Aiseya 60:6 - DAWAN BÎLA AISKA

⁶ Kiamil daknika tara nani Madián wina Efá wina man ra aula ba kaikma; Sabá wina nani ba sin sut balbia; witin nani gul bara kîa pain angkaia dukia nani brih balbia, bara Dawan mayunra sturka nani ba dahra aisi kabia.

Aiseya 60:6 ပူးပေါင်းရင်းမြစ်များ

Blasi Sturka 10:7

Bara Cus luhpia nani ba: Sebá, Havilá, Sabtá, Raamá bara Sabtecá. Raamá luhpia nani ba: Sebá wihki Dedán wal.

Blasi Sturka 25:13

kumi bani nina tawahkia wina kau sirpika ba kat ulban sa: tawahkia nina ba Nebaiot, baha wina Quedar, Adbeel, Mibsam,

1 King Nani 10:2

Kwin ba balan upla kutbi kir nani aikuki, ai prana daukanka tara aikuki, diara sâtka ailal sin kiamil ra suni brih balan, isint kîa pain nani bara gul klauhi ba, pranakira sin ailal brih balan. Witin Salaman ra balan ba ra, dîa dîa makabi walaia bri kata ba sut makabi walan, ai kupia ra bri kan ba sut sin win.

2 King Nani 8:9

Bara Hazael prapit ba kaikaia wan, bara Damaskus wina prisant kau pain nani ba brin Ilaidsa ra yabaia. Kiamil nani 40 diara nani suni brih wan, bara witin wal prawan ba ra win: —Ben-hadad Siria kingka ba mita man ra ai blikan, mai walamna ai sikniska ba wina rawbia sapa.

1 Kronikas 1:33

Madián luhpia nani ba: Efá, Éfer, Hanoc, Abidá bara Eldaá. Naha nani sut lika Queturá kiamka nani sa.

2 Kronikas 9:1

Sabá kwinka ba walan upla nani bui Salaman nina tara mayuni aisi kan ba, bara witin Jerusalem ra wan makabanka karna nani makabi walaia dukiara. Bara upla nani ai kan kir kutbi ai prana tara dauki Jerusalem ra balan, isint nani, gul bara walpa manakira nani ailal kiamil ra prahki bri balan. Witin Salaman ra balan ba ra, dîa dîa makabi walaia bri kata ba sut makabi walan, ai kupia ra bri kan ba sut sin win.

Lawana Nani 67:4

Yarka nisan nani ba liliakira mai winbia, man wihta aimakisma lâka ba, upla nani ra kasakka lâka kabia; ¡man sika tasba aiska ra nisan nani ba tâ brisma!

Lawana Nani 72:10

¡Prisant nani bara lal mana nani bri balbia, Tarsis kingka nani, kî dakura kingka nani wina, Sabá bara Sebá kingka nani sin!

Lawana Nani 72:15

¡King ba raya ban kabia! Bamna witin ra, Sabá gulka nani ba yan kabia. Bara witin dukiara, aima bani ra pura suni kabia. Bara ban Dawan ai yamnika ba yabi kabia.

Aiseya 30:6

Négueb daiwra nani dahra aisin ba: Pât nani tasbaya ba banhkisa, layan nani ahbi ba bâra iwisa, piuta nani daiwan saura nani pâli tauki nani ba bâra sa diara nani bri ba diara kuki brin nani ba baha nani bal biriku ra bara kiamil ra prahki Idsip ra kwahkisa, diara sip daukras uplika nani ba,

Aiseya 42:10

Aiwananka raya kum Dawan ra aiwani banhs; tasba tâ wala wina aiwans witin ai mayunra ba; man nani kabu ra bâra taukisma ba sin, kabu un nani ra iwisma ba sin, daiwan nani ba sin.

Aiseya 45:14

Dawan bui Israel ra wisa: “Idsip insla dadaukra nani ba, Etiopía ra diara wauhi âiatkra nani ba, Sabá uplika nani yakura tara nani ba, man nani ra bawbia bara albikam nani takbia; sîn ra priskan man nani ninamra wabia, man nani mamwanra ai lula kriki bik takbia: ‘Kasak pali Gâd lika man nani tilamra sa, kan wala âpu, Gâd wala âpu.’ ”

Aiseya 60:9

Baha duri tara nani Tarsis dwarka tara nani ba mita tâura aimaki aikuki asla taki aula ba, laih wina luhpiam nani ba dukia brih aula, silbar bara gul sin, Israel Gâdka Holikira, Dawankam ba, kulkanka yabaia, witin mita sika pranakira mai paskan ba.

Aiseya 61:6

Bara man nani ba, Dawan prîska nani mai win kabia, yawan wan Gâdka napakanka nani mai win kabia. Nisan nani dukia kukanka ba wina man nani pima, bara witin nani ai prana ba wina man nani pramna daukma.

Jirimaya 6:20

¿Dîa muni man nani Sabá wina kîa pain angkaia dukia nani ba bri sal aikisma, laih tasba wala wina dus wahia kîa pain nani bri balisma? Daiwan aiska angkisma ba yang yamni kaikras, sakripais wala nani daukisma ba sin.”

Isikiel 27:22

Sabá bara Raamá diara âiatkra nani ba man wina diara âiatkra kata, bara mai aibapi kan, kau sîka kîa pain ni, walpa manakira bara gul ni sin.

Sofonías 3:10

Upliki nani Etiopía awala baila wala ra yakaban nani ba, baha wina prisantka nani brih, ai pura suni bri sal aikbia.

Sakaraya 14:16

Baha taki lubia ba ningkara, Jerusalem mapara aiklaban uplika nani pruras raya kau swin kabia nani bani Jerusalem ra wabia King, karnika sut bri ba Dawanka ra mayunaia bara Utla Papakni liliaka ba sin dauki kaia.

Malaquía 1:11

Nisan nani sut tasba aiska ra yang na tara ai kulkisa; ani anira yang na tara ai kulki bamna, diara kîa yamni angki Dawan sna ba bara kulkanki ba aikisa.

Matiu 2:11

Witin nani utla bilara diman ba ra, tukta ba ai yaptika Meri wal kan kaikan. Bara tukta ba mawanra ai lula kriki, mayunan. Bara ai lalahka watla nani ba bukutbi, gul, dus mâka bara sîka mâka kîa painkira sin tuktika lupia ra prisant yan.

Roman 15:9

Kraist sin balan Ju apia uplika nani sin Gâd ra mayunaia ai kupia pihni ba mita, Ulbanka wi ba baku: “Baha mita Ju apia uplika nani tilara dimi mamyunamni, lawana nani sin man ninam ra aiwanamni.”

Kli Smalkanka 32:43

“¡Nisan nani, Gâd uplika aikuki lilia bas! ¡Witin pana muni ikbia ai albika nani tnata mana pana munaia lâka bal bribia ai waihla nani dukiara bara ai kuntrika uplika ra pâtka ban swih tikbia!”

Pilipai 2:17

Man nani kasakkam lâka mita Gâd ra prisant yabisma ba tnata alkaia dukiara, rayaki pali na sin sakripais dauki yabia kaka, yang lilia sni bara baha liliaka ba man nani sut aikuki brisni.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.

1 Pita 2:9

Sakuna man nani sika kiamka kumi bâk saki brin ba, king prîska nani ba, nisan holikira kum, Gâd uplika nani pali. Bara baha ba baku sa, man nani bui Gâd warkka aihkakira nani ba saki aisama dukiara, witinka mita man nani tihmu tila wina saki, ai ingnika aihka painkira ra dimma wisi mai paiwan ba.

Wihta Nani 6:5

Witin nani ai watla nani baha nani tilara mâki, ai daiwra nani sin baha nani daiwra nani tilara dingki, tasbaya dawanka nani ba sut sauhki kan. Kiamil daknika tara nani bri balan, kruhkru daknika tara baku.

Wihta Nani 7:12

Madián uplika nani, Amalec uplika nani bara lalma tasbaya uplika nani ba sut il bîla langnika ba ra tristrisia ailalka yakawi ba baku bâra kan. Kiamil nani sin ailal pali bri kan, kabu un ra auhya mâ ailalka ba baku.