Aiseya 63:12 - DAWAN BÎLA AISKA

¹² ¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Aiseya 63:12 ပူးပေါင်းရင်းမြစ်များ

1 King Nani 8:42

Bara ninam tara ba walbia, mihtam bara klamhkla aiska karnika ba kaikbia, bara naha tempelka ra bal ai pura sunbia.

Nihimaya 9:10

Bara wark aihkakira pali sin daukram king fero mapara, ai warkka uplika nani mapara, ai tasbaya uplika nani aiska mapara sin, kan man kaiki kapram witin nani praut lâka ra uplikam nani ra taibi kan ba. Baku sika man mita pura lui ninam ba tara pali daukram, naiwa kat kulkanka ban brisma.

Nihimaya 9:11

Witin nani kaikan man kabu ba tar baikram ba, bara tasba lâwan bâk uplikam nani ba tapahki brih waram; sakuna witin nani nina bliki banhwi nani kan ba sut, kabu tihuka ra rungkram, walpa kumi lî tihuka ra lulkan dimwi ba baku.

Lawana Nani 78:13

kabu ba yabal daukan, bara bâk upla nani ba wapi luan, lî ba kutbanka baku alki takaski bri kan.

Lawana Nani 80:1

Israel sepadka, Josep ra, sîpkam daknika baku tâ brih was, man kirubin purara iwaikam brisma ba, ¡wan wals! Man namkra yamni wal Efraín ra kaiks,

Impakan Sturka 15:13

Naha uplika nani swaki sakram na, man lamtwanka lâka ni tapahkisma. Karnikam ni tâ bri auma iwaikam watla holikira ba ra waia.

Impakan Sturka 15:16

Dawanki, swis witin nani sirang iwbia, swis witin nani tatatwi kabia, swis witin nani walpa baku sip aiawras kabia, man klamhkla karnika ba mita, uplikam nani ba sut bal lui wabia ba kat, naha uplika nani na man dukiam saki briram bamna.

Impakan Sturka 15:6

Dawan, man mihtam aihkika ba karnika tara sip pali aihwa sa, baha ni wan waihla nani ba kriki yuya baman daukram.

Impakan Sturka 6:6

Bamna Israel luhpia nani ra wih wis yang, Dawan mita witin nani alba lâka ra ba wina pri sakaisna, Idsip uplika nani mita wark karna yan taki ba wina sin. Yang karniki ba mariki witin nani ba swaki sakamni, warkki karnakira lâ wapni daukisna lâka ba wal;

Aiseya 11:15

Dawan mita Kabu Pauni bâk yabal kum kwâkbia Éufrates awalka ra ai mihta sakbia bara yaka pâsa saura kum krawbia, bara yabal 7 kilwan kabia, bara sip kabia ai sûska daikras lui waia.

Aiseya 43:16

Dawan bui kabu ra yabal kum daukan sa, lî karna plapi bâk yabal ba mangkan;

Aiseya 44:27

Yang sip sna kabu tihuka tara ra wiaia lâwbia, bara ai laya ba lâwan kaia.

Aiseya 51:10

¿Man apia ki, kabu ba lâkatma ba, tihuka tara laya nani bri kan, tihuka tara pali nani bâk yabal daukram, atki sakan nani lui waia dukiara?

Aiseya 55:13

Kiaya nani tasbaya ra awas nani pâwbia, tangni kiaikira watlika ra tangni kîa painkira pâwbia; bara nina kum kabia Dawan ra, ban kaia sainka kum dukiara, ban kaia ra klaki sakan kabia apia.”

Jirimaya 31:32

naha lâka blasi damikam nani wal lâ daukri kata ba baku apia, yang bui witin nani mihta wina alki Idsip wina sakri, kan witin nani bui yang lâika kulkras kan, yang pali witin nani Dawanka sna. Yang, Dawan, kasak aisisna.

Jirimaya 32:20

Man Idsip ra diara aihkakira nani bara sain nani daukram, Israel luhpia nani tilara sin kau naiwa daukisma upla wala nani tilara sin kau ban, bamna baku man ninam ba tasba aiska ra param sa.

Jirimaya 32:21

Man, uplikam Israel luhpia nani Idsip wina sakram bara karnikam tara ba marikram, diara aihkakira, sain nani dauki, upla nani ra sut ra sibrin dingkram ba mita ni.

Roman 9:17

Bamna Ulbanka ra Gâd mita Idsip kingka ra win: “Man bâk karniki ba marikaia king mai mangkri, bara tasba aiska ra yang nini ba latan marikaia.”