Aiseya 59:2 - DAWAN BÎLA AISKA

² Sakuna man nani, watawikam lâka nani ba mita Gâdkam wal aihka dakbi mai sakan, saurkam nani ba mita, witin ai mawan ba man nani wina yukukan mai walaia apia lukan.

Aiseya 59:2 ပူးပေါင်းရင်းမြစ်များ

Sins Lâka 15:29

Dawan lika upla watawikira nani wina laihura sa, kuna witin kasakkira nani pura sunra ba walisa.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Aiseya 57:17

Israel saurka tâwan, piua kum yang kupi baikri, bara witin ra klala yabri bara yang lika witin nani tila wina tnaya ra takri; sakuna witin maipara babura taki, ai kupia prautka ra kau tniwbia.

Aiseya 58:4

Kaiks man nani baha yua ra blahwi unsaban daukisma pana pana unsabaia mata, kaiki plun wahwisma, bara mihtam kruski watawi lâka ra uplikam ra prukaia dukiara sin. ¿Man nani lukisma baha sut kaiki plun wahwaia yua ra daukisma ba puram sunra ba walamna lukisma?

Jirimaya 5:25

Sakuna man nani saurkam tâka ba mita baha piua nani sut aihka man lakan, bara baha yamnika ba man nani sip briras sma.

Inanka Nani 1:8

Jerusalem saura ailal pali daukan, bamna aitani sa saura kulkaia. Kainara witin ra yamni kulki nani kata ba bui nanara misbara kaikisa, kan baha nani bui witin ra kwala luha kaikan ba mita. Baha mita witin ini ai swira pali, bara ai mawan ai ninara lakisa.

Isikiel 39:29

Bara yang kli witin nani ra kaikras maiwan lakamna apia, kan karniki ba Israel uplika purara mangkri bamna. Yang, Dawan, kasak aisisna.”

Miqueas 3:4

Yu kumi man nani bui Dawan ra winma, sakuna Dawan bui man nani ra mai walbia apia. Witin baha yua ra, man nani wina yukuwbia saurka nani daukram ba tâwan.

Jasua 7:11

Israel luhpia nani saura daukan, witin nani wal lâ daukri lâka ba witin nani sauhkan. Diara nani sut sauhki tikbia wîri ba dukia nani ba, witin nani ai dukia brin. Witin nani saura daukuya ba tânka bri kan, sakuna ban implikan, baha diara brin nani ba ai tilara yukuki brisa.

1 Samuil 4:3

Aiklaklabra nani ba plapi kli kiamp ra balan ba ra, Israel almukka nani ba bila win: “¿Naiwa na dîa kan Dawan ba lulki wan swin, bara filisteo nani bui rau wan sauhki na? ¡Kaisa Siló ra waia Dawan lâ auhban ba bri balaia, baku Dawan wan tilara wabia bara wan waihla nani mihta wina swaki wan sâkbia!”