Aiseya 64:5 - DAWAN BÎLA AISKA

⁵ Man brisma yaura yamni ba daukaia, lilia lâka ni; bara kupiam krawisa piua ra man dîa daukaia want sma ba kat daukisma. Man kupiam baikram kan, yang nani mampara saura daukri bamna; baha saurka lâka ra yang nani piua wihka iwri.

Aiseya 64:5 ပူးပေါင်းရင်းမြစ်များ

Lawana Nani 103:17

Sakuna Dawan kupia latwanka lâka ba, ban kaia ra bâra sa, baha nani witin ra pain kulki nani ba ra; ai kasakka lâka ba tnata âpu sa baha kiamka nani sut ra,

Lawana Nani 112:1

¡Dawan ba mayunan kabia! Yamni pali sa baha waitnika, Dawan kulki nani ba, bara ai lâka bîla kat wali dauki ba.

Lawana Nani 25:10

Dawan ba piua bani latwan lâka ni, ai bîla aisi ba kat daukisa, baha nani ai lâka kat dauki bara kulki uplika nani ba wal.

Lawana Nani 37:4

Kupiam swapnikira, Dawan ra latwan kaiks bara mununhtara diara brin mai dauki lukisma ba, witin maikbia.

Impakan Sturka 20:24

Tasba ni altar kum paski aik, yang duki, bara baha purara daiwram nani daknika ba tila wina, sîp sapa, bîp sapa aiska angki aikaia brih bal, naha sakripaiska na yang wal man nani kli kupia kumi takaia prisantka kabia. Bara yang balamna, yamni sin mai munamna baha pliska bani ra puram sunaia maikri ba ra, yang baku brin ai dauki kan ba man nani piu bani ra nini ba âmya ra bri kama dukiara.

Impakan Sturka 25:22

Baha wina man nani wal yang aisamni, pura bikaika purara, insal nani wâl ba lilapaska ba wina, lâ nani auhbi watla ba wina, yang bui man nani ra mai wi kamni, yang dîa Israel luhpia nani ra wiaia brisna ba.

Impakan Sturka 30:6

Bara altarka ba bri si, lâ nani auhbaika watla ba mawanra kwala paman ba kat bri si swibia, man nani yawan wal prawaia pliska ba kat.

Aiseya 1:30

Usupum dusa wahia nani, lâwi yakawi ba baku kama, dus mâ nasla ra lî âpu ba baku sin.

Aiseya 12:1

Baha yua ra man wima: “Dawan, man ra tingki mai wisni, maipara man kupiam baikram sakuna, kupiam baiwanka ba tnaya ra lakram, bara man maisi nihkram.

Aiseya 26:13

Dawan wan Gâdka, dawan wala nani man tnamya ra yawan wan dawanka aimakan, sakuna yang nani lika man baman wan Dawanka mai brisni.

Aiseya 27:8

Gâd uplika nani ra klala yaban tasbaya wina saki tasba wala ra blikan witin ai wingka puhbra ni sirang saura ikan, lalma pâsa karna krawi ba baku.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Aiseya 63:7

Yang aisan ai daukisa Dawan latwanka lâka ba, ai mayunra nani ba aiwanaia witin ai yamnika tara nani sut wan hilpka daukan ba, witin ai kupia yamnika tara pali Israel luhpia nani sut ra bri ba, ai kupia yamni luki witin nani ra daukan ba, witin mita latwan kaiki ba lâka kat.

Daniel 9:5

yang nani saura yâri, watawi sin dauki banhri, yang nani iwi banhwi katna man ra lukras pali, yang nani bui man lâmka nani bara bapanka lâka nani ba tnaya ra lakri.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Oseas 6:3

¡Yawan karna wapi kap, Dawan kakaira takaia! Dawan yawan ra balbia, kasak pali titan yu baiwi uli baku, kasak pali lî auhi tasba buski ba baku mani lapta luan, lî auhaia piua ra baku aula.

Sakaraya 3:3

Jasua kwalka dimi kan ba tâski pali kan, sakuna ban Dawan insalka mawanra bûi kan.

Malaquía 3:6

“Yang sika Dawan. Yang aihka takras. Baha mita Jekob kiamka man nani ba âpu mai daukras sa.

Apastil Nani Sturka 10:35

sakuna witin pain kulkisa ani nisanka witin ra sibrin luki bara diara pain sin dauki ba.

Hibru Nani 4:16

Baha mita, kaisa yawan wan kupia brih, wan Gâdka latwankira king iwaika lamara waia. Bahara yawan umpira kaikan lâka bribia, bara witin ai kupia yamnika ba mita, yawan hilp want awarka ra witin hilp wankbia.