabia baha luhpa nani maipara babura nani ba diara dukaia kulki bara ai tilara ai briras ba ai warkka daukaia lâka dauki ba yang bui witin nani daukaia wiras sna, warkka nani ba daukisa, bahamna saurka kum purara saurka wala prakisa!

Jirimaya 15:19

Bara Dawan pana yang ra aisin: “Man ba yang ra tawi balma kaka, yang sin kli tawi mai brimna bara man lika yang warkki daukma. Aisaia baman luki ban aisisma ba aisaras sakuna yamni kaia ba baman aisama kaka, bâra mika yang aisisna ba aisi uplika ba sika man kama. Witin nani sika man ra balaia sa, sakuna man apia sika witin nani ra waia sma ba.

Jirimaya 20:7

Dawan, man kunin ai munram, bara yang sin kunin ai munan takri; man kau karna sma, bara puri luram. Piu sut upla ai kaiki kikaia dukia kum takri; upla sut yang laiwaska kikisa.

Jirimaya 20:9

Yang naku wimna: “Yang Dawan ra kau luki kamna apia, witin ai nina bri yang kli aisamna apia”, bara man aisinkam nani ba biaira bilara ai angkisa pauta klauhan baku, ai sauhkisa dusi nani kat. Bapi buaia trai munisna, sakuna sip apia.

Isikiel 3:14

Gâd karnika ba ai bukan bara baha wina ai sakan, bara yang sari bara kupi kriwan takan, kan bâra Dawan ai mihta karnika wal ai alki kan.

Apastil Nani Sturka 4:20

Bamna yang nani sip apia, diara nani kaikri ba bara walri ba sin aisaras kaia.