Aiseya 7:21 - DAWAN BÎLA AISKA

²¹ Naha piua ra, ya bîp mairin kum bara sîp mairin wâl pakbia kaka,

Aiseya 7:21 ပူးပေါင်းရင်းမြစ်များ

Aiseya 14:30

Umpira nani ba naisla ra ai daiwra nani ba twi dakakan kabia, diara luha nani ba ai âuyapah prawi kabia; sakuna yang mita yabrika man uplikam nani ba plun wahwi prubia, bara man uplikam nani kau takaskan ba sin ikamni.

Aiseya 17:2

Tawanka tara ba lulki swin ban kabia, sîp nani prawaika takbia; witin nani bâra yapi kabia, ya witin nani ra sakaia, sirang ikaia sin âpu kabia.

Aiseya 27:10

Tawan tara karnakira nani ba bîla man swin kabia, utla kum upla dimras watla ba baku, upla âpu baku bîla man kabia. Bîp lupia nani ba bahara twi pi kabia, bahara bawi wakabi kabia, tnawa nani ba sin sut kriki âpu daukbia.

Aiseya 35:1

Upla iwras tasbaya ba, lilia taks, tasba lâwan nani yakan swin kan ba lilia takbia, lapta tasbaya ba sin lilia bribia, tangni baku tangnika baiwbia.

Aiseya 37:30

Bara Aiseya, Ezequías wal ra win: “Naha ba sain kum takaia kabia: Naha mani na bara mani wala ba wal plawar mâ nani ban wina pâwbia, bara baha wina man pima, bara mani yumhpika ba lika mangki dâkma, bara wain nani sin mangki saki, baha wina mâ nani pima.

Aiseya 5:17

¡Tawan tara nani ba sauhkan kabia; sîp nani, guts nani ba baha langnika bilara twi pi kabia!

Aiseya 7:25

Asang ra insla nani, hu ni tukbi mangki kan ba, upla bahara wabia apia kiaya, rahra nani pâwan ba mita; bîp bara sîp nani piaika pliska takan sa.

Jirimaya 39:10

Juda ra swin ba lika upla kau umpira nani kan ba baman, witin nani diara âpu kan ba; wain nasla nani ba insla daukaia tasbaya nani ba, baha nani ra yan.