Aiseya 58:6 - DAWAN BÎLA AISKA

⁶ Baha apia sika. Kaiki plun wahwi tânka yang yamni kaikisna ba sika naha: kasak apia lâka ra silak ra priskan ba wina kriki sakisma ba, lal wilkaika dusa ra taibi wilkan ba wina lanhkisma ba; taiban uplika nani pri sakisma ba. Baku sin man tataibra nani ba âpu daukisma ba sika.

Aiseya 58:6 ပူးပေါင်းရင်းမြစ်များ

2 Kronikas 10:11

papiki karban wirha mai sunan ba, yang lika karbanka ba kau wirha mai sunamni; aisiki bui wipaia kiwka ni mai wipi kan, sakuna yang lika silak kakma tatwa ni mai wipamni.’

2 Kronikas 28:11

Baku bamna, man nani bîli wals, bara silak uplika nani sut blîks wabia, baha nani ba man nani muihkam sa, kan Dawan ba man nani wal ai kupia sauhkan sa.

Sins Lâka 24:11

Pruaia pâtka ra brih wan nani ba swaki sâks; baha nani sin prura pâtka briaia lamara ba pri sâks.

Aiseya 1:17

¡Lâ yamni daukaia ba man nani lan taks, trai kaiks dîa kasak ba daukaia, ai raitka bri ba raitka ba yas, rau nani lâka ba kasak dauks, piarka nani raitka ba tâwan aisas!”

Aiseya 33:15

Witinka kasakka lâka kat wapni ba, wapni lâka kat sturi aisi ba, witinka lâ krikanka wina diara nani pura praki briaia misbara kaiki ba, witinka taiban lâka wina diara briras, bara prisant nani ni sin atkras ba, ya baha bîla walras upla ikaia ba dukiara, bara ai nakra prakisa saura ba kaikaia apia mata,

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Aiseya 58:9

Baha ningkara, man ai winma kaka, yang sin mai aisamna; man nani tilam wina hilp makabi winma kaka, yang pana mai wimna: ‘Yang nâra sma.’ Man mita yabrika taiban lâka ba sut tiwbia kaka, ai walka ra saura bîla nani aisi wiras kaka, bara nina sin aisaras kaka,

Jirimaya 22:3

‘Kasak lâka bara wapni lâka ba man nani naha tasbaya ra dauks, man nani tataibra nani ba mihta wina taiban uplika nani ba pri sâks, tringsar nani ba mâyara kulkpara bara sin rausauhkpara, rau nani ba bara piarka mairin nani ba sin. Upla pâtkas nani ba sin ikpara.

Jirimaya 50:33

Dawan karnika sut bri ba aisisa: “Israel luhpia nani ba bara Juda uplika nani ba sin, rausasauhkra nani mita saura muni pâtka ba wahwisa. Witin nani ba silak ra mangkan sa bara sakaia want apia sa.

Daniel 4:27

Baku bamna, king dîa mai wisna ba kat dauks, diara sut wapni kat dauks bara sin kli saura daukpara, saurkam nani ba mahka swis, bara umpira nani ra hilp muns, ban kra baku lika sip kama king ban kaia kupia kumi lâka ra pâwi kaia.’ ”

Libait Lâka 6:5

diara wala nani dukiara swer taki kunin aisin sa kaka, baha dukia nani sin sut ba kli dawanka ra yabia. Baha purkara, dukia praiska kulkan ba purara mânka matsip pura praki aibapbia. Witin ai saurka daukan ba mana sakripais daukbia ba ra,

Jona 3:8

Sakuna upla sut ba ai kwalka siksa dimaia sa sari tukinka ba, bara upla sut ai karnika aiska Gâd ra ai pura sunaia sa. Bara upla kumi bani ai tânka saura bri bara lâ krikanka nani dauki ba, nanara mahka swibia;

Sakaraya 7:9

“Naku aisaia yang mai wisni: Man nani upla lâka aisi daukisma ba ra, lâ kasak wapni daukma; bara pana pana kupiam pihni lâka ra, walkam nani ra umpira kaiki bas.

Apastil Nani Sturka 8:23

Yang kaikisni man lika kupiam tahplika ni aibanhram pali sa, bara saurka lâka mita priski mai brisa.

1 Timoti 6:1

Alba nani ba ai dawanka nani ra kasak kulkaia sa, bara baku upla kumi sin Gâd nina ra bara wan smalkanka ba mapara sin saura aisabia apia.