Aiseya 57:7 - DAWAN BÎLA AISKA

⁷ Il kum purara wiria driwi kan ra, man krikrikam mangkram, bara bahara sin sakripais daukaia uli waram.

Aiseya 57:7 ပူးပေါင်းရင်းမြစ်များ

Aiseya 57:3

Man nani nâra bal, sukia mairin nani, marit lâka sasauhkra rug mairin kiamka:

Aiseya 65:7

Witin nani lâ krikanka nani daukan ba aisika nani sin daukan ba baku. Kîa pain angki kan il nani purara, kiuhsi nani purara swiri dauki kan. Witin nani dîa daukan ba pas kulki kaikamna, witin nani dîa briaia aitani ba yabamna.” Baha Dawan aisin.

Jirimaya 2:20

“Man bui yang maipara buram ba wina pat piu wihka auya, bîli wali daukaia apia wiram. Man aisaram: ‘Warkkam takan ai daukras.’ Bara wala nani warkka daukram il purara nani bani ra dus distika painkira bani ra man ur taki kapram.

Jirimaya 3:2

Il nani bahna ba kaiks lipni ba, pain kaiks: ¿anira lika saura pali kulkaia warkka ba man bahara daukras kapram? Arabia uplika nani upla iwras tasbaya yabalka ra iwi bîla kaiki ba baku, yabal un ra iwi lilam nani ba bîla kaikisma. Man ur taki watawika lâka dauki kuntrikam na tâski daukram.

Jirimaya 3:6

King Josías yua nani ra Dawan mita yang ra naku ai win: “¿Man kaikisma ki Israel maipara babura ba diara daukan ba? Witin il purara uli dus tara nani munhtara ur taki tauki banhwi kan.

Isikiel 16:16

Man prâmka nani ni il nani ra idan nani ai pura sunaia tintka watla paskan, bara man baha bilara ur takram.

Isikiel 16:24

Yabal nani lamara utla nani mâkram bahara aidul nani ra pura sunaia bara ur takaia.

Isikiel 16:25

Yabal tnata bani ra plis nani paski yakabram, bara man pramna ba, yamni kaikaia apia ra lakram, wînam tara ba ya ya bal auya nani sut ra yabisma, baku ur lâka ra iwi kaia.

Isikiel 23:17

bara Babilon wina nani ba balan ba ra, witin wal aitnikan bara ai maya kan baku wal ai latwanka lâka daukan; ur taki tâski takan. Uba pali ur takan ba ningkara waitnika ra want apia, aikaban daukan.

Isikiel 23:41

krikri painkira kum ra iwi banhwan, bara tibil ba ridi kan, bahara mangkan kan sîka kîa yamni bara batana yamni munan ba sin, yang warkki daukaia.

Isikiel 6:13

Aidul nani ba tilara altarka nani kaina kir bara kiuhsi nani purara, il nani purara, dus sangni pâwi nani munhtara, usupum dusa dista bri nani ba munhtara, witin nani diara kîa pain nani angki ai aidulka nani ra yabi ba pliska nani ba ra, upla pruan nani bâra kabia ba kaikbia, bara man nani wima yang sika Dawan.