Aiseya 65:7 - DAWAN BÎLA AISKA

⁷ Witin nani lâ krikanka nani daukan ba aisika nani sin daukan ba baku. Kîa pain angki kan il nani purara, kiuhsi nani purara swiri dauki kan. Witin nani dîa daukan ba pas kulki kaikamna, witin nani dîa briaia aitani ba yabamna.” Baha Dawan aisin.

Aiseya 65:7 ပူးပေါင်းရင်းမြစ်များ

1 King Nani 22:43

Bara witin ai aisika Asá yabalka nani sut ra tauki kan, tnaya ra sin tawras pali. Dawan nakra nani ra diara yamni baman dauki kan. Baha sut purkara, gâd bahki watla nani bara sakripais dauki kan upla nani bahara aidul ba sakras kan, bâra kîa yamni angki kan.

1 King Nani 22:44

Bara Josafat lika Israel kingka wal kupia kumi daukan.

2 King Nani 12:3

Ban sakuna, baha pliska nani ra daiwan iki angkaia watlika idan nani bri kan ba lika sakras kan, upla nani ba kau ban daiwan iki angki yabi kan, ba purkara sin dus mâka kîa nani ba sin ban angki yabi kan baha pliska nani ra.

2 King Nani 14:4

Diara yamni baman daukan sakuna, idan nani gâdka ra pura sunaia watla mâkan kan ba lika sakras kan, bara upla nani ba ban baha nina bliki ban daiwan iki baha ra sakripais bara kîa yamni ba angki kan.

2 King Nani 15:35

kan diara yamni baman daukan, Dawan tempelka dimaika nani kan ba sut paskan. Ban sakuna, pura sunaia pliska wisi idan nani paskan kan ba sakras swin kan, bahara upla nani ba ban sakripais nani bara kîa yamni nani angki yabi kan.

2 King Nani 16:4

Baha purkara sin sakripais daukan bara kîa yamni angki kan, idan nani ai gâdka bahki ra mayuni dauki kan ba; il nani ra bara dus wahia pranakira distika nani mununhtika ra sin naha nani ba dauki kan.

2 Kronikas 21:11

Witin sin aidul nani ra mayunaia pliska nani paskan Juda untika nani tilara, bara witin bui munan Jerusalem uplika nani Dawan wina laihura takan bara Juda ai yabalka wina tnaya ra tawan.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Aiseya 10:12

Sakuna Dawan ba, dîa witin Saion ilka bara Jerusalem wal ra daukaia ba daukbia ningkara, Asiria kingka ra klala yabia, naha warkka saura dauki ba tâka, witin ai kupia prautka lâka, ai nakra prautka lâka ni ai walka nani ra kaiki ai prana bri ba.

Aiseya 13:11

Dawan aisisa: “Tasba ai watawika lâka ba tâwan klala yabamna, saurakira nani, witin nani bui upla iki ba tâwan; prautkira nani kalwi ba takaskamna, karnakira nani upla wala ra kulkras ba, yârika mâyara bawbia.

Aiseya 22:14

Bâra sika karnika sut bri Dawanka ba, yang ra param taki bara kiaima kat ai aisan: “Naha saurka daukram na, man nani ra ban swih tikan kabia apia; bara man nani pas pruma.” Dawan karnika sut bri ba aisin bîla nani sa.

Aiseya 26:21

Kan nanara Dawan ai watla tara wina taki aula, tasba ra iwi uplika nani ra ai saurka mana klala yabaia, watawika lâka witin ai mapara daukan ba tâwan; tasba ra pruan nani ba witin kau yukuki bri kabia apia, sut param marikbia.

Aiseya 28:21

Kan Dawan aiklabia Perasim ilka ra aiklaban ba baku, Gabaón ilka bîla ra aiklabi kan wih kaikan ba baku, ai warkka ba daukaia dukiara, ai warkka aihkakira ba, warkka daukaia win ba yaka daukaia, ai warkka aihkakira ba daukaia.

Aiseya 29:14

Baha ba mita, kaiks naha uplika nani kli munrika sirang iwi mita taki wabia, kli diara aihka tara dauki sirang ikamni, baha sinskirka nani sinska lâka ba lap tiwbia, bara diara tânka kaikaia sinska lâka bri ba âpu takbia.”

Aiseya 3:11

¡Saura pali kabia watawikira ba dukiara, witin nani saura ra wabia! Ai mihta warkka nani mana ba praiska kat, Gâd bui witin nani ra aibapan kabia.

Aiseya 30:13

baha mita, man nani pâtkira sma. Man nani ba tawan kutbanka baiwan, slingwi tiwaia man swin ba baku sma.

Aiseya 30:14

Man nani ba sumi dakawa kriki baku mai krikan kabia, kriki yuya lupia baman taki ba baku takma, kau pîska kumi pan sâkbia apia pauta aswan mangki utla wina bri balaia, apia kaka liwanhta wina lî sakaika pan briaia.”

Aiseya 57:12

Sakuna man daukankam nani aisaisna, dîa man lukisma, kasak wapni sma.

Aiseya 57:7

Il kum purara wiria driwi kan ra, man krikrikam mangkram, bara bahara sin sakripais daukaia uli waram.

Aiseya 59:18

Dawan mita upla kumi bani ra dîa daukan ba praiska kat mana aibapbia; ai waihla nani ra klala yabia; witin ra misbara kaiki nani ba mana dîa briaia ba kat yabia; kabu un ra iwi kuntrika nani ba ra sin.

Aiseya 65:6

Sakuna naha nani sut ba pat ulban bâra sa yang kaikisna, bara yang klaihkla kruski takaskamna apia; witin nani dîa briaia aitani ba yabaisna.

Aiseya 66:4

Yang sin brimni, witin ai trabilka wahwi ba, bara bri balamna, witin nani uba sibrin bri ba; kan yang winri bara upla kumi sin ai aisaras kan, aisari bara kumi sin ai walras kan; witin nani daukan dukia ba, yang mita yamni kaikras kapri. Yang kupi baiwi dukia witin nani brin.”

Jirimaya 13:25

Israel, baha sika man briaia sma ba yang kli maikaia sna ba man daukram ba. Yang, Dawan, kasak aisisna. Man bui yang ra âmya lap ai tikram bamna, bara lukankam ba aidulkam nani ra kasak lukram.

Jirimaya 13:27

Yang mai kaikri man nahki rug lâka dauki ailihki kapram ba, swiram dauki ur taki saura taukram ba, daukankam saura kaikan ai daukras ba dauki kiuhsi nani ra insla nani ra taukram. ¡Jerusalem, sarkam pali ai daukisa!, ¿ahkia kat man tâski ban kaisma?”

Jirimaya 16:18

Man nani watawi lâka saura nani sin daukram ba mana pas aima wâl aibapaia daukamna, yang tasbayi ba aidulkam misbara kaikisna pruan nani ba ra mayuni tâski daukram, witin nani ai tasbaya prapati baku yabri ba sut ra yang saura kaikisna ba daukan.”

Jirimaya 5:29

¿Baha daukanka nani ba tâwan klala yabaia apia katna ki? ¿Baha uplika nani baku daukan mana ba kli yabaia apia sna ki? Yang, Dawan, kasak aisisna.

Jirimaya 5:9

¿Witin nani baha daukan ba yang klala yabaia apia sna ki? Tawan kum uplika nani witin nani dîa daukan ba, ¿yang bui witin nani ra baha praiska kat mana yabaia apia sna ki?

Isikiel 18:6

Il nani plahpia ra plun pi aidul nani ra pain kulkaia dauki ba witin baha mayunras, kunin gâdka nani Israel bri ba ra sin ai lukanka bâra mangkras; ai uplika maya sin dakbras, ai maya kati siknis bri ba lamara waras;

Daniel 9:8

Bamna Dawan, yang nani na wan kingka, wan tâ uplika nani bara wan almukka nani kan ba baku sna, yang nani swiri ai daukisa, kan man mampara saura dauki banhri ba mita.

Oseas 11:2

Sakuna yang bui witin ra kau ban wini kapri ba ra, witin ba yang wina kau laihura wan. Yang upliki nani ba gâd bahki nani ra sakripais dauki yabi kan, aidul nani ra dus taya kîa yamni angki yaban.

Oseas 2:13

Piua luan ra, witin nani kîa yamni angki, gâd bahki nani ra yabi kan ba mana klala yabaisna, mihtadingka nani, lilura nani ni ai prana dauki, ai waitnika latwankira nani nina bliki kan, yang ra ai âuya ai tiki si. Yang Dawan, baha kasak aisisna.

Libait Lâka 26:39

Waihlam tasbaya ra saurkam nani daukram ba tâwan prui banhma, aisikam nani aikuki witin nani sin ai saurka daukan ba tâwan.

Kulki Kaikanka 32:14

Bara nanara man nani, saura dadaukra luhpia nani, papikam nani daukan ba baku kli daukaia lukisma, Israel luhpia nani mapara Dawan lawanka ba kli bri balaia dukiara.

Luk 6:38

Yas upla wala nani ra, bara Gâd bui pana man nani ra maikbia. Pakitkam ra aitani pali maikbia, lasbi, singbi, bara banhki pali. Gâd bui man nani ra mai kulkan kabia, dîa kulkanka wal pana upla wala ra kulkma ba.”

1 Tesalonaika 2:16

Ju apia nani ba ra sin yang nani aisaia lukri, witin nani sin swaki sakan kaia mata, sakuna witin nani bui yang nani ai swin aisaras. Bara baku natka ra witin nani saura daukan ba kau tara daukan. Sakuna nanara lâs kat, klala saura pali ba Gâd wina witin nani purara balan sa.