Aiseya 57:2 - DAWAN BÎLA AISKA

² bara kupia kumi lâka ra dimbia. Yabal wapni kum nina bliki auya kan bara nanara ai raitika ra ris brisa.

Aiseya 57:2 ပူးပေါင်းရင်းမြစ်များ

Blasi Sturka 17:1

Ebram 99 mani bri kan, Dawan ba witin ra bal taki, sturi aisin: —Yang sika Dawan, karnika sut brisna ba; rayakam ba yang maiwanra sunu iwi bas.

2 Kronikas 16:14

sakuna ai raitika ba Debit Tawanka ra witin mita pat paskan kan ba ra biki banhwan. Bamna witin nani bui witin ba krikri kum ra mangki, kîa pain daukaia dukia nani ailal sâtka bani brih, wîna ba sîka pain daukan. Ningkara pauta tara muki pura mata ini pain kulkan lâka ba yabi bri kan.

Job 3:17

Raiti ra upla saurakira nani kupia turbanka lâka ba tnata alkisa; bara swapan nani ba sin baha kat ai riska brisa.

Lawana Nani 37:37

Upla ai tânka aihwa bara tânka yamni man bri ba, man laki kaiks; baha uplika sika kupia kumi lâka bribia.

Smasmalkra 12:7

Baha ningkara tasba yuya ba tasba ra tawbia patitara kata baku, ban spiritka ba lika Gâd ra wabia, baha ba witin mita yan bamna.

Aiseya 14:18

Nisan nani sut kingka ba, witin nani ba, kulkanka tara wal ai ris bri ai raitika ra prawisa;

Aiseya 26:7

Man Dawan sika, yabal nani ba wapni mangkisma ba, kasakkira nani yabalka ba wapni pali sa.

Jirimaya 6:16

Dawan bui ai uplika nani ra wisa: “Man nani yabal kat bûi ba ra kaiks, blasi pali yabalka nani ba dukiara makabi wals, yabal kau yamni ba bâra sa; baha yabalka ra waps bara man nani ris brima.” Sakuna witin nani aisin: “Apia, apia, yang nani baha yabalka ra wapan ai daukras”

Isikiel 32:25

Elam ba tnikan sa ai suldiarka pruan nani ba tilara; witin nani sut gâdkas war ra pruan, nanara ai raitika kir kutbi bri ba. Tâ ikan lâka tara daukan, raya nani ra; kuna nanara kulkanka âpu sa, raiti ra iwi wan nani tilara, upla mita ikan nani tilara takaskan.

Daniel 12:13

Sakuna man, Daniel, tâm kat ban wapi bas bara ris bris, kan tnata yua nani ra buma mamna ba briaia dukiara.’ ”

Matiu 25:21

Dawanka ba bila: ‘Pain; man ba alba pain bara yamni sma. Man ba diara wiria wal kasak kapram bamna, diara ailal mihtam ra mangkamna. Bal dimi, yang wal lilia bris.’

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 16:22

Yu kumi Lasarus ba pruan, bara insal nani bui brih wan Paradais ra, Ebraham wal kaia. Ningkara waitna yuyakira ba sin pruan, bara bikan.

Luk 2:29

“Dawan, nanara, pramiskam ba tnata alkan sa: sip sna swirka dukiam dadaukra ba ai âuyapah lâka ra pruaia.

Luk 7:50

Sakuna Jisas mita mairin ba ra win: —Man kasak lukram bamna, swaki mai sakan sa; bamna kupiam kumi wal was.

2 Korint 5:1

Bamna yawan kaikisa, wan wîna tara na utla kum baku sip ban apia ba mita, sauhki tikan kabia; kuna Gâd mita wan watla ban kaia kasbrika purara ridi daukan sa, bara baha lika upla mita ai mihta ni daukras sa.

2 Korint 5:8

Wan kupia ra aitani kat mangki luki banhwisa, bara kau ni brin wan daukisa, naha wîna tara lâka ra iwisna na mahka swi si, Dawan lamara wih iwaia.

Pilipai 1:23

Diara wâl ba wina kum saki briaia ba karna sa yang maipara: kum lika mahka prui Kraist wal wih bahara kaia lukisna, kan baha ba kau yamni kabia yang maipara;

Param Marikanka 14:13

Bara bîla baikra kum kasbrika pura ba wina yang ra ai aisi kan walri: “Naha na uls: ‘Nanara wina pruan nani ba yamni pali sa, witinka nani Dawan ra lalukra nani taki si prubia ba.’ ” “Âu —Spirit ba baku wisa—, kan witin nani ai warkka karna nani wina ris brin sa, bara ai warkka nani mita ai yula kahbi kabia.”