Aiseya 63:1 - DAWAN BÎLA AISKA

¹ —¿Naha ya Bosrá wina aula ba, Edom kiapitalka ba wina, ai prâka ba laya pauni ni pauni daukan ba, ai prana tara wal ai prâka dimi aula ai karnika tara wal wapi ba? —Yang sika, aiklabi pura luaia ba dukiara aisisna ba, bara karnika brisna swaki sakaia.

Aiseya 63:1 ပူးပေါင်းရင်းမြစ်များ

Blasi Sturka 36:33

Bela pruan ba ra, witin ai watlika ra, Jobab king aimakan; Zérah luhpia ba, witin Bosrá tawanka wina kan.

Blasi Sturka 49:11

Witin ulaia daiwra lupia ba wain kiwka nani ra wilki swisa, witin ai prâka nani ba sin, wain laya ra tuskisa, wain laya pali ba ni.

1 Kronikas 1:44

Bela pruan bara ai watlika ra Zérah luhpia Jobab king aimakan. Witin ba Bosrá tawanka wina kan.

Lawana Nani 108:13

Yang nani Gâd hilpka ba wal lika, sip kabia diara tara nani daukaia; ¡witin bui sin wan waihla nani ba âpu sauhki tikbia!

Lawana Nani 137:7

Dawan, Edom uplika nani ra luki bas, Jerusalem kauhan bara witin nani wisata: “¡Slingbi tiks, slingbi tiks, baha playka bapan nani ba sut!”

Lawana Nani 65:6

Man mita sika, il tara nani ba alki takaski brisma, karnikam brisma ba ni, bahara man karnikam ba marikisma.

Yamni Kulki Lawana 3:6

¿Baha ba dîa ki, upla iwras tasbaya wina taki aula ba, impaki aula ba kiasma tara nani tilara, sîka mâka kîa painkira kiasmika tilara bara awas mâka kîa tilara sin bara isint sâtka kîa pain nani sut kira?

Yamni Kulki Lawana 6:10

¿Naha na ya, lalma kahbi kan laptika baku biki wan kaiki ba? Kati baku painkira sa, lapta wal baku ingnikira sa, war aiklaklabra nani war ra aiklabaia taki auya baku, sip alki takaskras.

Yamni Kulki Lawana 8:5

¿Naha na ya sa ki, upla iwras tasbaya ba wina taki aula ba, ai latwankira waitna pahpaya ra prawi? Apil dusa kum mununhtara yapram ba wina mai bukri: baha pliska ra man yaptikam aisubaia latwanka brin ba, bahara man yaptikam mai baikan.

Aiseya 11:14

Witin nani wâlsut ba muna tani bâk filisteo nani ra wabia, nina tani tawi ba ra; mapara aiklabia, asla lalma tani tawanka nani dukia kukan ba dakbia. Ai karnika ba Edom, Moab bara Amón uplika nani ra taibi bribia.

Aiseya 34:1

Nisan nani sut, man nani lamara bal, sturi na wals; man nani sut asla taki sturi na wals. Tasba walbia, baha bilara bâra ba sin.

Aiseya 42:1

“Nâra kaiks yang duki dadaukra ba, yang bui witin ba alki brisna, bâk sakri ba, witin ra yang sulki ba âiyapah sa. Spiritki ba yang bui witin ai purara mangkri; witin mita kasakka lâka ba nisan nani ra bri balaia.

Aiseya 42:3

Yauhrus lâwan ba witin mita krikbia apia, lamp wîkka daswaia kiasma taki ba sin, daskbia apia. Wapni lâka daukanka ba kasakka lâka ba sin bri balbia.

Aiseya 45:19

Yang yukuwi aisaras kapri, tasba ra plis tihmia kum ra dimi sin aisaras. Jekob kiamka nani ra yang wiras: ‘Man nani wih ai pliks plis kum diara âpu ba ra.’ Yang Dawan kasak aisisna, baha rait ba mai wisna.

Aiseya 45:23

Yang nini mâki swer takri ba, yang bîli dîa takan ba pura luan lâka ra bara baha ba kli ai ninara tawbia apia: lula nani sut ba yang ra ai lula krikan kabia, bara twisa bani sin swer takbia.

Aiseya 9:5

Suldiar sûska nani war aiklabaia ra bin tara dauki kan ba, ai kwalka nani sin tala ra buswan ba, twi lâwan baku, sut pauta klauhan ra angkan kabia.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Jirimaya 48:24

Queriot, Bosrá, baha tawanka nani lamara ba, bara laihura nani ba sut.

Jirimaya 49:13

Yang, Dawan, nini ra swer takisna: Bosrá tawanka tara ba upla iwras tasbaya daukbia, slingban kabia, swira paskan bara lahtuban kabia upla nakra ra, bara tawan wala nani ba slingban ban kabia.”

Isikiel 25:12

“Yang Dawan sna ba, naku wisni: Edom ba Juda ra pana munaia lâka daukan, bara baku saura pali pâtkira takan sa.

Isikiel 35:1

Dawan ba yang ra balan, bara ai win:

Isikiel 38:17

‘Yang Dawan sna ba, naku wisni: Man ra sika piua luan ra aisi katna ba, duki dadaukra nani bâk, Israel prapitka nani; witin nani baha piua ra maisa pakan yang maikri balma Israel purara kauhaia.’

Abdías 1:1

Dahra aisaia bîla kum Dawan mita Abdías ra param marikan ba, witin baha bîla ba brin. Smalkanka bîla kum Dawan wina wan win ba, yang nani walri; bîla twatwilkra kum ba nisan nani ra waia taki wan witin nani ra wiaia: “¡Man nani bus! ¡Kaisa yawan Edom mapara war aiklabaia waia!” Dawan Gâd Edom ra naku wisa:

Abdías 1:9

Temán ra war aiklaklabra nani bâra ba sibrin mita tatatwi kabia. Isau ilka nani tilara upla kumi sin raya kabia apia.

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Malaquía 1:2

Dawan wisa: “Yang bui man nani ra latwan mai kaikisna.” Sakuna man nani lika pana aisisma: “¿Yang nani nahki kaikamna man latwan ai kaikisma ba?” Bara Dawan pana aisisa: “Latwan mai kaikisna ba tânka sika, Jekob Isau wal ai muihni sakuna Jekob ra baman latwan kaikri ba,

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Matiu 21:10

Jisas Jerusalem ra diman ba ra, tawan aiska ba turban pali takan, bara upla ailal makabi walan: —¿Naha na ya?

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

Param Marikanka 19:13

Bara kwala dimi kan ba tala baman banhki kan, bara ai nina mâkan ba lika: Gâd Bîla.