Aiseya 66:24 - DAWAN BÎLA AISKA

²⁴ “Witin nani balbia bara kaikbia upla pruan nani ba baha nani maipara buan ba. Liwa nani baha nani ra pi ba sip pruras ban kabia, pauta klauhan witin nani ra angki ba sin daskbia apia. ¡Baha ba diara saura pali kabia upla sut mapara!”

Aiseya 66:24 ပူးပေါင်းရင်းမြစ်များ

Lawana Nani 110:6

witin nisan nani mapara lâka daukbia; upla pruan nani wîna ba paski swibia; ¡tasba bani ra upla lal nani ba yaka pana pana prukbia!

Aiseya 1:28

sakuna mapara babura nani saurakira nani lika kriki yuya lupia baku daukamna, ai briras ai swin nani ba lika prui tiwbia.

Aiseya 1:31

Karnakira ba, twi lâwan baku takbia, ai daukanka nani ba sin biulwaia dukia kabia, bara wâlsut ambia, baha daskaia sin upla âpu kabia.”

Aiseya 14:11

Naha kat prautkam lâka ba takaskan bara miusikkam, gitar tara binka ba sin. Man krikrikam ba uba umpira pali sa, man munhtampala ba, liwa nani sa.’

Aiseya 24:20

Tasba ba upla bla kum parwi baku nikban kabia, mani watla lupia baku yahbi kabia. Saurka wirhika mita kau wirha taibi kabia bara kauhbia, baha kli sip bubia apia.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 34:10

Tihmia ra, kakna ra sin baha dasbia apia. Ban kaia ra ai kiasmika ba uli kabia. Kiamka kum wina ban kiamka wala nani sut piua ra baku lulki swin kabia, upla kumi sin kli bahak lui wabia apia ban kaia ra.

Aiseya 34:3

Bara witin nani ai pruanka nani ba lulki swin kabia, bara ai wîna tara nani ba bisbaya bukbia; bara il nani bâk witin nani ai tâlia ba awala baku aubi kabia.

Aiseya 48:22

Saurakira nani ba dukiara kupia kumi lâka ba âpu sa. Dawan baku aisin.

Aiseya 5:25

Baha ba tâwan, Dawan kupia baiwanka ba ai uplika nani mapara sakan bara witin nani mapara ai mihta sakban bara klala yan. Il nani ba tatatban, ai pruanka nani ba dipasta baku yabal lila kat lulki swin. Sakuna baha sut ba mita, ai kupia baiwanka kau takaskras kan; ai mihta ba kau ban sakbi brisa.

Aiseya 51:8

kan witin nani ba kwala yula mita pi ba pibia, linin kwalka ba liwa mita pi ba baku. Sakuna yang pura luisna lâka ba lika lui wabia apia ban kaia ra, bara swaki sakangki lâka ba sin bâra ban kabia.”

Aiseya 65:15

Bara man nani ninam ba mâki, yang upliki nani ba upla wala nani ra lahtubi kabia, bara Dawan mita ai dukia dadaukra nani ra nina wala ni mâki kabia.

Aiseya 66:16

Âu, Dawan ba pauta klauhan ni lâ kasak daukaisa, sordka ba ni tasba aiska lâka aisi daukbia; upla manis sin yaka prubia.

Daniel 12:2

Raiti ra yapi banhwi ba ailal pali kli buan kabia: manis raya ban kaia lâka ba bribia, bara wala nani ra lika swira lâka bara pât ban kaia ra takbia.

Sakaraya 14:12

Sakuna Jerusalem mapara aiklaban ba nisanka nani mapara, Dawan mita klala karna pali yabia: uplika nani kau raya tauki bara wîna ba pat sukwi kabia; nakra nani ba sin sukwi kabia, twisa ba sin bîla kat sukwi lubia.

Matiu 3:12

Witin ai mihta ra singbaia dukia pat ridi brisa, bamna plawar mâ ba klin dauki, taya ba sait ra sâkbia. Plawar mâ ba ai pata watla ra auhbia, sakuna taya ba pauta kum ban kaia ra dasras ba ra angkan kabia.”

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”