Aiseya 59:14 - DAWAN BÎLA AISKA

¹⁴ Baha mita wapni lâka ba tnaya ra tawan, kasakka lâka ba sin laihura taki wan, yawan wan kasakka lâka bri wal pulaia pliska ra mina prukan, bara nanara wapni lâka ba sip balras.

Aiseya 59:14 ပူးပေါင်းရင်းမြစ်များ

1 King Nani 21:10

Ningkara witin mawanra kuninkira wâl yas bubia, bara witin nani Nabot mapara kunin aisi wibia witin ba Gâd mapara bara king mapara sin saura aisan. Bara ningkara sâks, bara walpa ni sabi iki banhs.’’

1 King Nani 21:11

Bara Nabot tawanka uplika almuk nani bara tawan ra tâ bri nani ba, Jezabel dîa win ba kat daukan, dîa ulbi blikan kan ba baha kat daukan.

Lawana Nani 119:150

Nini blablikra saurakira nani ba laimara sa, sakuna smalkankam nani wina lika laihura sa.

Smasmalkra 3:16

Yang kaikaia sip kapri, naha tasba ra sauhki tikaia lâka bara saura daukaia nani ba uba sa, bara lâ kasak wapni nani ba bâra kaia sa.

Aiseya 1:21

¡Tawan tara kasakkira katma ba, nahki muni rug mairin wal baku takram! Blasi ra, uplikam sut ba, kasak lâka ra diara dauki kata ba bara wapni lâka ra iwi kan, sakuna nanara upla âikra nani baman bâra sa.

Aiseya 46:12

Kupia karnira nani, yang ra wals, dîa lukisma, dîa swak takan lâka ba laih pali ra sa:

Aiseya 5:23

Pâtkira ba lalah aibapi ba mita, man nani brih pâtkas wisma, man nani pâtkas uplika nani raitka bri ba yaras sma.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Aiseya 59:11

Yang nani wingku tara nani ini ba baku inisna, bara yang nani maimna lulkisna butku nani sarkira pali ai mamna lulki ba baku; swaki wan sakaia bîla kaiki banhwisna, sakuna balras; swaki sakan lâka baha sin yawan wina laihura taki wan.

Aiseya 59:4

Kasakka lâka dukiara wini ba kumi sin âpu, wapni lâka dauki lâ ba sin âpu sa; bahki lâka ra baman kupiam mangki brisatma, bara kunin lâka ra kau lukisma bara sturi bahki nani ra sin; watawika lâka nani ra, kwihra tiwisma bara saurka lâka luhpia baikisma.

Aiseya 59:9

Baha mita sika swak takan lâka ba yawan wina kitwi takan ba, bara pri lâka ba wan lamara balras sa; yawan ingni briaia bîla kaiki kan, sakuna kaiks tihmia tara baman sa; ingni briaia wisi bîla kaiki kan, bara yawan tihmia ra wataukisa.

Jirimaya 5:31

¡Prapit nani aisi ba lika kunin baman; prîs nani ba ai brinka kat lâ nani daukisa, bara yang upliki nani ba baha lâka ba want sa! Sakuna, ¿baha piua ba lubia bara man nani dîa daukma ki?’ ”

Jirimaya 7:28

Witin nani ra wis: ‘Naha nisanka sika ai Dawanka ai Gâdka bîla wali daukras ba, saura daukan smalki ba sin walan daukras ba. Kasak wapni aisaia aisinka ba witin nani aisinka wina âpu pali aihwa takan.’ ”

Daniel 8:12

Ai lukraska lâka ba mita, war aiklaklabrika nani bara sakripais daukaia ba wal mihta ra mangkan, kasakka lâka ba tasba ni yakaban. Dîa daukaia lukan ba kat daukan, bara yamni sin takan.

Oseas 7:1

upliki nani sikniska ba sîka yuki rakaia lukuna ba ra, Efraín bara Sameria ra, witin nani saura dauki watawika nani ba, baiwi param takisa. Kan witin nani sut kunin aisaia lan takisa; âimplikra nani baku, utla nani ra dimisa, yabalka kat upla nani ra implikisa.

Emus 5:11

Man nani mita upla umpira nani ba bahki kulki lawaska kikisma, bara lal mana tara kulkisma, plawar ni mai aibapaia dukiara, man nani ban iwi kama apia, baha wamtla nani walpa ni mâki brisma ba ra; wain nasla nani dauki mangkram pain pâwisa, sakuna baha wainka laya wina sin dima apia.

Emus 5:7

¡Alai kama man nani lâ wapni ba, tahpla pali daukisma, bara kasakka lâka daukaia ba tasba kat batakisma!

Emus 6:12

¿Walpa tara nani ba purak, aras nani ba pain plapbia lukisma ki? ¿Kabu ra bîp wainhka nani ni, tasba baikbia ki? ¡Lâ wapni daukaia lâka ba, man nani bui puisin daukram! ¡Kasakka lâka daukaia ba sin, laya tahpla ra lakram!

Abakuk 1:4

Lâ ba kat daukras sa, wapni lâka ba ai mina ni taibisa, watawikira nani ba, kasakkira nani ba nina blikisa kasakka lâka ba warbi sauhkisa.