Aiseya 64:7 - DAWAN BÎLA AISKA

⁷ Upla kumi sin âpu kan man ninam ra ai pura suni ba, rawi buaia bara man ra ai tâ baikaia; baha ba mita, man bui yang nani ai lulki ai swiram, bara wan lulki wan swiram, wan watawika lâka nani karnika ra srawaia.

Aiseya 64:7 ပူးပေါင်းရင်းမြစ်များ

Job 10:9

¿Kupiam kraukisma ki slaubla ni ai paskatma ba, bara nanara kli tasba yamhpuska ra ai lakaisma ba?

Job 8:4

Kasak pali man luhpiam nani Gâd mapara saura daukan kaia sa, bara witin dîa klala witin nani ra yabaia kan ba yaban sa.

Lawana Nani 100:3

Kakaira taks man nani, Dawan ba sika Gâd; witin sika wan paskan bara yang nani witin dukia sna. Yang nani, witin ai uplika sna bara sîp daknika nani sin.

Lawana Nani 14:4

¡Wark saura dadaukra nani ba, kumi sin diara tânka briras! Witin nani bui yang upliki nani ba pi banhwisa, upla plun pi ba baku, witin nani bui Dawan ra ai pura sunras.

Impakan Sturka 32:12

¿Nahki ban swirka Idsip uplika nani ba aisi wibia: ‘Lukan saura wal Dawan baha uplika nani ba sakan, baha nani ba sut il ra bri si iki tikaia, naha tasba mawan wina diki âpu daukaia?’ Bara kupiam baiwanka ba swis, uplikam nani ra saura munaisma ba takasks.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 27:5

Man brin mai daukisa kaka, yang mita kan kahbamna, yang wal kupia kumi lâka dauks.”

Aiseya 45:9

Slaubla sumika, sin sumi wala nani ba wal baku sa, ya mita paskan ba mapara slaubla ba sip aisaras: “¿Man dîa daukisma?” Witin mita paskan ba sin sip wiras: “¿Man wark takaia lan âpu?”

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Aiseya 54:8

Kupi baiwanka wiria lupia ba wal yang maiwan ba man wina piu prahni yukukri kan; sakuna umpira mai kaikan lâka ban kaia ba wal man dukiamra kupi swapnika lâka brimni.” Dawan mai swaki sasakra ba, baku wisa.

Aiseya 56:4

Kan Dawan ba aisisa: “Yunok nani ba riski yua nani kulkisa kaka, yang kupi lâka ba daukisa kaka bara yang lâika ba sin ai lama bîla kat witin nani alki bribia kaka,

Aiseya 57:17

Israel saurka tâwan, piua kum yang kupi baikri, bara witin ra klala yabri bara yang lika witin nani tila wina tnaya ra takri; sakuna witin maipara babura taki, ai kupia prautka ra kau tniwbia.

Aiseya 59:16

Dawan witin baha kaiki tâ iwan, bara aihka lukan upla kumi sin âpu kan, witin tâwan aimakaia ba; bara Dawan ai karnika ba ni wark daukan, ai kasakka lâka ba dauki pura luan.

Aiseya 59:2

Sakuna man nani, watawikam lâka nani ba mita Gâdkam wal aihka dakbi mai sakan, saurkam nani ba mita, witin ai mawan ba man nani wina yukukan mai walaia apia lukan.

Aiseya 59:4

Kasakka lâka dukiara wini ba kumi sin âpu, wapni lâka dauki lâ ba sin âpu sa; bahki lâka ra baman kupiam mangki brisatma, bara kunin lâka ra kau lukisma bara sturi bahki nani ra sin; watawika lâka nani ra, kwihra tiwisma bara saurka lâka luhpia baikisma.

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Jirimaya 9:7

Ba mita yang, Dawan, karnika sut brisna ba, mai wisna: ¿Kau dîa wala yang upliki nani ba wal daukaia sip sna? ¡Pauta ra kiski tâski âpu daukaia sna!

Isikiel 22:30

Yang baha uplika nani tilara plikri, upla kum bâra kabia sapa tawan dukiara luki ba, bara yang ra tawan ba aisabia diara sauhki tikamna apia dukiara; ban kuna yang sakras.

Isikiel 24:11

dikwa bîla man ba bri si pauta pura ba ra mangks, bras ba pauni pali takbia kat sâks bara tâski ba wina klin takbia, ¡ahkia piua alahmika ba siahwi takbia ba kat!

Oseas 5:15

“Yang waitla ra kli wamna, witin nani saura daukan ba ai dara walbia bara bal ai plikbia ba kat. ¡Ai pâtka nani wahwi ba tilara, witin nani ai pliki kabia!”

Oseas 7:14

witin nani ai krikrika ra aitniki karna winisa sakuna, ai lukanka pali wina yang ra ai pura sunras. Witin nani plawar, wain briaia dukiara ai pura suni ba ra, ai lukanka ra insauhkisa; ¡sakuna witin nani, yang maipara buan!

Oseas 7:7

Âu, witin nani sut kubus baku aswi banhwisa, ai wihtka tara nani ba langkan. Ai kingka nani ba sut kauhan, bara upla kumi sin âpu sa, yang ra ai pura suni ba.

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Malaquía 2:10

¿Yawan sut Aisa kumi baman brisa, ban apia? ¿Yawan sut Gâd kumi mita wan paskan, ban apia? ¿Bamna dîa kan yawan pana pana kunin muni wan damika nani, Gâd wal lâ daukan lâka ba krikisa?