Aiseya 66:23 - DAWAN BÎLA AISKA

²³ Bara kati raya yua ra bani, wik bani wan ris yua ba, upla nani sut balbia ai pura sunaia yang maiwanra. Yang, Dawan, yang aisari.

Aiseya 66:23 ပူးပေါင်းရင်းမြစ်များ

2 King Nani 4:23

—¿Dîa muni naiwa witin ra kaikaia auma? —maya waitna makabi walan—. Naiwa sika kati raya apia, ris yua sin apia. —Baha lukpara —mairin ba win.

Lawana Nani 22:28

Kan Dawan sika king, bara witin sika nisan nani purara karnika alki ba.

Lawana Nani 65:2

Bamna pura sunra ba walisma. Tasba aiska ba man ra aula.

Lawana Nani 65:3

Wan watawanka nani ba mita, taibi wan munisa; sakuna man wan saurka nani ba ban swih tikisma.

Lawana Nani 86:9

Man Dawan, man bui sika nisan nani sut asla paskram ba, bara witin nani ba balbia, man ninam mayunaia.

Aiseya 19:21

Idsip uplika nani ra Dawan ba param takbia bara witin nani bui kakaira takbia, prisantka nani sin daukbia; witin nani sin pramis daukbia Dawan ra bara dîa daukaia wibia ba kat sin daukbia.

Aiseya 19:23

Baha piua ra yabal tara, param kabia Idsip wina Asiria ra waia ba kat. Bara Asiria uplika nani Idsip ra wabia, bara Idsip uplika nani sin Asiria ra balbia; baku Idsip uplika nani, Asiria uplika nani aikuki Dawan warkka daukbia.

Aiseya 2:2

Mani nani kau lui wabia ba ningkara, Dawan ra pura sunaia watla ilka ba lika, tara pali kabia. Il wala nani sut wal kau purara kabia, bara upla sâtka nani sut bahara aidrubi banhwi kabia;

Aiseya 27:13

Baha yua ra sin trumpit binka tara puhbi kabia, baha nani Asiria tasbaya ra yakaban nani ba balbia, tasbaya wina kangban Idsip ra wan nani ba sin, bara witin nani Dawan ra mayunbia, Jerusalem ra baha il holikira sa purara.

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Isikiel 20:40

Israel luhpia nani sut ba maiyunbia ilki holikira ra, baha ilka Israel dukiara purara bukan ba, yang kuntriki ra bâra ba. Yang, Dawan, kasak aisisna. Bahara liliakira mai brimni; bahara makabamna prisant nani aikaia, bara brih balaia wimna dusam mâ tawahkia nani dakbi ba bara dîa dîa yang duki aikaia aihka sâkma ba.

Isikiel 45:17

bara witin wîna aiska angkaia sakripaiska daiwra ba yabia, plun sâtka nani, bara wain kati raya taki ba ra, ris yua nani ra baha prisantka nani ba yabaia, Israel lilia dauki yua nani ba. Baha yua nani sin saurka swi tikaia sakripaiska nani daukaia mâ sâtka prisantka bri balaia, daiwan aiska angkaia sakripaiska bara kli wal uplika takaia sakripaiska sin, Israel luhpia nani pâtka ban swi tikaia dukiara daukaia.

Isikiel 46:1

“Yang Dawan sna ba, aisisni: Kutbanka painkira latka bîla lalma tani ra durka ba prakan kaia sa, yua matlalkahbi wark taki ra; bara ris yua ra bara kati raya yua ra.

Isikiel 46:6

Kati raya ra bîp sirpi kum, sîp luhpia matlalkahbi bara sîp wainhka kumi sin ai wîna aiska watawan âpu ba.

Sakaraya 14:14

Baha Juda uplika nani sin Jerusalem ra aiklabia, bara ai lamara iwi nisanka nani tasbaya wina dukia kukanka nani ba mihta dakbi bribia, silbar, gul bara kwala sin.

Sakaraya 14:16

Baha taki lubia ba ningkara, Jerusalem mapara aiklaban uplika nani pruras raya kau swin kabia nani bani Jerusalem ra wabia King, karnika sut bri ba Dawanka ra mayunaia bara Utla Papakni liliaka ba sin dauki kaia.

Sakaraya 14:18

Idsip uplika nani waras kabia kaka, Dawan mita witin nani ra klala yabia, baku natka ra ani nisanka wala nani sin Utla Papakni liliaka daukaia waras kabia nani ba sin klala yabia.

Sakaraya 14:19

Baha klalka ba Idsip uplika nani ra, nisan wala nani ra sin prukan kabia, Utla Papakni liliaka daukaia witin nani waras kabia ba ra.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Jan 4:23

Piua ba aula, bara baha ba nanara pali sika, bara Aisa ra ai pura suni mayuni banhwi ba lika, ai pura suni mayunbia kasak tânka ra bara Spirit ra sin. Aisa ba baku brin daukisa, witin ra ai pura suni mayuni banhwi ba baku daukbia.

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”