Aiseya 58:14 - DAWAN BÎLA AISKA

¹⁴ Naha daukisma kaka, man bui yang ra liliakam sâkma, yang mai brih wamna, kuntri purara ba purak lui pura luanka briaia. Bara papikam Jekob prapatika ba wina liliakam briaia mai daukamni.” Dawan, naha kasak aisisa.

Aiseya 58:14 ပူးပေါင်းရင်းမြစ်များ

Job 22:26

Witin ba man liliakam kabia, bara sip kama kasak luki aman pali kaiki kaia.

Job 27:10

Bamna witin ai lilia sakras sa Gâd karnira ba mawanra, piua kumi sin witin nina mâki winbia apia.

Job 34:9

Witin bila wisa: “¿Upla ba dîa brisa, Gâd nakra ra yamni kaikbia ba?”

Lawana Nani 135:12

baha nani kingka tasbaya sut ba witin ai uplika, Israel luhpia nani ra dukia baku yan.

Lawana Nani 136:21

Witin sika tasba baha king nani ra yuan ba, ai latwanka lâka ba ban kaia ra ban sa bamna,

Lawana Nani 36:8

Man wamtla ra plun ailal pura lui ba pih, witin nani ai âuyapah pali sa; man sin witin nani ra, awala kum wina kau lilia wan saki ba laya ba dauki dakakisma.

Lawana Nani 37:11

Sakuna praut âpu nani ba lika tasba na ai dukia brih iwi kabia, diara ailal briaia bara ai âuyapah pali kabia.

Lawana Nani 37:4

Kupiam swapnikira, Dawan ra latwan kaiks bara mununhtara diara brin mai dauki lukisma ba, witin maikbia.

Aiseya 33:16

baha ba kasak iwbia, walpa tara nani ra ai kan kahbaika pliska kum bribia, witin ra ai pata yabia, ai laya briaia ba lika kasak pali brin kabia.

Aiseya 34:16

Dawan wauhkataya ra pliki kaiks, bara aisi kaiks witin nani kumi nina mâkras swi luan sa sapa; kumi sin ai maya briras ba âpu sa; kan witin ai bîla aisin, adar yan; bara baha nani sut ba ai spiritka ni asla daukbia.

Aiseya 40:5

Bara Dawan prana ba param takbia, bara baku upla bani asla aikuki witin ba kaikbia; Dawan witin mita baku takaia aisin ba.”

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Jirimaya 3:19

“Israel, luki kaikri man ba luhpi waitna baku mai briaia bara tasba pain pali kum maikaia, tasba ra kuntri kum kau pranakira ba. Yang lukri ba man ai wima yang lika man aisikam bara yang laima wima kli taki wama apia.

Isikiel 36:2

Yang Dawan sna ba, naku wisni: Israel waihla nani ba ai dara walisa ban kaia ilka bîla nani ba dawanka takan.

Miqueas 4:4

Upla nani sut ai wainka nasla nani ra, kwah damni dusa nani distika ra sin, ban ai kupia kumi iwi kabia, sibrin sin daukbia apia. ¡Dawan karnika nani sut bri ba ai bîla aisin ba kat kabia!

Matiu 24:35

Kasbrika tasba wal lui wabia, sakuna bîli nani lika aimakan kabia.

Kli Smalkanka 32:13

Pura lui il tasbaya kuntrika nani bâk mai brih wan. Insla pata mâ nani mai dakakan, walpa wina nasma maikan diram, walpa karna ba wina batana laya maikan;

Kli Smalkanka 33:29

Israel, man lilia sma, ¿ya man wal prakaia sa? Dawan sika swaki mai sakan, witin kainam kahbi main mai kaikisa, ¡witin sika pura luram sordka ba! Waihlam nani man ra bawbia, bara ai prautka ba man mita batakma.”

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,