Aiseya 7:16 - DAWAN BÎLA AISKA

¹⁶ Sakuna kau tukta ba ai tânka pain briras ba ra, baha kuntrika king wâl bri ba, sirang mai iki ba lulki swin kabia.

Aiseya 7:16 ပူးပေါင်းရင်းမြစ်များ

2 King Nani 16:9

Baku Asiria kingka ra tâ baikan, bara Asiria kingka ba balan bara Damaskus ba dakbi brin, baha ningkara bahara iwi nani kan uplika nani ba sut Quir ra alba lâka ra brih wan, bara Resín ba sin ikan.

Aiseya 8:14

Bara witin ba man nani minam alkaika baku kabia; baha walpaya ra sika man nani minam prukma, baha mita Israel kingka tasbaya wâl ba batakbia; wan mina alkaika baku kabia, Jerusalem uplika nani baha kiwka ra mina alki kauhbia.

Aiseya 8:4

Tukta ba kau ‘papiki’, ‘mamiki’ aisaras ba ra, Damaskus, Sameria wal dukia kukanka nani sut ba, Asiria kingka mita dakbi brih wan kabia.”

Aiseya 9:11

Bamna Dawan mita daukan waihla saura sibrinkira nani ba witin nani mapara balaia; Dawan mita blikan witin mapara waia aiklabaia.

Jirimaya 7:15

Man nani ra sin yang maiwan wina mai kangbi mai sakamna, muihkam nani Efraín kiamka nani ra pat kangbi sakri ba baku.’

Oseas 5:3

Efraín ba yang kakaira sna; Israel ba kau kakairiki pali sa, Efraín urkira takan; Israel lika tâski takan.”

Oseas 5:9

Yang bui Israel kiamka tilara maisa pakisna baha diara nani bal takaia ba, kasak pali baku takbia: klala yamna yua ra, Efraín ba âpu daukan kabia.

Jona 4:11

Bamna yang kau pali Ninibi dukiara kupi swapni takaia sa, baha tawanka tara ra 120,000 upla nani tuktan baku ai tânka briras banhwi ba bâra sa, daiwan sin ailal pali sa.

Kli Smalkanka 1:39

Âu, man nani baku kasak lukram, waihlam nani ba mita luhpiam nani yaptika aikuki iki tikbia; baha tuktika nani ai tânka briras nani ba baha nani tasbaya ra dimbia ba witin nani ra ai tasbaya briaia yabamna.