Aiseya 7:14 - DAWAN BÎLA AISKA

¹⁴ Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Aiseya 7:14 ပူးပေါင်းရင်းမြစ်များ

Blasi Sturka 16:11

Man sin nanara kwihra sma bara luhpiam waitna kum brima, bara witin ai nina ba man Ismael mâkma, kan man inankam ba Dawan walan bamna.

Blasi Sturka 29:32

Lea kwihra tiwan bara ai luhpia waitna kum baikan, bara ai nina ba Ruben mâkan, kan witin naku win: “Yang sari bri kapri ba Dawan ai kaikan; bamna nanara mayi latwan ai kaikbia.”

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Blasi Sturka 30:6

Bara Raquel aisin: “Yang puri sunra ba Gâd walan, bara lâ wapni yang wal daukan, luhpi waitna kum aikan.” Bamna ai nina ba Dan mâkamna.

Blasi Sturka 30:8

bara Raquel win: “Naha tukta na nina Neftalí mâkan kabia, kan yang muihki wal blahwi karna aitwaki pura luri bamna.”

Blasi Sturka 4:25

Bara Adam kli ai maya ba tânka kaikan bara witin ai luhpia waitna kum baikan, bara ai nina Set mâkata. Kan yaptika aisin: “Gâd wina luhpi waitna wala aikan Abel watlika ra, Ken mita witin ra ikata ba.”

1 King Nani 13:3

Bara baha sim yua, prapit ba sain diara aihka kum daukan, bara win: “Naha sika sain aihka daukaia Dawan maisa pakan ba, bara altar ba kriki yuya baman daukan kabia bara yamhpuska purara ba aihka aihka sakan kabia.”

Lawana Nani 46:8

Man nani bal kaiks, Dawan nahki pali diara aihkakira daukan na naha tasba ra.

Aiseya 38:7

Bara Aiseya pana win: —Naha na man ra sain kum kabia, naha na Dawan daukbia witin aisin ba baku:

Aiseya 8:10

Daukaia luki ba lilka dauks, kan baha ba sauhki tikan kabia; dîa lâka upla wala ra kabia want ba kat daukbia apia, kan Gâd ba yawan nani wal sa bamna.

Aiseya 8:8

lisamra ba Juda purak aubi kabia nana kat. Tnawira ai tnawa nani ilingki ba baku kabia, tasbayam ba, Imaniuel mita, kutbi bribia.”

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Jirimaya 23:6

Witin king aimaki kabia ba piua ra Juda ba pri sakan kabia, Israel sin pri sakan iwi kabia. Bara nina ba witin nani naku mâki kabia: ‘Dawan ba mita sika yawan ra pura lui wanki ba.’ ”

Jirimaya 31:22

¿Ahkia kat tnaya kum wina wala ra waia luhpia mairin kum tiwan baku? Yang, Dawan ba, diara raya daukri naha tasba ra: mairin kum waitna kum ra triswi ba baku.”

Jirimaya 44:29

Yang, Dawan, man nani ra naha tukinka maikamna, man nani bui yang ra ai munaia baku aisaram baha baku takbia, naha kuntrika ra yang bui man nani klala maikamna:

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Luk 1:31

Man kwihra tiwma, bara luhpa waitna kumi brima, ai nina Jisas mâkma.

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 2:12

Tukta ba sakaia naha na man nani ra sain baku kabia: witin ba sâkma kwala ra karban bara bîp pata watla ra tnikan.”

Luk 20:44

¿Bamna, nahki Kraist ba Debit kiamka kabia ki, Debit pali mita witin ra Dawan mâkisa kaka?

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Roman 9:5

Ju nani sut ba lika pas wan damika nani kata ba kiamka nani sa; bara ai kiamka bâk, wan wîna lâka ba kat Kraist balan, witinka diara sut Gâdka ba, bamna mayunan kabia ban kaia ra. Baku kabia.

1 Timoti 3:16

Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

Wihta Nani 6:36

Bara Gedeón bui Dawan ra makaban: “Dawan, yang ra ai wiram ba baku, kasak pali man bui yang mihti ra Israel luhpia nani ba swaki sakaia buram sa kaka,

1 Samuil 1:20

Bara baku Ana kwihra tiwan, piua aimakan kat ai luhpia waitna kum brin, bara nina ba Samuil mâkata, kan witin mita Dawan ra makaban kata.

1 Samuil 4:21

Bara tuktika nina ba Icabod mâkan, baha tânka wiaia: “Nanara Israel ra yamni kulkan lâka ba âpu sa, Gâd lâ auhbaika watla ba dakbi brih wan ba mita.” Aisubanka ba natka bâk aisi marikisa, Gâd lâ auhbaika watla ba dakbi brin bara ai dapna bara ai maya sin pruan ba.