Aiseya 59:1 - DAWAN BÎLA AISKA

¹ Dawan karnika ba, kau sirpi takras sa, swaki sakaia kat praiska baku, witin sin kiama prawra takras bara wan walras kaia prais kat sa.

Aiseya 59:1 ပူးပေါင်းရင်းမြစ်များ

Blasi Sturka 18:14

¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.

Lawana Nani 94:9

¿Kiama nani paskan ba sip apia sma ki diara nani walaia? ¿Bara namkra nani paskan ba diara kaikaia sip apia sma ki?

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Aiseya 58:9

Baha ningkara, man ai winma kaka, yang sin mai aisamna; man nani tilam wina hilp makabi winma kaka, yang pana mai wimna: ‘Yang nâra sma.’ Man mita yabrika taiban lâka ba sut tiwbia kaka, ai walka ra saura bîla nani aisi wiras kaka, bara nina sin aisaras kaka,

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Aiseya 63:1

—¿Naha ya Bosrá wina aula ba, Edom kiapitalka ba wina, ai prâka ba laya pauni ni pauni daukan ba, ai prana tara wal ai prâka dimi aula ai karnika tara wal wapi ba? —Yang sika, aiklabi pura luaia ba dukiara aisisna ba, bara karnika brisna swaki sakaia.

Aiseya 65:24

Witin nani mita kau ai winras ba ra, yang mita pat witin nani ra pana aisamna; witin nani kau ai aisaras ba ra, yang pat witin nani ra pana walri kabia.

Jirimaya 14:9

¿Dîa muni sirang ikan uplika kum baku sma ba, aiklaklabra kum ai walka ra hilp munaia sip apia ba baku sma ba? Sakuna, Dawan, man lika yang nani tili kat sma, upla sut tânka brisa yang nani lika man uplikam sna; ¡ban wan luki wan swipara!

Jirimaya 32:17

‘Dawan, man kasbrika pura bara tasba sin paskram ba ni karnikam tara ba marikisma. Man daukaia sip apia dukia ba âpu sa.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Miqueas 2:7

¿Dîa man nani lukisma, Israel luhpia nani ba lahtubanka munhtara sa? ¿Gâd na ai kupia alki takaskras takan ki? ¿Man nani lukisma ki, Gâd ban baku pali daukbia? ¿Upla yamni, diara wapni dauki ba dukiara, yamni aisisa apia?

Kulki Kaikanka 11:23

Bara Dawan bui Moses ra pana aisin: —¿Dîa Dawan ba karnika âpu sa ki? Nanara kaikma yang bîli ba aimakisa sapa, apia kaka aimakras sapa.

Matiu 13:15

Kan naha uplika nani lukanka na warwan sa, ai kiama ba praki brisa, bara ai nakra nani sin prakan sa, baku lika kaikbia apia bara walbia sin apia, bara sin tânka bribia apia, baku sin yang ra tawi balbiara bara yang sin rakamna apia.’

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

1 Samuil 4:3

Aiklaklabra nani ba plapi kli kiamp ra balan ba ra, Israel almukka nani ba bila win: “¿Naiwa na dîa kan Dawan ba lulki wan swin, bara filisteo nani bui rau wan sauhki na? ¡Kaisa Siló ra waia Dawan lâ auhban ba bri balaia, baku Dawan wan tilara wabia bara wan waihla nani mihta wina swaki wan sâkbia!”

1 Samuil 8:18

Baha yua ra kupiam kriwan takbia, man nani kupiam lâka kat kingkam mangki briram ba dukiara, sakuna Dawan lika man nani ra mai walbia apia.