Aiseya 58:2 - DAWAN BÎLA AISKA

² Witin nani yu bani ai plikisa, bara yabalki nani ba kaikaia brin daukisa wisa, wibia kaka upla kasakkira nani baku, ai Gâdka lâka ba sauhkras kan baku; witin nani lâika kasak ba sauhkras baku makabisa, bara brin daukisa yang laimara balaia.

Aiseya 58:2 ပူးပေါင်းရင်းမြစ်များ

Lawana Nani 119:15

Man lâmka nani luki kaikamna ba ra, man yabalkam nani ra lukanki ba mangki brimna.

Lawana Nani 119:151

Man, Dawan, laimara sma, bara man lâmka bîla nani sut kasak tânka sa.

Lawana Nani 119:87

Kau wiria kan tasba na wina âpu ai daukaia, sakuna yang na, man lâmka nani ba swiras.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Aiseya 1:28

sakuna mapara babura nani saurakira nani lika kriki yuya lupia baku daukamna, ai briras ai swin nani ba lika prui tiwbia.

Aiseya 1:4

¡Alai, upla saura dadaukra nani, watawi lâka man twilki banhwisa ba, saura dadaukra kiamka nani, watawi lâka luhpia nani! Dawan wina laihura takan nani, Israel Gâdka Holikira ba wina sin laihura takan, Gâd ba lulki swin.

Aiseya 29:13

Dawan bui ai win: “Dîa muni naha uplika nani ai aisinka ni baman laimara balisa, ai un nani ni, yamni kulkan lâka aikisa, sakuna witin nani ai kupia ba yang wina laihura sa, mayunra dauki ba waitna nani ai lâka kum kulkaia smalki yan ba kulki ba baku daukisa, ai sinska kat lan taki muni.

Aiseya 42:20

Witin diara manis kaikisa, sakuna tânka nani ba kat sip alkras; binka nani ba walisa, sakuna tânka ba sip briras.

Aiseya 57:12

Sakuna man daukankam nani aisaisna, dîa man lukisma, kasak wapni sma.

Aiseya 57:3

Man nani nâra bal, sukia mairin nani, marit lâka sasauhkra rug mairin kiamka:

Aiseya 59:13

Yawan mapara babura takma, Dawan wal sin kasak apia kan. Yawan wan Gâdka ninara waia brin wan daukras kan, yawan aisin lâ nani ba krikaia, upla nani pât ra dingkaia, yawan upla nani ra kunin munaia lâka daukan.

Jirimaya 42:2

prapit Jirimaya lamara wan bara witin ra win: —Diara kum man ra makabi walaia yang nani balri; apia ai wipara: Yang nani kau wiria lupia baman nâra sna na tâiwan Dawan Gâdkam ra puram suns. Blasi yang nani upla ailal katna, sakuna man kaikisma yang nani wiria lupia baman sna.

Jirimaya 42:20

Man nani mistik saura kum daukisma man nani bal yang ra makabram, yang Dawan Gâdkam ra makabaia, man nani naku ai wiram: ‘Dawan wan Gâdka ra yang nani tâiwan man puram suns, bara witin dîa yang nani ra aisabia ba sut ai wis, baha yang nani daukamna.’

Jirimaya 7:10

baha ningkara naha tempelka yang ra baman maiyunaia aikan na ra aula, yang maiwanra bal buaia. Bara man nani lukisma nahara man nani pain kabia bara diara takbia apia; man nani lukisma yang kau sip kupi alki briras sna dukia nani ba ban dauki kaia.

Jirimaya 7:9

Man nani implikisma, ikisma, upla maya lâka sauhkisma, swer taki kunin aisisma, Baal ra diara kîa pain angki yabisma, gâd wala man nani wal diara daukaia briras sma ba baha nani ra mayunisma,

Isikiel 20:3

“Man, upla luhpia, Israel almukka nani ra aisi bara wis: ‘Naku wisa Dawan ba: ¿Yang ra diara tânka plikaia aulma? Yang, Dawan Gâd, rayaki wal swer takisna; yabrika man nani ba yang wina diara tânka walma apia.’

Emus 5:18

¡Sarkam pali ai daukisa, man nani Dawan yua balka kaikan pali mai dauki ba! ¿Tânka brisma ki baha yua ra man nani ra dîa takaia ba? Baha yua ra yu ingnika ba lika lap tiwbia, tihmia tara baman kabia.

Mark 12:14

Baha nani bal witin ra win: —Smasmalkra, yang nani kaikisna man lika diara kasak ba kat aisisma, upla dîa aisi ba man kulkras, kan man upla nani mawan ba kulkras, sakuna Gâd yabalka ba kasak tânka kat smalkisma. ¿Rom wihtka tara ra lal mana aibapaia ba lâ sa ki, apia kaka, lâ apia? ¿Yang nani lal mana aibapaia sna, apia kaka aibapaia apia sna ki?

Mark 6:20

Herod pain kaikan Jan ba waitna kasakkira bara holikira kan, baha mita witin ra sibrin luki kan; bamna Herod mita yan saura munras. Jan smalkanka ba wali, sakuna Herod dîa daukaia sapa tânka briras kan, ban sakuna pain pali wali kata.

Jan 5:35

Jan lika lamp kumi baku klauhi ai ingnika saki kata, bara man nani mita wilin banhwi katma piua prahni kum ai ingnika ra lilia kaia.

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

Jems 4:8

Gâd lamara man nani was, bara witin lika man nani lamamra wabia. ¡Saura dadaukra nani, mihtam nani ba siks! ¡Bara man nani bui Gâd ra latwan kaikisma, bara sim piua ra tasba ra latwan kaikaia lukisma nani ba, kupiam nani sunu dauks!