Aiseya 7:12 - DAWAN BÎLA AISKA

¹² Bara Ahaz pana win: “Sain kum kaikaia makabamna apia, Dawan ra traika kaikamna apia.”

Aiseya 7:12 ပူးပေါင်းရင်းမြစ်များ

2 King Nani 16:15

Baha ningkara prîs Urías adar yaban altar tara ba ra titan yu aiska angkbia wîna ba, bara tutni ra lika barli mâ nani ba angkbia, bara aiska angkaia barlika mâ nani ba king ra yabaia prisantka kabia, bara aiska angkaia barli mâ, wain ba, upla sut dukiara angkbia. Bara sin win altar ba purara tala ni srikbia aiska angkaia sakripaiska ba, ban sakuna bras altarka ba lika Dawan ra pas makabi wali daukbia.

2 Kronikas 28:22

Bara pât tilara kan sakuna, witin Dawan ra tniwras kata. ¡King Ahaz ba baku kan!

Aiseya 7:11

“Dawan Gâdkam ra makas sain kum dauki mamrikaia, baha ba man ra tukin kum kaia, tihuka kau tihu ba wina, apia kaka kasbrika purara ba wih kau purara ba wina.”

Aiseya 7:13

Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

Isikiel 33:31

Baku bamna, upliki ba aula Dawan lamara, bara bal iwbia, ai natka ba baku, bîlam ba walaia. Kuna walan daukras. Kli kli aisisa latwan lâka lawana ba baku, kuna ai kupia ba lika lalah ninara auya sa.

Malaquía 3:15

Yawan nani kaikan aimayunra nani ba lilia sa, diara watawi nani ba wina, witin nani ra yamni baman takisa; witin nani mita Dawan traika kaikisa, sakuna klala kumi sin briras.’ ”

Apastil Nani Sturka 5:9

Pita bila: —¿Dîa kan man mayam wal lâmka dauki Dawan Spiritka ra traika kaikisma? Kaiks, mayam bri si bikan wahmika nani ba lata wina dimi aula, bara man sin mai brih taki wabia.

1 Korint 10:9

Yawan sin Kraist ra traika kaikaia apia sa, wan damika tila nani daukan ba baku, baha nani ra piuta mita sami iki âpu daukan.

Kli Smalkanka 6:16

“Dawan Gâdkam traika kaikpara, Masá ra daukram ba baku.