Aiseya 58:5 - DAWAN BÎLA AISKA

⁵ ¿Man nani lukisma kaiki plun wahwaia sari takisma ba, baha yang yamni kaikisna, lamla makupisma ba snati lapatwan baku, yamhpus tasba ra yakabi kwala siksa dimi baha purara aitnikisma ba? Baha ba man nani wisma: ‘¿Kaiki plun wahwisma ba tânka’, bara baha yua ba yang yamni kaikisna?

Aiseya 58:5 ပူးပေါင်းရင်းမြစ်များ

2 King Nani 6:30

Bara king ba baha mairka aisanka ba walan ba ra, ai kupia sauhkan tukinka baku ai prâka nani ba kalkan. Bara baha tawan kutbanka ba purara kan bamna, upla nani ba kaikan king ba sari dauki kwalka dimi kan ba.

2 Kronikas 20:3

Josafat sibrin takan bara witin Dawan ra tniwan. Bara maisa pakan Juda aiska ra plun wahwi ai pura sunbia,

Esdras 10:6

Bara Esdras, Gâd tempelka ba wina bûi taki wan bara Eliasib luhpia waitna, Johanán yapaika ra wan, bahara witin plun piras bara lî sin diras ban lalawata, kan ai kupia kriwanka ba kau ban kan baha nani alba wina balan nani saura daukan ba ra luki.

Esdras 8:21

Bara Ahavá tingnika un ra, witin nani sut ra maisa pakanka kum daukri, ai kupia kriwan lâka ra plun piras kaia, Gâd wan Dawan mawanra wan saurka dahra sakaia, bara baku sin witin ra makabaia yabal bâk yamni wan brih wabia dukiara.

Ester 4:16

“Bamna man, nanara was, bara Susa ra Ju nani bani wal prawma ba ra witin nani ba sut asla dauki yang dukira puram suns, plun piras bara lî sin diras kira lapta yumhpa dauks, kakna bara tihmia ra, bara yang sin baku daukamna warkki dadaukra nani ba aikuki. Baha ningkara, yang lika king mawanra wamna, lâ krikamna bara ai ikaia kaka ai ikbia si.”

Ester 4:3

Bara tasba bani ra king adarka ba waluya ba ra, Ju nani ba kaikan ai trabilka ba tara sa, bara param marikan ai sarka bri ba. Plun wahwan, ai nakra laya saki ini yahwan, tila manis ba yamhpus ra aitnikan bara kwala kusni diman.

Job 2:8

Bara Job ban dipasta yamhpus tilara wih iwan bara sumi kriwan kum brih baha ni ai taya ba kurbi kan.

Lawana Nani 69:13

Sakuna yang, Dawan, man ra winisna. Gâdki, ¡nanara hilp ai muns! ¡Latwan lâka tara brisma ba, pana yang ra aisas! Man hilpkam ban brisna ba mita swaki ai sâks.

Aiseya 49:8

Dawan ba wisa: “Piua nani balan sa yang kupi yamnika lâka ba mamrikaia, bara mai aisari; swak takan lâka ba balan sa, bara hilp mai munri. Yang kainam kahbri man dukiamra tawan wal lâ daukri ba, kuntri ba kli paskaia, yabrika tasba sauhkan bîla man ba kli ai mihta ra bribia dukiara.

Aiseya 58:3

Bara ban sakuna, witin nani wisa: ‘¿Yawan dîa muni kaiki plun wahwaia, Dawan tawi wan kaikras ba? ¿Yawan dîa muni mâyara bawi pât taki kaia, witin baha tânka sin briras ba?’ Sakuna damra wals, man nani kaiki plun piras sma ba yua ra, man nani brinkam ba kat hilpkam daukaia plikisma, bara warkkam tatakra nani ra diara dakbisma.

Aiseya 61:2

Dawan yamni kaiki manka ba smalkaia, yawan wan Gâdka ba mita wan waihla nani ra pana munbia yua ba. Sari bri nani ba sut sin maisa nihkaia ai blikan.

Libait Lâka 16:29

“Naha lâka na sin man nani ban baku dauki kama: mani bani kati 7 yua matawalsip aimaki ba ra, warkkam nani sut takaski si, Israel luhpia sut tringsar nani tilamra iwi ba sut, kaiki plun piras kaia sma.

Libait Lâka 16:31

Baha yua ba sunu kaiki plun piaia apia lâka ba daukaia baman kabia, ris yua sin.

Sakaraya 7:5

“Tasbayam uplika nani sut ra wis, prîs nani ra sin: ‘Man nani pat 70 mani, kati matsip aimaki ba ra, kati matlalkahbi pura kumi aimaki ba ra sin, sari bri, kaiki plun piras dauki banhwisma. Sakuna man nani bui yang ra yamni ai kulkaia dukiara daukras,

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Luk 4:19

Dawan yamni wan kaikan manka ba upla ra aisi smalkaia.”

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

1 Pita 2:5

Naha natka ra, Gâd bui man nani ra, walpa rayakira nani baku, spirit tempelka kum mai daukbia, prîs holikira nani, Jisas Kraist bâk spirit sakripaiska nani dauki yaia, Gâd ra yamni kabia.