Aiseya 64:1 - DAWAN BÎLA AISKA

¹ Âu, man kasbrika pura ba param saki bâra bal iwram kata, bara man mamwanra, il nani ba yabram tatatwisa,

Aiseya 64:1 ပူးပေါင်းရင်းမြစ်များ

Lawana Nani 46:6

Nisan nani bin tara daukisa, king tasbaya nani ba tatatwisa, tasba ba slilwisa ai bîla baikra saki ba waluya ba ra.

Lawana Nani 68:8

bara tasba ba nikban, lî sin kasbrika purara ba wina auhan, Sainai ilka ba sin tatatban, Gâd mamwanra; Âu, Israel Gâdka mawanra.

Lawana Nani 79:10

Idan nani wan walaia apia sa: “¿Anira sa man nani Gâdkam ba?” ¡Wan mariks nampakan nani ikan ba, yas idan nani ba pain kaikbia!

Impakan Sturka 19:11

bara yahwanka dukiara sin ridi takaia sa. Yahwanka sika yang Dawan bal iwaisna Sainai ilka ra, upla nani sut ai kaikbia.

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Aiseya 41:15

Bara kaiks plawar taya sakaika watlika ra yang mai mangkamni, taya sasakra raya, napa nani pain pali; il nani ba taya sâkma bara akbi yuya daukma, bara kiuhsi nani ba taya man daukma.

Aiseya 63:15

Dawan, kaiks, kasbrika pura wina, man iwaikam holikira pranakira ra iwisma ba wina. ¿Anira sa man bui yawan ra latwan pali wan lukisma ba tânka, bara karnikam ba sin? ¿Anira sa man kupiam lukanka mununhta wina kupiam pinhka lâka nani ba yang nani dukira brisma ba? ¿Man umpira kaikan lâka brisma ba danh takan ki yang nani wal?

Aiseya 63:19

Yang nani na, man mita wan tâ briras baku banhwisna, ninam ba, yang nani aima kumi sin briras kan baku banhwisna.

Emus 9:13

Dawan naku aisisa: “Yua nani aula, baha yua ra plawar mâ pihwan nani ba kau kriki bara pat kli mâ mangkaia piua ba aimakan kabia; wain mâ mangkan ba kau taibi danh daukras ba ra, plawar mâ mangkaia piua ba pat balan kabia, il tara nani bara kiuhsi nani bâk, wain laya nani ba laiwi kabia lî plapi ba baku.

Emus 9:5

Dawan karnika sut pali bri ba, tasba na ai mihta ni kangbia bara slilwi kabia, upla nani bahara iwi ba sin ini banhwi kabia. Nilo awala lisamra tara suni kli rahwi ba baku, tasba na lisamra tara suni kli rahwi kabia.

Sakaraya 14:4

Baha yua ra Jerusalem lamara lalma tani ra, Oliv Dusa nani bâra ba ilka ra Dawan bubia. Bara ilka ba baiki langnika tara kum lalma wina muna kat daukbia. Ilka tnaya kum yahbra tani ra lakbia, tnaya wala ba waupasa tani ra.

Mark 1:10

Bara kaiks, lî wina taki aula kan ba ra, Jisas kaikan kasbrika pura ba kwawan, bara Spirit Holikira ba butku baku ai purara bal iwan.

Param Marikanka 20:11

Bara yang lika king iwaika pihni kum kaikri, baha purara iwi kan ba sin. Ai mawan wina tasba bara kasbrika pura ba aiska lap tiwan, bara baha nani pliska kumi sin sip kaikras kan.